جمعتنا القرابة *الجزء الثاني* (أنت قدري)

Partie 91

لحقت العشية ، دخل للدار لقا السكات ، خاطر كان راح لحال ، طلع لبيتو وراح direct لبابها ، فتحو بلا ميطبطب لقاها قاعدة لابسة sortie de bain ومفتوح حتى لفخادها وتدهن فالكريم على لحمها ولامة شعرها بسربيثة صغيرة ، طلعت راسها معاه وعاودت هبطتو ممهتماش ليه وكملت تدهن وهو غلق الباب وحط يديه فجيوبو وقدم عندها وبقا يشوف معاها ، غير كملت هزت روحها وجات نايضة رايحة للدريسينچ ، وهو يجبدها حتى تخبطت فصدرو وطاحت السربيثة اللي كانت على شعرها فاللرض ، طلعت عينيها فيه وهو كان يخزر فيها
مروان: على واش راكي تحوسي ؟ ، بقات تبدل فراسها باش متشوفش معاه وقالبة وجهها .. راني نهدر معاك
إيلصا: وشن ؟ .. ياك أمنت بلي ضربتها .. روح عندها واسيها
مروان: كنت مقلق عليك كي خرجتي .. مهامني لا ضربتيها لا والو
إيلصا: اممم باين .. أصلا مخليتهالهاش فقلبها ومديتلها زوج
مروان: علابالي
إيلصا: جات تتشكالك واقيل !
مروان: يزن خبرني
إيلصا: شكون هادا تاني ؟
مروان: اللي لقيتو مادلك يدو فالأصنصور .. هاداك واش زاد صعرني كتر
إيلصا: اصعر ولا اندب انا واش دخلني ، طلع حاجبو كيفاش كانت تهدر معاه .. ياك انا مقلتلوش اهدر معايا ولا سلم عليا .. يدي كنت حاكماتو .. خلاص مالا .. مشي دوك اي بنادم جا هدر معايا ولا سقساني ولا منعرف الغلطة فيا
مروان: أول حاجة متزيديش تهدري معايا هكا ، ردلها شعرها ورا ودنها .. وزيد قلتلك منحبش جنس مخلوق آدم يدور بيك وهذا حقي .. ويزن نعرفو كيفاش داير يعني مهدرش معاك هكاك برك .. ومقبيل تقلقت خاطر وصايتي اللي من الدار وأنا نهدر راحت هكاك .. بصح معليش جازت ليوم la prochaine fois متجوزش ، بعدت عليه
إيلصا: هاد الهدرة ماشي معايا تاع تأمرني سمعت ، جات رايحة عاود جبدها ، عاقد حواجبها
مروان: نأمرك .. حبيتي ولا كرهتي .. كينشوف حاجة متعجبنيش .. ولا راح ضرك نأمرك وتسمعيني ، شدلها يدها مزير عليها ، وهيا خزرت مع يدها وزادت خزرت معاه .. فهمني ، جبدت يدها بالزور وراحت للدريسينچ ، بقات رايحة جاية تخمم وشبيه ، كيفاش تمتم يقدر يتبدل ويتقلق ، وحتى يتقلب عليها عادي ، تنهدت وراحت تبدل ..

فالدار ناضو كامل كل واحد راح لبيتو ، بقا غير هو يكمي فالدخان ويعاود وحكاية انو متروحش تخدم وغير عيانة مدخلتلوش للراس ..

وهكدا نروحو لصباح جديد عند لورين اللي ناضت بكري لبست وبدلت وخرجت direct للخدمة مفطرتش معاهم كانت مشغولة
غير وصلت للشركة هبطت ، وهيا تشوفو يستنا فيها ، قدم عندها
أرسلان: صباح الخير
لورين: صباح النور .. واش جابك مع الصباح ؟
أرسلان: جيت نهدر معاك علابالي فالنهار معندكش الوقت مشغولة
لورين: تفضل
أرسلان: نطلعو للبيرو خير ! ، حركت راسها بايه مشات قبلو وهو تابعها ، وصلو راحت قعدت فالكرسي تاعها وهو مقابلها
لورين: اهيه تفضل واش حاب تقول ؟
أرسلان: شوفي يمكن تبانلك راني نتدخل فيك .. بصح أنا راني حابلك صلاحك ، قاطعتو
لورين: نتا أهدر وخليني أنا نشوف صلاحي
أرسلان: أديم .. ميحبكش ويمكن السبة اللي نهار حكيتيلي هيا خلاتو يخطبك ، عقدت حواجبها وربعت يديها .. وحتى راهو يدور مع وحدة بخلافك .. ونهار تلاقيتك فالريسطورون وجبدتك هكاك غير باش متشوفيهش قاعد معاها .. خاطر كنتي فحالة متسمحش .. وهدرت معاه هاداك النهار .. مي apparement ماشي المرة اللولة اللي يتلاقاها
لورين: عندك دليل ، حرك راسو بايه ، وبعتلها les photo للتلفون ، وصلتها notifications وهيا تلقا صور من caméra المطعم من برا كي جا عندها أول مرة ومحبتش تركب معاه ، وممبعد كي ركبت معاه ، وموراها فالمطعم الدوزيام كي خرجت هيا وإيلصا ، بقات تشوف وحطت التلفون
لورين: هاد الطفلة هيا اللي عاونتو وحد الوقت كي خرج من الدار ومبيناتهم والو وأنا نعرفها .. علاقتها بيه كيما علاقتي أنا وياك ، تبسمتلو .. يعني متخممش
أرسلان: بصح .. ، قاطعتو
لورين: يعطيك الصحة كي خممت فيا .. بصح متبقاش تخمم نعرف صلاحي قلتلك .. ودوك تقدر تروح ، شافت مع ساعتها .. عندي اجتماع دوك ولازم نوجد روحي ، وقف
أرسلان: علابالي الحب عاميلك عينيك بصح لازم تفتحيهم .. انا راني جيت نخبرك بحكم صداقتنا .. بصح مراحش نزيد ندخل .. مي ادا حتجتيني راح تلقايني دايما ، تبسملها ومشا خارج ، غير غلق الباب ، عاودت هزت التلفون وبقات تشوف ف les photo ، عرفت بلي هيا اللي قالها عليها عاونتو وصح حكالها بلي تلاقا بيها بصح قالها مرة ماشي زوج