جمعتنا القرابة *الجزء الثاني* (أنت قدري)

Partie 85

ناضت الصباح ، حست روحها أحسن راسها حبس من الصطر ، لبست وهبطت لتحت ، لقات الطابلة تقريبا فارغة ، الرجال لكبار دايما يخرجو على بكري ، إيلصا راحت تخدم وتدي congé خاطر غدوة تسافر مع مروان ، آرام ولورين راحو للخدمة ، مروان خرج ، أديم راح لخدمتو ، يماها كيف كيف ، بقاو غير النساء اللي فالدار وآيلا ، راحت قعدت قدام ماريا حطت راسها على كتفها مقابلة كامي 
لورين: صباح الخير عليكم
ماريا: صباح النور
كامي: راسحك حبس
لورين: ايه .. بصح راني عيانة بزاف تقول باتت نخمل
آزار: بالاك راح تمرضي
لورين: مانعرف
كامي: يابنتي أصلا الماكلة وماكيش تاكلي كامل والنهار كامل ونتي فهاداك البيرو ارحمي روحك شوية .. راكي حتى واقفة
لورين: واش ندير طاطا .. لازم نوقف على خدمتي
آزار: الله يعاونك .. بصح رتحي كيما دوكا راكي عيانة متروحيش .. عندك هاداك المناجر تاعك يدبر راسو هكا كانت دير لونار
لورين: عندي غدوة لازم نسينيي contrat مع واحد .. تسما ليوم نروح نروح نشوف الشروط وكلش نوجدوها وبالاك مور غدوة ندي يامات نريح فيهم
ماريا: نشاله .. كون غير حتى أديم يريح وتخرجو هاد اليامات مع بعض .. مراكمش تتلاقاو كامل
كامي: مبعد نهدر معاه .. باش تقعدو وتتفاهمو .. متبقاوش ديرو الفيلمات كل صباح كيما البارح .. مشاكلكم خلوهم بيناتكم ، قلبت عينيها كي تفكرت
آزار: هيا يعني تصرفو عادي .. غار عليك
لورين: طاطا فهمنا غار .. بصح ميعيطش عليا هكاك وزيد قدامكم .. انا پاپا وجامي عيط عليا ولا بهدلني
ماريا: خلاص عديهالو كامل نغلطو .. وفهميه بلعقل باش ميزيدش يعاودها .. كلش بالسياسة
كامي: عجبتيني كي مرديتيلوش .. علابالك الراجل جنو هو مقلق ويعيط ونتي تشاطي معاه .. يابعدا أديم .. شغل كبيتي الماء على الزيت مغلي .. هكاك سكتتي كي تبردلو ويجي يبرر خاطر علابالو بروحو بلي غلطان حطيهملو ميبراوش بالعقلية 🤌🏻 ، جات فطوم
فطوم: عندو الحق اللي قال نتي مرت باباه
كامي: راهي كي بنتي لازم نعيدلها كيفاش تسايس البوهيوف اللي ولدتو ، بعتتلها بوسة 💋 فلهواء
لورين: يخليك طاطا .. انا نروح دوكا .. عشية نشاله

خرجت لورين وهوما ناضو راحو للصالون وبقاو كعادتهم عاطيينها اديني نديك فالناس

فات النهار عادي على أبطالنا أغلبهم كانو غاطسين فالخدمة ، دخلت للدار وهيا ميتة بلعيا ، طلت على الصالون ملقاتهمش
إيلصا: مليكة ، جات تجري
مليكة: انعم
إيلصا: ماما ولوخرين وين ؟
مليكة: راحو للحمام
إيلصا: اه مليح .. صحا فيهم ، جات طالعة حبستها
مليكة: كشما تسحقي نجيبلك ولا نوصيهم ؟
إيلصا: اه لالا .. صحيتي ، شافت معاها لقاتها لابسة .. رايحة لكاش پلاصة ؟ ، تبسمت
مليكة: ايه لعند بنت ختي ليوم l'anniversaire تاعها وهادو ربع سنين معديتوش معاها
إيلصا: اااه .. قوليلها joyau anniversaire من عندي
مليكة: يبلغ .. انا نخليك ، راحت مليكة باش تسبق لورين تهز الكيك وطيبلها الماكلة اللي تحبها ، وإيلصا طلعت لبيتها تدوش وتريح