ناضت فغرضها متحمسة ليوم راح دير shopping ، بصح shopping تاع هاد المرة deferents ، خاطر راح تشري حوايج لخطبتها مع البنادم اللي خيرو قلبها ، دخلت للدوش غسلت وخرجت دارت her skincare لبست قشها ، دارت شويا makeup ، حطت parfume وخرجت
كان هابط فالدروج يسgم فساعتو ، قربت عندو بالشوية باش ميحسلهاش وهدرت فودنو
لونار: صباح الخير ، دار شاف معاها وتبسم
آرام: صباح النور ، واش هاد الضحكة الزينة اللي بديت بيها نهاري
لونار: راح ترجع دايما تبدا بيها نهارك ، جبدها عندو وتبسم فالشط
آرام: بصح ماشي وحدها لازم تزيدي معاها حاجة وحدوخرة ، طلعت حمرة وبدات تجبد فعمرها منو
لونار: بعد السوفاج هادا متحشمش ، ضحك
آرام: نتي اللي تخمامك خامج أنا مقلت والو
لونار: اممم امنتك امنتك ، ديجا اطلقني دوك يعدي كاش واحد ويشوفنا هكاا ، اطلقني ، آرااام ، بقات تسيي تبعد منو ووالو
آرام: خلي يشوفو على روحهم ، ايا زيديلي حاجة وحدوخرة باش نطلقك
لونار: ياربي واش داني نهدر معاك كون خليتك تهبط ولحقت وراك ماشي خير
آرام: فحلة كون درتيها كون شنشفتك من هنا ، شدلها شعرها
لونار: آااااي ، خلاص كنت نتمسخر متوحش
آرام: متوحش مبعد نوريلك المتوحش تاع الصح كيفاش داير
لونار: آرااام أحشم
آرام: هاه دوكاتيك تاني ماقلت والو نتي اللي تخمامك ناقص الله يهديك ، بدا يدور وجهو حاكم الضحكة وهيا وجها رجع كتر من الطوماطيش .... خلاص يالله سربي ياك ماشي حابتهم يشوفوك هكا لاسقة فيا
لونار: أنا لاسقة فيك ؟ ماشي نتا شديتني
آرام: ياربي شحال تهدري ، دوكا تديري واش قلتلك ولا نهبطو هكا
لونار: بصح ، خزر فيها شابح عينيه ، سكتت .... خلاص مي واش نزيدلك مفهمتش 🫣
آرام: نتي تلقطيها على الطاير دوكا مفهمتيش ، يالله راني بديت نتقلق وادا تقلقت راح تندمي
لونار: اففف خلاص بصح ماشي من قلبي ، قربت وجهها باستو من خدو
آرام: هادي ماشي من قلبك دوكا زيديلي اللي من قلبك
لونار: ايا امشي متحلالكش ، بعدت منو وهبطت سابقتو ، وهوا نطق
آرام: راني نماركيلك فيهم لمورا الزواج ، تبسمت كي سمعاتو ودخلت لعندهم ، شافوها متبسمة كي البهلولة وآرام موراها ملامحو عادي لأنو ميبينش وتمتم يقلب ملامحو، فطوم بقات تدور فراسها وهي تشوف مع لورين تاع بوه عليا بوه
فطوم: الجايحة فرشت عمرها
ناضو الرجال راحو يخدمو ومعاهم وجدان اللي راحت تدي le congé تاعها وبقاو النساء فالدار يتفاهمو كيفاش يديرو ووين ، ويقسمو فالخدمة على بعض ولونار تمد فرايها ، هبطت لعندهم وهيا مازالت عيانة
إيلصا: صباح الخير
كامل: صباح النور
إيلصا: نروحو ؟
لونار: ايه كنا نستناو فيك
إيلصا: يالله
كامي: ومتفطريش !
إيلصا: ناكل كاش حاجة براا
لونار: إيلصا نتي تسوقي أنا عندي تيليفونات لازم نهدرهم فالطريق
إيلصا: اوكي ، نروح نجيب مفاتح الطونوبيل ونجي
لونار: سوقي تاعي معليش
إيلصا: لالا والفت بالتاعي ، طلعت جابتهم وهبطت ، ركبو معاها وديماراو ، بعد مدة وصلو للمول حطتهم إيلصا وراحت تڤاري ولحقت بيهم
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
