جمعتنا القرابة *الجزء الثاني* (أنت قدري)

Partie 04

لونار: المفيد شكون خلاني نهرب كي نشوفك ولا نسيت ؟
آرام: justement علابيها جيت نهدر معاك ، شوفي هاداك النهار كامل les preuves كانو ضدك 
لونار: ودوكا واش تبدل أه !
آرام: شوفي معنديش بزاف عرفت بلي نتي خاطاك علابيها جيت نهدر معاك واني حاب نفروها
لونار: 3سنين وانا كارهة روحي نخمم واش درتلك دوكا جاي بوجهك الصحيح تقولي خلاص ايا روح ترنك
آرام: شوفي اهدري مليح معايا جيت نصلح معاك مجبتكش طيحيلي من قيمتي
لونار: والله ! وانا قيمتي اللي طيحتها قدام صحابك وجماعتك ؟؟
آرام: كامل راهم عرفو دوك بلي نتي خاطية
لونار: واش تبدل ! والو يمالا خيرلك غير مدورش قدام وجهي ، جات رايحة حكمها من يدها زير عليها حتى وجعها
لونار: يدي اطلقني ، آرام وعينيه حمورا
آرام: احترمتك قلت انا لغلطان بصح باش تطلعي فوق ظهري انسايها فهمتي وكي تهدري معايا تهدري مليح ولا تشوفي واش نديرلك ،  طلقها ، خزرت فيه بكره وخرجت

راحت لبيتها تغلي 😤 بالزعاف
لونار: الله لا توصلك الراسة لخامجة ، دقدقو فالباب ، دخلت ايلصا
ايلصا: لوناار اجري ماني
لونار: واش وشبيها ماني هادا وين كنت معاها
ايلصا: معلاباليش داق فيها النفس وراهم هبطوها l'hôpital
خرجت لونار وايلصا وهبطو لتحت لقاوهم كامل مخلوعين صهيب وماريا وزاكو راحو معاها ولحق بيهم آرام وراسم كان فالشركة والباقي فالدار يستنا ، بعد 3سوايع جا آرام لقاهم كامل مجموعين فالصالون
كامي: آرام وليدي قولي واش حوالها يما واش قال الطبيب
آرام: ماراهيش مليحة بزاف لاطونسيو تاعها كانت طالعة بزااف بصح دوك راهي خير من مقبيل ، برك راهي تحوس على بنتها ، كامل تصدمو يعني راهي تحوس على آزار خزرو direct فلونار ، اللي هيا وتوترت واش راح دير كيفاش راح تقول ليماها ، طلعت لبيتها راحت هزت تيليفونها لقاتها عيطتلها
لونار: اففف ماما تقول راكي تحسي ، عاودتلها
آزار: لونار بنتي وين راكي من الصباح وانا نعيط علاش متهزيش كاشماصرالك ؟
لونار: لالا والو مصرالي والو اني مليحا
آزار: الحمدلله
لونار: ماما برك ماني مقبيل طلعوها لصبيطار وحالتها ماتعجبش بزااف وراهي تحوس غير عليك
آزار: وشنو واشبيها واش صرالها كيفاش حتى مرضت
لونار: معلاباليش قبلها بشويا كنا نهدرو كان والو مابيها ممبعد شويا زاد عليها الحال طلعتلها لاطونسيو
آزار: ياربي وحفضها يارب وطول فعمرها
لونار: آمين المهم ماما كاش جديد عليها اني نقولك باي 👋🏻
آزار: باي 👋🏻
غير غلقت عليها دموعها طاحو شلال على يماها اللي توحشتهاا بزااف وراهي خايفة كاش مايصرالها وتروح وتخليها
عند لونار هزت مفاتحها وصاكها وهبطت ، فاتت فيهم وراحت جارية خرجت غير وصلت للباب حست يد حكمتها حتى خبطت فصدر العبد اللي حكمها غير دارت لقاتو آرام ، قلبت عينيها منو وكانت تحوس تفك يدها منو
لونار: اطلقني علاش راك تشد فيا هكاا
آرام: ادخلي لداخل
لونار: واش همك ندخل نخرج ديجا راح نشوف مااني
آرام: فات وقت الزيارة يالله ادخلي
لونار: شكون نتا باش تأمرني آه ، وناضت تحوس طبع فيه بصح هو والو مايتزحزحش
دخلت طونوبيل للفيلا (تاع ماريا وصهيب)
ماريا: هاداك ماشي آرام علاه راح حاكم يد لونار هكاك؟ ، هبطت جارية عندهم نحاتلو يدو
ماريا: علاش راك شادها هكاك وشبيكم واش كااين ؟
لونار طلعت  وهي دارت ليه
ماريا: اني نهدر معاك علاش درتلها هكاك واش كاين كاش مادارتلك ؟ ، خزر فيها وراح.....شكون سقسيت يموت وميردش
فات النهار كل واحد فواش يخمم الفيلا كامل واحد فيها ماهو نعسان ، وطلع نهار جديد واحداث ، ف l'hôpital كانو كامل دايرين بيها ويحكيو معاها فلحضة دق الباب دارو كامل يشوفو شكون جاا حتى دخلت آزار
لونار: ماماا ، الكل مصدوم 😳 شحال عندهم ماشافوهاش ، أما راسم فكانت تعابير وجهو غير مفهومة poor face
كامي: آزاااار ، وراحت جارية تعنقها.....توحشتك علاه غبتي هكاا، راحو عندها ماريا ووجدان كيف كيف سلمو عليها وكامل العايلة وراهم بقا غير هو يخزر فيها برك ، كانت واقفة فالكوانة تحوس تفسر خزرات باباها ليماها وتشوف مع يماها اللي دايرتو كيشغل مكانش ، حركت عنقها
لونار: يضهرلي لحق لوقت باش نعرف واش كاين (بهمس)
بعد مدة خرجو كامل بقات غير هيا ويماها (آزار والجدة) فالغرفة
الجدة: ماتأمنيش قداش فرحت كي شفتك حسيت الروح رجعتلي
آزار: مام انا ماقدرتش نصبر كي سمعت بلي راكي مريضة
الجدة: ياك تزيدي تقعدي
آزار: مانعرف انا جيت نطمن عليك وممكن غدوة نروح
الجدة: لوكتاش راح تهربي كملي حياتك معانا ومتخلينيش مكويا عليك يا بنتي
آزار: ماما خلاص راح تقلقي روحك وتزيدي تمرضي
الجدة: ايه ايدا ماكيش حابا نمرض اقعدي
آزار: خلاص راح نقعد يامات بصح منزيدش عليهم ، خزرت معاها الجدة ودارت براسها للجهة لوخرة ، ممبعد هيا باستلها راسها وخرجت غير فتحت لباب لقاتهم يستناو فيها والباقي كامل راحو (ماريا كامي ووجدان) ، ضحكت كي شافتهم
كامي: ايه وين نروحو ؟
وجدان: لبلاصتنا طبعاا ، راحو هوما الربعة للريسطو اللي كانو يتلاقاو فيه دايمن ويفضفضو
آزار: مازال هوا هوا ماتبدل فيه والو
ماريا: شكون راسم ؟ ، دارو ليها كامل 😒
وجدان: واش دخل راسم باينة راهي تهدر على الريسطو
كامي: اهيه احكيلنا كيفاش تاقلمتي تماا
آزار: صح فاللول جاتني صعيبة بصح يعني اصلا انا من الدار منخرجش وماتعرفتش تماا يعني عادي
كامي: وشكون جبرك باش تروحي حتى تصعبلك تتاقلمي ياك نتي حبيتي
ماريا ووجدان:😳 ، بقات تشوف معاها آزار وضحكت
آزار: ايه عندك الحق
وجدان: ايه واش ناكلو ، وكملو ونستهم ممبعد راحو هوما للفيلا وهيا راحت للاوتيل malgré المحاولات تاعهم باش تروح معاهم بصح مقدروش يقنعوها ، بعد ما وصلو لقاو لونار قاعدة قدام الپيسين وتتفرج فتيليفونها
كامي: آرام علاش راكي وحدك هناا ؟
لونار: لالا والو تغميت برك ، ماما واش من اوتيل راهي فيه
كامي: راهي ف***** ، علاش
لونار: راح نروح نبات معاها توحشتها
كامي: اه مليح المهم انا ندخل مالا ، دخلت كامي ولونار قعدت تشوف فتيليفونها حتى لحق وقت العشا تعشات وطلعت لبيتها بدلت وهبطت
صهيب: لونار بنتي وين ؟
لونار: راح نبات مع ماما
صهيب: وتروحي دوك الليل خلي كاش واحد يوصلك
لونار: لالا مكان لاه راهي غير هنا قريبة
صهيب: معليش سوقي بلعقل ومتنسايش كي توصلي عيطيلي
لونار: صحاا اياا تصبحو بخير
صهيب: ونتي من اهلو
خرجت لونار راحت ركبت طونوبيلتها غير كانت خارجة تصادفت مع آرام داخل بطونوبيلتو
آرام: وين رايحة هادي فنصاص الليالي ؟
دخل لداخل شاف كامي قاعدة وتقرا فكتاب
آرام: احم كامي (بما انو هوا لكبير ايا يعيطلهم باسماءهم) ، هبطت نواضرها وشافت معاه
كامي: وي آرام
آرام: وين راحت هديك دوك !
كامي: آه لونار راحت تبات عند يماها فالاوتيل
آرام: وعلاش ماقالتش لواحد من الولاد يوصلها
كامي: قالها باباك بصح محبتش تشقيهم
آرام: اممم
كامي: علاش كشما كاين ؟
آرام: لالا والو
راح خلاها تشوف معاه متعجبة ممبعد كملت تقرا ، طلع لبيتوقعد فالبونك وبقا يخمم ممبعد ناض خدا دوش وتكسل
عند لونار كانت تمشي ممبعد عيطت ليماها
آزار: الو لونار وين راكي ؟
لونار: اني جاية اني هبطت شريت الكيك اللي نحبوه واني قريب نوصل
آزار: ايه ردي بالك مالا
لونار: ايا صحاا
كانت تمشي فالطريق عادي حتى شافت طونوبيل وراها تبع فيها
لونار: اوهاا هادي الطونوبيل راهي تبع فيا هاداك واش خص ، علاش هكا هنا كي يشوفو طفلة وحدها فالليل يحبو يتبلاوها
زربت فالسياقة وهوما كيف كيف وراها حتى لحقو قدامها
الولاد: احبسي خيرلك ماعندنا ماراح نديرولك راح نسقسيوك برك ، زربت وخلاتهم حتى لقات روحها فطريق متعرفهاش
لونار: آه ياربي انا واش درت فحياتي وين راني
شويا هكدا تشوف طونوبيلتهم لحقت بيها
الولاد: يالزعرة حبسي وشبيكي هاربة
لونار: اففف افف هاداك واش خص ، كملت تمشي زاربة معلابالهاش وين غير هاربة منهم حتى اوووپ طيط طيط طيط

فجهة خلاف كانت تستنا فيها حتى صونا الباب ناضت فرحانة تفتح
آزار: لونار طولتي بنتي واش ك.... ، لسانها بلعتو كي لقاتو هوا ، جات راح تغلق الباب حكمها بيدو ودخل وغلقها
آزار: واش راك دير اخرج
راسم: نخرج ؟ نسيتي بلي راكي مزلتي مرتي ولا نفكرك ؟
آزار: كنت ومتنساش بلي نتا محبيتش تطلقني
راسم: انا اصلا محبيتش هادا الحالة اللي رانا فيها حتى نطلق فهمتي ياك علابالك بلي نحبك
آزار: خلاص دوك طفرت وحنا بعدنا المفيد علاش جيت دوك
راسم: ايه جيت باش نعرف علاه رحتي وخليتيني ومتقوليليش من طبايعك وكدا پيسك اللي معندوش عقل وميأمنهاش
آزار: منيتك بعد هادو السنين كامل جاي تحوس ؟ الله يهديك
راسم: ايه حاب نعرف ودوك پيسك هربتي بزااف وهنا تحبس ، فهميني برك علاش درتي هكدا ياك نحبو بعضانا وكامل الناس تشهد واش صرا واش خلاك تهربي مني أنا راسم راجلك حبيبك وعذبتي بنتك خليتيها تعيش مطايشة ماشي كيما الناس
تعمرو عينيها من هدرتو وبقات تشوف معاه ، حكملها يديها
راسم: قولي اهدري متخافيش اني هنا علابالي بلي عندك سبة كبيرة خلاتك ديري هكذاا
آزار:......ان اناا امم نح.ب.ك وو مست....
صونا تيليفون راسم قلب عيناه ودار يسب غلقو ودار ليها
راسم: كملي
زاد صونا زاد تقلق
آزار: هزز ، جات راح تنحي يديها زير عليهم ، شاف مع التيليفون لقاه آرام ، هز عليه
راسم: واش آرام
آرام: لونار دارت اكسيدون وراهي فسبيطار *****
راسم و آزار: وشنو ؟؟؟

Hello habibati semhouli kont mrida bzff snn ani rjaet likom wrah nkmlha mtnsawch tvotiw w taboniwni bach nkmlha bisoww 🫶🏻♥️