جمعتنا القرابة *الجزء الثاني* (أنت قدري)

Partie 98

وصلو للبلاصة اللي لقاو فيها الطونوبيل ، هبطت مخليتهم دور فالطريق عينيها مغرغرين بالدموع تحوس كشما حاجة تلقاها فاللرض ، كانو الطونوبيلات يفوتو عليها ويكلاكصونيو باش تبعد خاطر واقفتلهم فنص الطريق وهيا والو غير دور وتشد فراسها وتقمس ، جبدها للشط مزير عليها
مصعب: وشبيكي هبلتي ؟ .. مراكيش تشوفي الطونوبيلات طالقين la vitesse ! ، كون تضربك وحدة فيهم ، بعدت عليه
لورين: خليني نحوس كشما نلقا راهي ختي وفاميلتي وعشرة عمري مخطوفين
مصعب: فهمنا بصح هكا راح تموتي قبل ماتلقايهم .. اتهدني وفكري بعقلك ماشي بالعاطفة باش نلقاو حل ، دار عند سامي .. كي جينا لهنا مستفادنا والو ضيعنا غير الوقت .. قولي برك الطونوبيل تاعها وين راهي ؟
سامي: معلاباليش .. مي تقدر تكون فالدار داوها
مصعب: superr .. مالا نتا روح للدار ونحي الكارط ميموار تاع الكاميرا اللي لقدام .. وجيبها ، ضرب سامي على جبهتو
سامي: صح كيفاش مخممناش فيها
مصعب: روح دوك نتا ودير واش قلتلك .. وحنا راح نعيطو لصحابات ختها بالوحدة نعرفو شكون خرجت معاها ووين راحو ، حرك راسو بإيه وهيا كانت تايهة ، حكمها من يديها للزوج .. افطني معايا علابالي صعيبة بزااف بصح لازم تركزي .. اجبدي دوك تيليفونك وعيطي لكامل صحابات ختك ، بقات تشوف معاه ، وهو حرك حجبانو بيالله ، هزت تيليفونها وبدات تعيط بلوحدة وكانو يقولوللها لالا مخرجتش معانا وهيا تيأس وتبدا تبكي فاقدة الأمل وهو يزيد يشجعها تعيط ، حتى صونات على نهلة
لورين: الو نهلة cava !
نهلة: bien ونتي ؟
لورين: حمدلله .. نهلة تعيشي نسقسيك تلاقيتي بميرال لول بارح ؟
نهلة: ايه خرجنا درنا تغدينا ورجعنا .. علاش ؟ ، طلعت عينيها فيه هو تاني اللي خزر فيها خاطر كانت دايرة speaker 🔊 وكان يسمع
لورين: ااا .. ووين رحتو exact ؟
نهلة: حتى لاين .. درنا فال centre commercial شريت انا شوية قش وخرجنا تغدينا عند ******* .. ومبعد انا سبقتها خرجت كان عندي شغل .. علاش لورين واش كاين ! ، اشراها براسو تاع متقوليلها والو
لورين: لا والو غير ميرال تبحرلها البراسلي تاعها وقلنا نحوسولها حنا وين راحت خاطر كانت تحبو ودارت عليه حالة بلبكا
نهلة: اه .. معليش نشاله تلقاوه
لورين: نشاله .. المهم نخليك دوك بااي
نهلة: باااي ، غلقت عليها وشافت فيه
لورين: آخر بلاصة راحت ليها هيا الريسطورون .. يعني نشوفو فيها يمكن كاين كاش كاميرات برا يعاونونا
مصعب: بصح الكاميرات ميخلوناش نشوفوهم بلا autorisation من عند الدولة ، عوجت فمها
لورين: صح 🤦‍♀️ ، بقات دور فراسها شوية وتفكرت باباها .. پاپا .. پاپا كان خدام محقق .. يقدر يشوف كيفاش يجيب l'autorisation ولا
مصعب: عيطيلو وشوفي معاه
هزت تيليفونها وعيطتلو شوية ورد عليها
صرب: وي لورين ؟
لورين: پاپا تقدر تجيب autorisation باش نشوفو الكاميرات تاع الريسطو اللي كانت فيه آخر مرة ميرال
صرب: ونتي وين عرفتيه
لورين: عيطت لصحاباتها وعرفت بلي خرجت مع وحدة فيهم وهيا عادتلي
صرب: اعطيني اسم le restaurant دوك ندبر راسي
لورين: ****** .. نتلاقاو تما ، غلق عليها وهيا خزرت فيه .. نروحو للريصطو papa راهو جاي ، راحو ركبو فالطونوبيل وديماراو