بعد يومين :
فبيت لونار
ايلصا: لونار نوضي ياربي نتي واش تاكلي باش فيك كامل هاد النعاس
لونار: لخرااا مع صباح ربي واش كاينن او النعاس ومنرتاحش فيه كيما العيباد
ايلصا: يالزحيي نتي ماشي ترقدي نتي تدخلي فغيبوبة ديراكت
لونار: شوفي راهو طالع ديني غير قوليلي واش جابك خير مانصرفقك
ايلصا: حبيتك تعاونيني تعيشي
لونار: علاه واش كاين ؟
ايلصا: اسمعيني وماتعيطيش تعيشي مالقيت بيها وين جيت عندك علابالي تفهميني
لونار: احكي غميتيني بالمقدمات تاعك
ايلصا: شوفي انا نحب واحد وهو يحبني ومنهدروش بزااف وهاد الحاجة تقلقو پيسك انا نخاف من اديم ولا كاش واحد يفيق ، المهم ولبارح حكيت معاه قالي كون متجيش لانيڤارسار تاعي انساي اللي بيناتنا
لونار: وشن ! هادا يربط الحب تاعو بهادي واش لعب الدرر هادا !
ايلصا: يعني هو صح حنا منتلاقاوش غير كي نكون نقرا ولا تسما ، افففف المفيد حبيتك تعاونيني
لونار: اففف واش راح ندير زعماا ؟ نهدر معاه بالاك يفهم
ايلصا: وش تهدري معاه يرحم باباك ، عاونيني نروح للحفلة
لونار: وشن ! هبلتي نتي وهنا كيفاش ديري معاهم
ايلصا: على هاديك جيت ليك تعيشي عاونيني
لونار: لالا ايلصا هادي غير انسايها وانا وين عمبالي واش راح يصرالك تماا ، شوفي ايلصا هاد الحاجة غلطانة ادا يحبك صح راح يفهمك
ايلصا: علاش هكااا واش فيها كون تعاونيني غير هاد المرة
لونار: ايلصا انا هدرت وفرات وهنا تحبس
راحت ايلصا من عندها ومورالها طايح وتخمم كيفاش دير
........
قاعد فالبيرو حتى صونا تيليفونو ، هز بلا ميشوف
ماريا: وين راك ياالهامل ، شاف مع الاسم وعاود ردو لودنو
آرام: يماا الناس تقول صباح لخير واش راك وليدي نتي لالا ديراكت وين راك يالهامل
ماريا: هاك تعرف تهدر علاش متسقسيش على يماك مالا
آرام: تعرفيني الوقت يجري وانا نجري معاه
ماريا: ايه وانا عمري يجري معاه حتى تلقاني مهناش
آرام: يما والدراما وعلاش ! ونتي تباني صغر من وحدة تاع 20
ماريا: ايه كون ماجيتش نعرف لسانك اللي يقطر عسل نقول ماشي وليدي اللي لسانو يقطر سم
آرام: هاديك غير كي نتقلق
ماريا: بصح ماشي مليح ساعات هدرات تهدرهم ميتنساوش
آرام: خلاص يمااا راح ديريلي ديسكور على لساني دوك
ماريا: اممم ، الموهيم لعشيا نحبك تبات عندنا
آرام: بصح ندخل روطار
ماريا: ميهمنيش انا هدرتي هدرتها ومنعاودش ، غلقت عليه التيليفون وهو قلب عينيه
آرام: ياصاحبي واعرة وانا نقول علاش الواليد تقولو موت يموت 😂
.........
فالعشية كانو كامل ملمومين على الطابلة يتعشاو ويحكيو
ايلصا: انا شبعت بصحتكم
كامي: بصح ماكليتي والو بنتي
ايلصا: مانيش قادرة ماما كليت مقبيل ، طلعت وخلاتهم ولونار تبع فيها بعينيها حتى طلعت
فات العشاء وكل واحد طلع لبيتو يرقد
لونار: اففف باينا ماراهيش مليحة نروح نشوفها ، راحت لشمبرتها طبطبت والو زادت طبطبت والو
لونار: زعما تكون راقدة ؟ ، فتحت لباب ودخلت بقات تحوس عليها والو راحت شافت فراشها لقاتها دايرة مخاد فبلاصتها
لونار: ياربي ميكونش اللي فبالي برك ، عيطتلها والو متردش
لونار: اففف ايلصا اففف
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
