دار يشوف وعيط لوحدة يسقسي تما وهيا دارت معاه تشوف ، حتى شرعت عينيها .. على اليد اللي جبدتها بلفور حست بكتفها ملص من بلاصتو .. طالع بيها لفوق ، غير وصلو رخف عليها وهيا خزرت فيه مخنزرة
لورين: وشبيك طيرتلي يدي
أرسلان: سمحيلي متولهتش بلي وجعتك ، تنهدت بقلة حيلة حتى الهدرة مشي قادرة تهدر
لورين: علاش طلعتني لهنا .. كنت نستنا فيه يشوفلي طابلة لتحت
أرسلان: لتحت كامل reservé .. كاينة برك هادي هنا فالكوان شابة ومطرفة تحبي تقعدي فيها ، خزرت وين يأشرلها ، لقاتها مضللة ومجنبة على الحس ، حركت راسها بايه وجات رايحة ، حتى عاود جبدها بصح هاد المرة بالشوية
أرسلان: راكي مليحة ؟ تباني عيانة
لورين: شوية من الخدمة راك تعرف
أرسلان: بلعقل على روحك صحتك اهم .. الخدمة مشي هاربة ، تبسمتلو .. حقا كلشي مبروك على الخطبة ، شاف مع الخاتم .. نشاله يكون يستاهلك برك ، طلعت حاجبها وردت بلباقة
لورين: آمين .. هكدا معاك نشاله ، عوج راسو
أرسلان: نقولو نشاله .. المهم نخليك يمكن راكي تستناي فكاش بنادم
لورين: ايه فإيلصا تلحق ، حرك راسو بايه ، وحط يديه فالجيوب .. هاد الريصطو تاعك ؟
أرسلان: ايه .. بصح شريك مع واحد
لورين: اه d'accord .. الله يعاونك ، دارت رايحة تقعد وهو بقا يشوف معاها
أرسلان: آاااه لوكان شفتيه .. واش كان راح يصرا فيك ، هبط راسو ومشا هابط
دخلت للريصطو وهيا تحوس عليها بعينيها ، حتى طاحت عينها عليه ، راحت عندو متبسمة ، غير بدات تقرب لمحت طفلة قاعدة معاه ، كشرت ملامحها وراحت وقفت عند راسهم
هوما اللي طلعو راسهم معاها ، وهي ربعت يديها ، وطلع في لمار من فوق لتحت ، دورت عينيها ليه ، وهو عارف دوك تخلطها
إيلصا: شكون هادي ؟
أديم: لمار .. اللي قتلك عاونتني نهار ، رسمت على وجهها ابتسامة صفرة ، وهيا وقفت تسلم عليها ، اكتفات إيلصا تمدلها يدها وتمتم جبدتو ودارت عندو
إيلصا: وواش راكم ديرو هنا ؟ .. مفهمتش واش المناسبة ! ، طلع حاجبو من l'enquête لي دايرتلو
أديم: جينا نتغداو
إيلصا: اهيه .. وواش السبة والعلاقة بيناتكم حتى تتغداو كيف كيف !
أديم: إيلصااا
إيلصا: خير ؟ ، خزرت فيها .. تقدري تروحي وتخلينا bien sur ادا خلاص موعدكم ، وخزرت فأديم تزير على الكلام وهو مسح وجهو
لمار: اهه .. ايه .. نروح اصلا نخدم دوك ، خزرت فأديم .. صحا على ليوم ، هزت هاديك الشكارة وقلعت ، اما هيا فبقات متبعتها حتى غابت وقلبت عينيها ليه وقعدت مقابلتو
إيلصا: خويا لعزيز تقدر تفهمني بأي حق خارج معاها ؟
أديم: ونتي بأي حق راكي تحاسبي فيا
إيلصا: نحاسب .. مدامك خاطب .. وزيد شكون لورين نحاسبك ، طلع حاجبو
أديم: علاش واش درت ؟ خنتها .. ياك خرجت معاها نتغدا بصفتها الإنسانة اللي عاونتني وليوم l'anniversaire تاعها جبتلها cadeau منو شكر ليها تاني .. هادا مكان
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
