كانت تعاون فيه يلبس وهو يتمسخر معاها ، شويا هكاا دقت الباب وتفتحت دخلت بعد ماسمعت الإذن ومعاها آرام ، آرام اكتفى اشار بيدو تاع صحاا 🤚🏻 ومروان تبسم معاه ولونار صبحت عليهم
لونار: صباح الخير عليكم
مروان وآيلا: صباح النور
لونار: كيفاش راك دوك ؟
مروان: راني مليح ياودي غير جيبولي ناكل برك قتلوني ب la soupe sans goût والشلاضة ساك يالزح ، تسما مامتش بالرصاصة نموت بالجوع
لونار: متقلقش روحك غير تخرج منا راح تاكل غير الماكلة اللي تحب ، خزر مروان فآيلا
مروان: على زين الطياب اللي طيب مكسرة اليدين هادي ، ضربتو لكتفو
آيلا: شو الحمار هادا كون فمك اللي موجوع ماشي خير ، جبدها لعندو وحضنها
مروان: خلاص راني نتمسخر معليش ناكل حتى ماكلتك السامطة متزعفيش برك ، خزرت فيه وفتحت عينيها
آيلا: أنا ماكلتي سامطة
مروان: واش حبيتيني نكذب
آيلا: لونار اهدري معاه لا دوك نخبطو نعاود نردو وين كان ، ضحكت عليهم لونار لأنو موالفة بتنڤريشهم ، وآرام تبسم ، حتى نطقت لونار
لونار: خلاص سكتونا راح تجيو عندنا ونتا راح تشبع شطاطح وتغماس كيما تحب
مروان: وين نجي وين انا نروح لداري
لونار: هادي الهدرة اهدرها معا پاپا وخالو صهيب
مروان: الله يهديكم راني مليح وزيد راهي معايا هادي الشاموثية تتهلا فياا ، قاطعو آرام
آرام: معليه ارواح عندنا باش يرتاح بال العايلة كامل عليك وكي تبرا تحب روح روح
مروان: والله مكان علاه تشقو عمركم
آرام: خلاص العايلة كامل راهي تستنا فيك اصلا ملول حبو يتعرفو عليك ودوك جاتهم السبة ، سكت مروان ، ولونار دارت ليه تهدر بهمس
لونار: عشت وشفت مروان يسمع لكلام ، خزر فيها
مروان: اسكتي نتي يالموصيبة
بقاو معاه حتى جا الطبيب وجوزلو وخرجوه
فالدار
الحالة قايمة قاعدة يوجدو باش يستقبلوه ، آزار اللي مصبح وهياا رايحة جاية تجيب وتحط وتسgم ومعاها ماريا وكامي ووجدان ، دخلت ايلصا وقعدت فالصالون كانت عيانة ، بقات تشوف معاهم وهوما رايحين جايين دوخوها
ايلصا: ياربي وشبيهم هادو ، ماما يا ماما ، دارت ليها ، حبسو وشبيكم رايحين جايين وتتخابطو فمابيناتكم
كامي: ماشي وقتك ايلصا مانيش قاعدة ، راحت وخلاتها
ايلصا: الله ياربي خلاتني وراحت ، شافت ماريا جايزة وتهدر مع الخديمة ، راحت عندها
ايلصا: طاطا واش كاين علاش راكم هكاا كاين مناسبة وانا معلاباليش
ماريا: مانيش قاعدة بنتي ياكي ومبعد ، وراحت تكمل تهدر مع الخديمة وتعطيها فالتعليمات ، تنهدت وهزت صاكها طالعة لبيتها شافت وجدان كيما راح تهدر معاها لقاتها هزت تيليفونها وتهدر ، سكتت وكملت رايحة لبيتها ، غير دخلت رمات صاكها وراحت تغسل تريح
فجهة وحدوخرة قاعد وياكل فغرضو ، جا عندو السوكريثير
السوكريثير: موسيو فراس علاش ماراكش تسمعلي لازم تهرب من هنا راهم شدوهم واكيد ضربوهم وراح يعيدو بيك بلي راك هنا ، ضحك وخزر فيه
فراس: كونك هاني واحد مراح يعرف وين راني اصلا فهادوك الرجال غير سمير اللي علابالو وين راني وهو يدي اليمين كون يقتلوه مراحش يبيعني ، تسما يظربوه شويا ويطلقوه نعرفهم ، غير يجي راح نكمل الباقي ونروح مناا كامل
السوكريثير: راك تستهزا بزاف فاللول قوتلي اصلا مراحش يديو الرجال بصح راني نشوف العكس
فراس: ايه كون ليهم هوما ميدوهمش بصح وليد هاداك صهيب حب يبين روحو بصح متكسرش راسك راح يطلقهوم ، نعرفهم انا ميحبوش زعما يآدو الناس
السوكريثير: بالاك هاد الولد ميكونش كيفهم ؟ علاش راك متأكد !مدامو داهم يعني عندو هدف ، خبط الطابلة
فراس: قولتلك مراح يدير والو انا اللي نعرفهم ومام ادا حب هو عمومو وباباه ميخلوهش ، تسما متكسرليش راسي وخليني ناكل فغرضي ، تنهد السوكريثير ، وناض خرج لبرا هو جبد دخانو يتكيف وهو يشوف فسمير داخل بالسيف باش يقدر يمشي مدgدg بالظرب ، شعل الدخان وبدا يهدر بينو وبين نفسو
السوكريثير: هادي هياا اللي ميخلوهش يآدي الناس السيد كون زاد شويا كون طلع عند ربي ، راح نشوفو شكون عندو الصح بصح يضهرلي نهايتك قربت يالسي فراس هاد المرة طحت فمول الفول
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
