فالصباح:
دقدقت فالباب وهي ترعش
أديم: ادخل ، دخلت وهي مهبطة راسها ، دار شافها
اديم: شوفي مانيش حاب نعيط ولا ندخلك لصبيطار مع صباح ربي غير روحي خيرلك
ايلصا: تعيش اسمعني برك ومبعد دير واش حبيت ، نتا التوأم تاعي نورمالمون تفهمني ، خزر فيها شوياا وبقاا ساكت
ايلصا: شوف انا صحح غلطت بصح والله ماكان بغرضي اصلاا هو اللي كان يجري ورايا عام وانا رافضتو بصح ممبعد كي لقيتو قعد ورايا قلت نمدلو فرصة ، بصح والله والله عمري ولا خرجت معاه حتى الهدرة مكوناش نهدرو خطرة فالفال
اديم: ايه مادرتي والو نهار درتي قريب جبتي طفل معاه
ايلصا: واش راك تهدر ! A ce point
اديم: شوفي متلعبيهاش عليا مسكينة خاطر نتي درتيها بيديك فهمتي يمالا اتحملي التقحبين هاداك انا نربيك اذا هوما فششوك انا نوريلك ، اخرجي خيرلك راني صابر عليك برك
خرجت من عندو تبكي حالتها حالة ، شافت پاپاها بقات واقفة ، دارلها بيدو تاع ارواحي ، راحت عندو غير حضنتو زادت قوات فالبكية
ايلصا: يا پاپا سامحني والله ماقصدي نطيح بيك يا پاپا هو تمسخر بيا هادا شحال وهو ورايا بدرع باش حبيت وخفت فاللول ، حتى حبيتو ولعبهالي قلبي ونسيت بلي راح نخسر عايلتي بسبابو كان يطمعني بناويك اللحلال ونجي عند والديك وانا نقولو مازلت صغيرة
زاكو: اشششث شكون قال راح تخسري عايلتك ، رانا معاك كيما البارح كيما ليوم بصح نشاله هاد الضربة تعلمك خاطر لا يمدغ المؤمن من الجرح مرتين يعني اذا هاد المرة سامحناك وجوزناهالك ماش علاخاطر حاجة عادية لأنو ماتتعداش كامل وهادوك ليفوطو مزيا متبعتوش لليجورنال خاطر تكون فضيحة ليك ولينا فهمتي ، حنى علابالنا بلي مزلتي صغيرة وبزوج كلمات حلوين قادرة تتلعبلك بصح المرة الجاية تكوني ندعرتي وماتتعدالكش
ايلصا: والله منزيد نعاودها كونك هاني الموهيم منخسرش الكونفيانس تاعك
زاكو: هياا خلاص خلينا نهبطو نفطرو دوك ، هبطو لتحت وهو محضنها ، غير شافت يماها هبطت راسها
كامي: واش متصبحيش علياا
ايلصا: لالا صباح الخير
كامي: اممم
ايلصا: ماما سمحيلي والله مقصدي علابالي غلطت وندمت وماراحش نزيد نعاودها
كامي: خصك تزيدي تعاوديها نذبحك
ايلصا: ايه
كامي: ارواحي لهناا يالفايحة راح تبقاي بنتي مهما زعفت منك ومهما غلطتي
ايلصا: نحبك ماما
كامي: وانا كترر
زاكو: انا غررت
ايلصا: پاپا 😂 ، وناضو يضحكو عليه
بقات تشوف معاهم كيفاش متفاهمين ومتضامنين يحبو بعض تمنات كون عاشت هكداك تمنات كون حست بالإحساس تاع العايلة الكاملة تغلط يساندوها ويوعوها تنهدت من قلبها ، يماها شافتها حطت يدها على يد بنتها وتبسمت معاها ردتلها لونار البسمة
.........
كانت قاعدة وتقرا فكتاب قدام الپيسين ، غايسة ، حست ببنادم قعد قدامها ، دارت شافتو ، غلقت لكتاب وبقات تخزر لبعيد وهو كيف كيف
راسم: مازالكي تحبي تقراي الكتابات
آزار: اممم
راسم: شحال كنت نتقلق كي نهدر معاك ونتي تقراي ماسامعاش بيا
آزار: ايه خاطر كي نندمج ننسا كلش
راسم: تعرفي كنت نغير حتى من لكتاب عليك ، خزرت فيه وهو بقاا يخزر فيها وهوما ساكتين
راسم: آزار واش رايك نرجعو كيما كناا
آزار: .........
راسم: علابالي الظروف فرقتنا بصح لازم نتحداوهم كيف كيف ، علابالي درتي هاد الشيء كامل علاجال بنتنا بصح وحياتنا اللي راحت وحبنا ، حاب نعيش معاك ياربي نهار كيما بكري ونموت
آزار: بصح ولونار شفت غير ديك المرة
راسم: ميصرالها والو متخمميش كون ندري نموت منخليش حاجة تقيسها بصح حاب نوليو عائلة على الأقل نفوتو الحلوة والمرة مع بعض
آزار: معلاباليش خايفة
راسم: قوتلك مدامني هنا متخافيش ، المهم نتي خممي ورديلي
راح وخلاها غارقة فتخمامها فصراع بين قلبها اللي يقولها قولي ايه لحبك وكملي معاه مهما يصرا وبين عقلها اللي يقولها راح تصرا حاجة مشي مليحة وتندمي
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
