جمعتنا القرابة *الجزء الثاني* (أنت قدري)

Partie 79

الساعة 6:30 صباحا:

صبح الصباح والحالة قايمة قاعدة فالدار ، الخدم جاو وبداو ينقيو وينضفو وموراهم راح يجيو اللي مستكلفين بالأكل والبوفي ، ومليكة على رأسهم ، وواقفة على الخدم تاع الدار باش يوجدو الطابلة تاع الفطور

الساعة 7:00 صباحا:
فالمطعم ، لحقو لبنات راحو ديراكت لبيت التبدال يوجدو روحهم ، والشيفان كانو لداخل عاطيينها للطياب اللي راح يروح مع ال 11:30

الساعة 8:00 صباحا:
تلمو البنات بعد مالبسو لباسهم الخاص jupe قصيرة فالأسود و chemise بيضة وطالون أكحل وشعرهم ملموم لفوق على شكل كعكة وشارة معلقة على صدرهم تبين بلي جايين من هاداك المطعم واسمهم ولقبهم مكتوب عليهم
الشاف: لبنات راكو واجدين ؟
....: ايه
الشاف: نتكل عليكم ، حركو راسهم بمعنى ايه ، وهيا اشارت بيدها للبوس الصغيرة اللي كانت على برا ، راحو ركبو فيها وكانت وراهم كيشغل فورچون صغيرة وفيها عمال باش يركبو الطوابل تاع البوفيه

الساعة 8:00 صباحا:
تلمو على طابلة الفطور ، باش يفطرو ويطلعو يوجدو عمرهم ، كان السكات ونصهم مشي شابع النعاس ، مسح عينيه بعياء
أديم: مفهمتش علاش منوضيننا مع ال 8:00 .. العسكر وماشي هكا ياصاحبي
كامي: هاداك هوا باش تطلع توجد عمرك تبدا تستقبل فالناس
أديم: وهاد الناس يجو مع ال 8:00 .. راح يحلبو البقر ؟
زاكو: سكتنا أديم .. ياك نضت ماصرا فيك والو ، قلب عينيه ، لونار كانت مشي حاملة روحها وحاسة روحها راح ترد ، حتى مقدرتش تزيد تحمل كتر وراحت جارية لأقرب دوش ردت ، لحق بيها آرام شدلها شعرها من اللور ، حتى بردت خاطرها وقرب غسللها وجهها وخرجها راجع بيها
آرام: راكي مليحة ولا نشوفو طبيب ؟
لونار: لالا .. ريحت كي رديت .. بالاك كليت حاجة موالمتنيش ، جبدلها الكرسي وقعدها وقعد ، حطلها le jus d'orange باش تووحلها اللچية ، بدات تشرب فيه وهيا وجهها اصفر
ماريا: راكي مليحة بنتي
لونار: شوية ، شافت مع الطابلة لخفاف اللي كان قدامها وهو فالصح ريحتو اللي خلاتها ترد ، عيطت لمليكة
لونار: مليكة ، جات جارية
مليكة: انعم مدام
لونار: يعيشك هزي هادا منا .. مالاني ، شافت مليكة مع الطبسي
مليكة: حاضر ، هزتو .. تحبي نبدلو واحد جديد !
لونار: لالا .. تعيشي متزيديش تحطيه وخلاص
مليكة: حاضر ، راحت والنساء خزروفبعض كي شغل شاكين بصح محبوش يبينو ، صونا تيليفون ، شافت لورين معاه وهزت خارجة تهدر برا

لورين: صح ؟ .. وين !
المانجير: ايه .. فبلاصة قريبة للشركة .. يعني موقع مليح .. ومعروف تما .. وزيد راح يكبر حساب مسمعت
لورين: super .. كيما حبيت ، كانت تهدر وتشوف مع البنات اللي جايين من الريسطو داخلين وهازين هادوك الطوابل للداخل
المناجير: تحبي نهدرو معاه حنا
لورين: لالا .. خلوني انا نروح على غفلة .. نشوفو كيفاش يتعامل مع الناس ومبعد ساهل .. مناش حابين نلعبو باسمنا .. متنساش تبعتلي اسمو والعنوان
المناجير: حاضر .. كاين تاني واحد لقيناه .. بصح مانعرف
لورين: معليش شوفلي مع هادا والرحمة ، كوپات عليه وجات داخلة ، حتى تسمع صوت طيحة ، دارت شافت وحدة طاحت فاللرض مجروحة من لبنات اللي جاو ، بقات تشوف معاها .. ودخلت