ماشية بجيهة الباب جسمها كامل مهدود والعياء باين عليها ، دارت براسها تشوفها ماشية فالجاردان وتتبختر هازة كاس فيدها تشرب وتتنسم ، حبست تتأكد إدا صح هيا ، انعم هياا ! ، بقات تتسائل هادي واش جابها لهنا ؟ ، وعلاش راهي ماخدا راحتها هكا ، بزاف أسئلة كانو يدورو فبالها ، دارت لوخرة راجعة لداخل بعد ماكملت كاسها وحاسة الجو ليوم شباب وراح يكون النهار احسن ، قابلتها واقفة وتخزر معاها ، فهمت بلي راهي تخمم واش جابها ، دورت لورين راسها ودخلت
راحت للصالون لقاتهم قاعدين
لورين: صباح الخير عليكم
كامل: صباح النور ، راحت عند فطوم باستها وهيا حضنتها
فطوم: راكي مليحة الشابة ديالي
لورين: اممم .. عيانة برك شوية ، دخلت عندهم ميرال وراحت باستها وقعدت قدامها
ماريا: مصعب خرج
لورين: ايه وصلتو وجيت
كامي: بنتي فهمنا بلي عاونك بصح مشي زدتي فيه شوية .. تبقاي مع راجل براني .. راكي مخطوبة
لورين: هاداك البراني هو اللي عاوني والخطيب اللي راكي تهدري عليه طاطا راح عاون البرانية اللي راهي دور برا كيشغل فدارها ، هزت روحها طالعة
فطوم: عندك الوجه وتزيدي تقوليلها راكي مخطوبة
كامي: ايه ياك مخطوبة ولا راني غالطة !
ميرال: طاطا مشي كيشغل حابة تغطي على وليدك بسيف .. علاش هوا ماشي خاطب ؟
كامي: مقلتش العكس .. وياك ضاربت معاه بصح حتى هيا ملازمش تقعد مع البراني .. كانت قادرة تروح طل عليه كيما الناس
ميرال: وليدك تاني كان قادر ميجيبهاش لهنا ويخليها فدارهم كيما كامل الناس
آزار: ميرال ، خزرت فيها
ميرال: الصح ميعجبش ياك طاطا ، هزت روحها ولحقت بختها
ماريا: عندها وحد اللسان فيه ميثرة
فطوم: هاداك مايليق معاكم نتوما
عند إيلصا ومروان خرجو كيف كيف راحو يحوسو ، وراهم قاعدين فريسطورون يستناو فالماكلة
مروان: اني هدرت مع باياك على الخطبة
إيلصا: صح ؟ واش قالك !
مروان: فاللول تعجب .. ممبعد قالي منلقاش خير منك يكون نسيبي
إيلصا: صحااا
مروان: الخطبة راح تكون غدوة
إيلصا: وشن ؟ .. غدوة !!!
مروان: اممم
إيلصا: ماشي زربت شوية .. أصلا فالدار مراهمش عارفين وتبانلي ماشي وقتها
مروان: علاش ماشي وقتها .. العكس الدار راهم في كآبة اوموان نفرحوهم حنا بحاجة
إيلصا: مانعرف
مروان: ياك بيناتنا تمتم نديرو خطبة خفيفة وعلى يامات نعلنو عليها .. ونديرو العرس
إيلصا: راك مزروب
مروان: نبقاو نلعبو .. ياك مكان حتى حاجة تعطل
إيلصا: يعني قريب نرجع مرتك ؟ ، حرك راسو بايه
مروان: راح ترجعي مرتي وشريكة حياتي نعيشو مع بعض حتى نشيبو .. تهبليني كي متاخديش الراي .. نغير عليك .. نجيب معاك بنيتات يشبهولك ويچاحروك فيا ، تبسمت وشدتلو يدو اللي كان على الطابلة
إيلصا: نغير عليك من لبنات اللي دايرين بيك .. نروح معاك للخدمة وندور الشركة كامل .. نزكر فيك .. نطيبلك ماكلة متصلحش .. هههههه ، باسلها يدها
مروان: ربي يجمعنا فسقف واحد
إيلصا: آمين ، جا السارڤور جابلهم الماكلة ، بداو ياكلو وهوما يخططو كيفاش يعيشو وكيفاش يديرو وابتسامتهم مرسومة من الشق للشق ، اللي يشوفهم يفهم بلي راهم هايمين فبعض ..
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
