جمعتنا القرابة *الجزء الثاني* (أنت قدري)

Partie 31

بعد تقريبا خمس ساعات :
وصلو قدام الأوتيل اللي راح يقعدو فيه كانت الساعة تقريبا ال 11 تاع النهار ، هبطو داو لي كارت تاع شنابرهم وطلعو فالأصنصور ، أديم كان فشومبر وحدو وهوما داو شمبر رباعية فيها ربع سراير
أديم: انا راح نرقد ، نتوما تاني ريحو و كي نوض يرحمها ربي
ايلصا: بصح مترقدليش للمغرب يخلاص النهار ومادرنا والو
أديم: يا ودي نوض جيهت ال 13:00 نتغداو ونخرجو
لونار: خلاص متفاهمين ، خرجو من الأصنصير ودخلو للبيوت طاحو سبتة رقدو من العياء

فالشركة كان خارج من الإجتماع مع عملاء من الخارج اللي عياه عندو شحال وهو يوجدلو واكيد كالعادة كان ناجح ، دخل للبيرو تاعو يكمل يشوف فوحد الورق تاع الإجتماع تاع غدوة لأنو هاد الإجتماعين كانو مهمين بزاف ، وصلتو notifications لتلفونو ، شاف معاه لقاها من anst فتح لقاها story تاع لونار مصورة اطلالة الأوتيل وكاتبة ✨el bahia wahran✨ ، حط التيليفون وكمل يخدم شوية هكا ترسمت ابتسامة على وجهو كي تفكرها

ناضو لبنات بعد مارتاحو غسلو ووجدو عمرهم باش يخرجو
لونار: دوكا شكون تروح تشوفنا هاداك الكوالا ادا ناض
ايلصا: ماشي انا خاطر حنا توأم لايتفاهم وآخر مرة نوضتو فيها رما عليا بالفيوزة كون ماطاختش فالحيط كون راني فذمة الله
آيلا: بالاك يكون ناض وراهو يستنا فينا عيطولو وشوفو ، هزت لونار التلفون تصوني مرة وزوج وثلاثة والو
لونار: باينة مناضش ، كيفاش نديرو ، خزرو فبعض ممبعد خزرو فيها
لورين: وشن ؟
ايلصا: نتي نوضيه
لورين: واش ، علاش انا ! نتي اللي ختو
لونار: ياو نتي مرتو ، قصدي نتي وياه تتفاهمو بزاف ، هيا لورين
لورين: بصح ، مخلاوهاش تهدر وجبدوها لقدام باب بيتو ، طبطبو وقفوها وهربو ، بقات تشوف معاهم كي راحو ومخليينها والخلعة حاكمتها حتى دارت كي تفتحت الباب ، شافت معاه كان مغوبش بالنعاس ويحك فعينو ماشي لابس منفوق غير بشورت ، بقات ترمش الهدرة تلفتلها
لورين: اا انا ج٠جبت بش نوضك ت.تدينا ، راهي ال 13:00 كيما قلتلنا ، احم نخليك تبدل ، وجات هاربة
أديم: حبسي ، دارت عندو ، ادخلي وجديلي حوايجي le temps ندخل ندوش ، دخل وخلا الباب مفتوح وخلاها باقية تستوعب
أديم: نباتو هنا ، دخلت بالشويا لقاتو داخل للدوش ، غير لحق للباب دار عندها ، اقعدي هنا كي نقولك مديهملي مديهملي ، دخل للدوش وهيا راحت لكابتو بدات تجبدلو فالحوايج وقعدت فوق الفراش تستنا فيه يكمل
عند البنات اللي غير شافوها دخلت عندو بقاو حالين فمهم متبسمين
ايلصا: قولتلكم غير نعسوهم هاداك يشطح بلا محارم مانجيو نروحو منا يكون ردها enceinte
لونار: زعما علاش دخلها ؟
آيلا: اممم بالاك كاش ماراح يقولها
لونار: زعما راح يعترفلها !
ايلصا: فالبيت ! ودوك ؟ راكم نية بزاف هاداك توأمي ونعرفو
لونار: اففف كلاني الفضول
ايلصا: غير تجي نسقسوها وخلاص
لونار: ايه
عندهم لداخل كانت قاعدة وتستنا فيه يكمل حتى سمعت الماء حبس ، شويا هكا وعيطلها تمدلو حوايجو ، دقدقتلو فالباب باش يفتحها قربت يدها مبعدة راسها باش تمدهوملو ، شدهم عليها وهيا بعدت تستنا تمدلو التريكو اللي خلاهلها فيدها ، خرج لعندها راح للمراية يمشط فشعرو
لورين: التريكو راه فوق لفراش ، انا راح نخرج
أديم: اني كملت دوك نخرجو كيف كيف ، لبس التريكو وراح يسgم شعرو مع المرايا حط پارفانو ولبس ساعتو هز نواظرو ودار عندها لقاها تشوف معاه
أديم: يالله
لورين: هرمنااا ، سبقتو خارجة وهو تبسم يدور مفاتحو بين يديه
عند لبنات
ايلصا: لالا صح هادو gرعوها واقيلا حلالهم التدحنيس
لونار: اففف راح النهار وحنا نستناو فيهم ، تقلقت
آيلا: انا خدموهالي كي محبوش يخرجو دوك
ايلصا: انا راح نطبطبلهم دوك ، ناضت رايحة لعندهم هيا غير فتحت لباب باش تروح عندهم هوما يقابلوها ، لورين كانت تتبسملها تبسيمة صفرة علابالها دوك تاكلها بالأسئلة
ايلصا: عام ، ديجا واش كنتو ديرو لداخل ، اسمع نتا نعرفك سوفة طايرة بعد من الطفلة
أديم: كون تتلهاي فروحك ماشي خير وتبطلي الدصارة ! لا نخلطك هنا ، جات لونار منهيه
لونار: واش منروحوش ياو خلاص النهار ومادرنا والو
أديم: راهي 14:00 امشو نتغداو وارحموها ، هبطو لبنات خارجين معاه يديهم يتغداو ، شويا هكا حبس قدام وحد الريسطو شابة على البحر ، مد المفاتح لواحد فالباب باش يgاري الطونوبيل ودخلو طلعو للطيراس لفوق دومونداو واش ياكلو
أديم: شوفو غدوا نروحو ل santa cruz باش نديماريو بكري ليوم نروحو ldisco magreb نفوتو la place premier
Novembre
لورين: اوكي
لونار: كيفاش تعرفها مليح هكاا ! 
أديم: كنت نجي مع صحابي بزاف لهنا وعندي تان صحاب عايشين هنا تسما نعرفها مليح مليح كيما alger
ايلصا: حنا جينا خطرة كامل منشفاوش عليها مليح
لورين: ايه من هاديك نهار توضرت انا 😂
آيلا: صحح !
ايلصا: ايه كانت تزغد بزاف وتحب تكتشف ايا غفلو عليها شويا كان هنا وراح
لونار: متمسخريش وكيفاش لقاوك ؟
لورين: شافني وحد الراجل كنت نبكي ايا جا عندي سقساني كيفاش وعلاش راني وحدي ايا قوتلو توضرت داني عند la police وتمتم عيطو لپاپا
آيلا: ايااه مزيا طحتي فواحد يخاف ربي
لورين: ايه يعني فاللول خفت منو خاطر ماما كانت توصيني منهدرش مع اللي منعرفهمش ممبعد كي قالي نديك la police رحت معاه
أديم: وكون قالك نديك la police وتمسخر بيك !
لورين: دوك فميزك انا فهاداك l'âge وفهاداك الموقف قاعدة نخمم ادا يتمسخر بيا ولا لالا ، قالي la police درت فيه لامان ربي ستر وخلاص
ايلصا: المهم دارتلنا هاداك النهار خلعة وسمطتهالنا رجعنا غدامنداك
لورين: منتما وانا حابة نرجع نشوفها
لونار: هااا رانا جبناك معانا عسي تزيدي تتبحري برك
آيلا: وهران متزيدوش تعتبوها ، ضحكو لبنات ، جابولهم الماكلة وبداو ياكلو ، غير كملو خرجو ديماراو رايحين يبداو تحواسهم فوهران