كانت واقفة مقابلة الطاقة دموعها على خدها شاردة فالماضي اللي بقا ملاحقها اللي خلاها تتغرب على ناسها وحبابها ، نرجعو بالزمان للور قبل 15 سنة
راسم: آزار مازال ماوجدتي روحك العرس راح يخلاص صرب ليوم يشبعني سبان
آزار: كون تجي تعاونني ماشي خير ماراكش تشوف بلي الصباط منيش قادرة نلبسو
راسم: هاتي هاتي وليتي مدورة ماديري والو كون مانكونش انا
آزار: ماتزيدش تقولي مدورة فهمت وزيد شكون ردني هكاا انا واقيل
راسم: كون لسانك هداك اللي وليتي متقدريش تخدميه ماشي خير
آزار: تعيي
راسم: علابالي امشي
راحو للعرس تاع صرب ووجدان ايه بعد هاديك المضاربة اللخرة صرب خمم مع روحو وطلب منها السماح من وجدان ووعدها مايجبدش كامل السوجي تاع الخدمة ويولي يشجعها
فالصالة بعد ما وصلو زاكو وكامي اللي حتى هوما تزوجو بصح ماعندهومش بزااف وكانو قاعدين مع العايلة ماريا وصهيب ووليدهم لحقو راسم وآزار
ماريا: هاه راهم جاو
زاكو: بسيف يابنعمي صرب ليوم يتعرالك
راسم: هيا بطاتت
آزار: اففف ياربي مايساعفنيش كامل وراهو يشوف فيا كيفاش حالتي حالة يضل ورايا ، قعدت وربعت يديها مزعفة ، خزرو فيه كامل
راسم: خلاص حبيبي كنت نتمسخر برك نتي تاني وليتي من كلش تتحسسي
كامي: سينورمال les hormones
صهيب: امشي امشي السيد ليوم ياكلنا ، راحو الرجال عند صرب والبنات قاعدين يستناو فوجدان تبدا تصديرتها لأنهم جاو بكري وراحو سلمو عليها وباركولها ، كانت كامي تصدر فيها
جات كامي بعد مادخل صرب والرجال للصالة قعدت قدام آزار
كامي: راكي مليحا آزار
آزار: اني خايفا قريب نولد وحاسا بوحد الحاجة مشي مليحة راح تصرا
كامي: لالا واش هاد الهدرة بعيد الشر
ماريا: استغفري انا تان كانو يجوني هاد الافكار من الخوف بصح الحمدلله ماتتقلقيش ياك حبيبتي تولديها بالصحة نشاله، اومأتلها براسها....هكذا شويا بعد الخاتمة والرقصة تاع العرسان وتقطيع الكايك
العريس هز عروستو ومشا والباقي كل واحد راح فطريقو
فالطريق عند راسم وآزار
آزار: راسم كرشي راهي توجع
راسم: ايه بالاك كيما مالف ولا كليتي بزااف
آزار: مانعرف بصح حاسة راح نولد
راسم: ياك قالت الطبيبة منا على سمانة
آزار: لالا آااااي راسم حا نولدد السطر بدا يزيد
راسم: وشنو ياربي استغفر الله اتنفسي دوك نلحقو
وراح ماشي للسبيطار ، بعد مدة دخلو قابلوهم الطبا جايين عندهم بعد ماعيط راسم لطبيبتها ، شويا هكدا لحقو لافامي كامل وماريا اللي جابتلها كابتها ودوزانها ودوزان البيبي مدتهم للفرملية، بعد مدة وهوما مقلقين ومخلوعين خرجت الطبيبة
الطبيبة: موسيو راسم كلشي مبروك زدادت عندك طفلة كي القمر
راسم: يبارك فيك نقدر نشوفهم
الطبيبة وي موسيو بصح ماطولش ، دخل راسم لقا بنتو فحضن آزار وهيا تبكي حضنهم يحمد فربي
راسم: الحمدلله عشت وشفت هاد النهار اللي جبت بنت شابة منك
آزار: ماتقدرش تآمن شحال نحبك
راسم: وانا تاني نحبك ، اهيه واش نسموها
آزار: لونار پيسك نتا كنت تقولي راح نجيبو قمر لحياتناوهومعناه القمر باللاتينية
راسم: حاضر يا ام القمر خرج راسم وهيا بدلوها لغرفة عادية ومعاها لونار
راحو الكل يريحو پيسك كان الليل وراسم بقا معاها ، فالصباح خرجت وراحت لدارها لقاتهم كامل تماك حتى من صرب ووجدان اللي جاو و فرحو بالطفلة وباركولهوم
صهيب: انا وليدي يتزوج لونار من اللخر
راسم: لالا اذا كان وليدك يخرج كيفك غير مكان لاه
صهيب: تاع وجهك تناسب وليدي
ماريا: يكبرو انشاله وكل واحد يدي مكتوبو
كامل: آميين
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
