جمعتنا القرابة *الجزء الثاني* (أنت قدري)

Partie 27

بعد خمس أيام :
مروان برا ورجع للخدمة بعد 3 أيام والعايلة مخلاتوش يرجع لدارو هو وآيلا وراح يرجع يعيش معاهم ، لونار حتى هيا رجعت لخدمتها اللي لقاتها صدارتلها من غيابها وغياب مروان رجعت تدخل مع العشية كامل ، آيلا ولورين وايلصا دصرو بعض وولاو يخرجو كيف كيف وحبو يقنعوها باش تبقا تعيش فالدزاير وهيا مترددة ، أديم ولورين اللي علاقتهم تحسنت بزاف ورجعو مداصرين بعض بصح مبيناتهم والو حاليا ، ينيس كالعادة جايبها قراية وپراتيك ، أما آرام اللي جوز نهار معاهم كي جا مروان ممبعد مزادش بان كامل

كان قاعد فالبيرو يخدم ، صونا تيليفونو هزو شاف معاه لقاه سمير
آرام: وي
سمير: راه اليوم راح يتلاقا بالقناص اللي باعتو باش يقتل واحد فيكم ، تقعد آرام وطلع حاجب
آرام: قناص ؟؟ ههه هادا راح يحارب اسرائيل ماشي عايلة
سمير: قال هكا خير القناص محترف فدقيقة قادر يقتلكم كامل  وزيد حب يفري شغلو تمتم باش يروح
آرام: اعرفلي شكون انا ندبر راسي ووقتاش يجي ووكتاه راح ينفد المهمة ، على ساعة نحب كامل المعلومات عندي
سمير: حاضر
غلق عليه وهدر بينو بين نفسو
آرام: مالا حبيت تفرا شغلك تمتم باش تروح ، وي راح تروح بصح عند ربي ، بقا يخمم ، هز مفاتحو وراح ديراكت للدار

دخل لقا آزار وكامي قاعدين فالجنينة ، راح عندهم
آرام: السلام عليكم
كامي وآزار: وعليكم السلام
آزار: واش راك ، هادي غيبة آرام وين كنت تحيرنا عليك
آرام: كانت عندي la charge تاع لخدمة علابيها كنت نبات تما
كامي: الله يعاونكم هكاك لونار مسكينة رجعت تدخل من الليل لليل
آرام: وحدها ولا معاها مروان
آزار: لالا معاها مروان
آرام: امم ، يما وين ؟
آزار: راهي الفوق عيانة راسها راهو يوجع فيها ، خلاهم وطلع لعندها ، دقدق ودخل بعد ماسمع الإذن ، راح لعندها قعد قدامها يسلكلها على راسها وهيا مغمضة عينيها وتهدر معاه
ماريا: آرام على سلامتك علاش غبت
آرام: صدارتلي الخدمة
ماريا: اممم الله يعاونك
آرام: راكي مريضة نعيط للطبيب ؟
ماريا: لالا راسي برك راهو يوجع اني شربت دوا تاع الراس ومبعد نولي مليحة
آرام: نروح نبدل ونغسل ادا بقيتي هكاا نعيطلو ، باسلها راسها وناض
غير دخل لبيتو وصلو ميساج على شكل pdf فيه كامل المعلومات على القناص وزيد منظمين ، استغرب لانو سمير مستحيل يعرف يرتبهم هكاا ويبعتهم على شكل pdf ، حك لحيتو وقعد يقرا فيه لانو فيه معلومات دقيقة حتى نقاط ظعفو وهادا اللي زاد حيرو انو كيفاش يعرف هاد الشيء كامل ، زعما ماشي سمير اللي بعتهم ؟ شكون مالا اذا ماشي هو ! وعلاش بعتهملي !! ، هادي هيا الأسئلة اللي بقات دور فراسو ، حط تيليفونو وراح يدوش ، بعد مدة خرج ينشف فشعرو وراح تكاا شوية ينحي العيا وبقا يخمم

فالعشية كامل متجمعين يتعشاو ، ساعات يحكيو ، ساعات يسكتو ، ممبعد كل واحد تفرق راح لبيتو ، أما لونار كانت تكمل فخدمتها فبيتها ممبعد كرهت هزت ال pc تاعها وهبطت تكمل فالجنينة ، غير وصلت لقاتو متكي فالفوثاي ويخلط فتلفونو ، حس بيها طلع راسو شاف معاها
لونار: كرهت لفوق خرجت قلت نكمل خدمتي هنا ، بصح راني نشوف راك قاعد هنا منديرونجيكش ، كانت راح تروح حبسها
آرام: شكون قالك راح ديرونجيني ، دارت ليه
لونار: قلت بالاك
آرام: متصيبيش السبة بياا ، عقدت حواجبها وقدمت عندو
لونار: واش من سبة
آرام: اقعدي اخدمي واسكتي ، دار يكمل يخلط فتلفونو وهيا راحت للطابلة حلت الpc وبدات تخدم ، كان السكات ، حتى قطعو
آرام: لونار عندك خدمة بزاف ، دارتلو بيدها
لونار: راك تشوف ، نحا التلفون من يدو وشبك يديه وخزر معاها
آرام: كون يموت فراس وتتهناي منو راح ترجعي للندن ، بقات تخزر فيه لأنو مخممتش كامل فهاد الحاجة ، كمل يهدر ، يعني مراحش تبقا عندك سبة باش تبعدي
لونار: ايه بصح خدمتي الصح كامل تما ، معلاباليش والله هيا هنا عايلتي ومليح نبقا عايشة معاهم بصح تاني مستقبلي اللي تعبت عليه بزااف
آرام: ادا على الخدمة تقدري بلعقل تحولي كلش لهنا
لونار: يعني حاسة ماعندي حتى سبة تخليني نبقا هنا définitivement بخلاف والديا وهوما نقدر نجي نشوفهم مرة مرة ويجو عندي
آرام: يعني كون تكون كاينة سبة تبقاي
لونار: حساب السبة
آرام: وواش هوما السبات ؟ ، بقات تقلب فعينيها وتخمم
لونار: منعرف مخممتش ، شاف معاها
آرام: خممي مليح بالاك تكون كاينة سبة ونتي مشي فايقتلها ، بقا يشوف معاها وهيا توترت
لونار: عطشت نشرب الماا ، ناضت راحت تجيب الماء ، غير وصلت للكوزينة فتحت الفريجيدار وهيا تخمم فهدرتو ✨خممي مليح بالاك تكون كاينة سبة ونتي مشي فايقتلها✨ ، تنهدت وجبدت الماء وراجعة للجنينة ، غير وصلت سمعتو يهدر فالتلفون