الجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
كانت هابطة من طيارتها اللي وصلت استنشقت الهوا تاع البلاد حست بالإنتعاش ، وراحت ركبت مع الشوفور بعد ماهزت فاليزاتها وخلاتو يحطهم ، كان مشعل لغنية تاع كمال مسعودي (ماشي غرضي) بقات تسمع فيها وهي ساهية
بقات تتردد فودنها ✨شحال نعيا يا بلادي ونولي ليك✨ ، ونطقت بهمس لونار: اني وليت ليك يا بلادي بعد ربع سنين ، دخل الشوفور وقطع الغنية وهيا بقات ساهية وتخمم ، حتى وصلت للدار اللي كانو وجدوهالها هبطت ، شافت معاها لقاتها كيما راهي حابتها ، ابتسمت ودخلت ، لقات الخدم فالباب يستناو فيها سلمت عليهم وطلعت لبيتها تريح ، خذات دوش وراحت ترقد
فالعشية كامل ناضت بتثاقل غسلت وهبطت لتحت ، قعدت فالصاله ، جات عندها وحدة من الخدم (لينا) لينا: مدموازال لونار نوجدولك الطابلة تتعشاي لونار: ايه تعيشي راح نموت بالجوع لينا: حاضر لونار: حقاا وسمك لينا: اسمي لينا ، وراحت توجد الطابلة ، كانت قاعدة وتتعشا فالسكات ، غير كملت مسحت فمها وطلعت لبيتها
وهكذا فات نهار وجاز نهار جديد اللي راح يكون فيه بزاف أحداث ناضت على صوت الراڤاي ، حبستو وبقات تتكسل ففراشها حتى فطنت مليح ممبعد ناضت دارت روتينها وبدلت وهبطت تفطر ، كانت لابسة هكاا 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطت لتحت لقات الطابلة موجدة ، قعدت بدات تفطر وهو يجي l'assistance تاعها ، غير شافتو تبسمت لونار: صباح الخير مروان: صباح النور لونار: جوز تفطر مروان منقولش لالا خاطر خرجت بلا مانفطر ، عيطت لونار للينا تجيبلو طبسي وكاس ليه باش يفطر معاها لونار: اهيه كيفاش راه واجد البيرو ، ياكل ويهدر مروان: واجد كلش الفرع اللي هنا راهو كامل مكمول لونار: اياا مليح علابالك شحال كنت متحمسة وقتاش نفتح فرع فبلادي مروان: علابالي ، علابيها خليت طابع الدزاير غالب على الشركة باش كي يكون عندك عملاء من برة يديو نظرة على شابة على ثقافتنا لونار: ياي علابيها نحبك تفهم تخمامي بلا منهدر مروان: علابالي علابالي غير زيديلي فالشهرية وخلي الحب تاعك ليك لونار: شوف الكلب لاخر اللي يسمع يقول اني نخلصك مليون للشهر مروان: لالا بصح نحتاج مصروف وكذاا اكي تعرفي الواحد يدير الدار يستبيت لونار: غير القا مولات الدار وحبس السهرات وساهل انا نزوجك مروان: ايواا امشي امشي ، ماشي مليح اللي يهدر معاك سيريو نتي ، ضحكت وحكمتو من يدو وخرجو رايحين للشركة ، مسافة الطريق كانو وصلو ، هبطت والحماس كان فعينيها لونار: ياااي تهبل ، يعطيك الصحة كانت راح تحضنو ، دار روحو مزعف وبعد منها ، وهي خزرت معاه وقربت حضنتو بالسماطة لونار: ارواح اللهنا علابالك كون تخطيني نكولي مروان: علابالي، اياا بعدي دوك ، بعدت وسgمت عمرها ودخلت للداخل ، بعد ماقلبت ملامحها للجدية وهو وراها ، كانو يسلمو عليها ويحييوها وهيا تومألهم براسها حتى لحقت للبيرو دخلت نحات مونطوها وقعدت ، وهو راح لبيروه ، كانت قاعدة وتشوف مع البيرو تاعها اللي من هادا شحال وهي تحلم وقتاش تكون نفسها تبع حلمها صح مازالت تقرا ميدسين بصح التصميم كان حلمها وموهبتها كانت تحلم وقتاش تفتح ماركة جزائرية باسمها تبيع فيها الملابس العصرية والتقليدية من تراثنا اللي من بكري تحبهم وتحب يماها وفاميلتها كي يلبسوهم فالمناسبات وتحب العادات والتقاليد تاع الدزاير، صح هيا من الجيل الجديد وتربات فالخارج بصح متأثرة بزااف بالتراث وهذا كان هدفها أنو طور منو وهدفها الأعظم دير ديفيلي كبير فالدزاير يسمع بيه العالم كامل وتبرز تراثنا للناس لي متعرفوش، تنهدت من قوة الأفكار اللي فراسها ، حتى صونا تيليفونها لقاتو آرام تبسمت وتمتم محات البسمة وردت لونار: ألو آرام: وصلتي بخير (واه حبيبنا تعلم يهدر) لونار: وي الحمدلله آرام: إذا ماعندك والو ممبعد نجوز عليك نتغداو كيف كيف لونار: لالا معندي والو آرام: خلاص عندي واحد الشغل نكملو ونجوز عليك لونار: d'accord ، غلقت التلفون واتنهدت ، ممبعد هبطت لتحت للاطوليي تشوفها وبقات تهدر معاهم وتفهمهم خاطر راح يكون بيناتهم تواصل كبير فاليامات الجاية ولازم تتقرب منهم ، فات الوقت شافت مع ساعتها ، استأذنت وطلعت للبيرو تاعها ، غير دخلت دخل وراها مروان: منتغداوش ؟ لونار: انا عندي rendezvous دوك مروان: اممم rendezvous مالا معليه ، انا قلت تخلصيلي غدا حق تعبي 😕 لونار: غدوا نشاله ، خارج ويهدر مروان: متنسايش تسلميلي عليه ، ضحكت عليه وبقات تسgم فعمرها ، حتى صونا تيليفونها ، شافتو لقاتو هوا آرام: اهبطي راني لتحت لونار: اوكي ، هبطت لعندو لقاتو قدام الباب مgاري ، ركبت معاه وهو زاد يمشي ، كانو ساكتين حتى نطقت لونار: من وين عرفت بلي هنا فتحت ، خزر فيها وزاد دار يسوق آرام: أنا نعرف كلش قلتهالك من قبل ولا لالا لونار: اممم قلتلي ، سكتت وهو كمل يمشي حتى وصلو لريسطو على المرسى ، هبط وهيا تاني متبعاتو، حتى قابلهم السارفور السارفور: اتفضل موسيو آرام مرحبا بيك، دار ليها مرحبا بيك مدموازال ، اومؤولو براسهم وراحو للطابلة اللي متعود يقعد فيها دايما، قعد وهيا قعدت من وراه ، دار للسارفور يهدر آرام: مازال شويا باش ندومونديو الماكلة كي نعيطلك ارواح السارفور: حاضر ، راح وخلاهم ، اما هو بقا يخزر معاها حتى وترها آرام: شوفي راح نقلك حاجة وكلامي ماراحش يعجبك بصح كنت راح نهدر سوا اليوم ولا غدوة ، دارتلو براسها وشن آرام: لبستك معجبتنيش ، خزرت فيه وطلعت حاجب 🤨 لونار : وانا مالي تعجبك ولا لالا آرام: شوفي صح تربيتي الهيك بصح متنسايش تاني بلي راكي دزيرية وفاميلتك دزيريين وهادو الصوالح ميمشوش معانا هنا تاع الميني وكداا لونار: يعني ؟ آرام: بدليها لونار: كاش اوامر تانية ؟ آرام: منيش نأمر فيك راني نفهم فيك بصح مع الوقت كون متفهميش نفهمك بطريقتي ، بقات تخزر فيه شحال ممبعد نطقت لونار: على هادي جبتني ؟ آرام: لالا ! ، دارتلو براسها تاع وشن ! ، قدم للطابلة يهدر آرام: احم علابالي منسيتيش هاداك النهار وانا تاني علابيها حبيت نوضح واحد الحوايج باش مانبقاوش فسوء تفاهم ، سرحت بذاكرتها لهاداك النهار
