جمعتنا القرابة *الجزء الثاني* (أنت قدري)

Partie 65

فال stationnement تاع الڤيلا حبست طونوبيلتهم ، هبط راح فتحلها الباب يعاونها تهبط ، مدلها يدو وهيا شدتها وهبطت ، راح لامال جبد فاليزتها ، وهيا سبقتو للباب ، لحق بيها حلها وهيا تقابلها الڤيلا مزينة بالورد فالأرض مفروش وبالونات على شكل قلوبة يطايرو فالأرض والسماء ، خزرت معاه متبسمة وهو أشارلها بيدو 🫲🏽 تاع جوزي ، وهيا دخلت وبقات متبعة الورد ، وهو غلق الباب ولحق وراها جار فاليزتها ، لحق للبيت فتحتها وهيا تقابلها مزينة كيف كيف وفوق الفراش مكتوب أساميهم بالورد ، دارت عندو
لونار: هاد الشيء نتا درتو ، كان ينحي فالڤاسث تاع الكوستيم
آرام: امم مدرتوش بصح خممت فيه وجبت اللي يديرو ، راح للدريسينج وهيا بقات تشوف مع البيت ، لمحت الطابلة اللي قدام الفوثاي فيها 3 بوايط ، راحت بجيهتهم ، وهو خرج من الدريسينغ هاز شورت

آرام: راح ندوش قبلك ونتي بدلي باش متبقايش مديرونجية ، طلع راسها وهبطتو بايه ، جا داخل للدوش وعاود رجع ... by the way متمسيش فهادوك الشكاير حتى ندوشو ونريحو
لونار: علاش ؟
آرام: باش نشوفوهم كيف كيف ، هكدا ! ، تبسمتلو

وراحت فتحت فاليزتها اللي معلابالهاش علاش وجدوهالها وهيا حوايجها فالدريسينچ ، بدات تجبد بالحاجة كانو كاين des produits cosmétiques... ، حتى هزت وحد اللبسة اللي تحشم تقول عليها لبسها خاطر وين لازم تكون مغطية معرية ولا خلينا نقولو مكان حتى حاجة مغطية ، بقات تشوف معاها
لونار: وهادي علاش نبقا عريانة خير ، خرج من الدوش ينشف شعرو لابس شورت ، شاف معاها لقاها ناشرة هاديك النويزاث وتعوج فراسها معاها ، جاه الضحك ، قدم عندها وانحنا يشوف مع النويزاث حاكم ضحكتو بالسيف
آرام: واشنو هادا ؟ ، شار يدو فالتقابي اللي كانو فالصدر ، دارت تشوف معاه مزالها خاشعة ، خرج يدو من التقبات وشاف معاه ... وشبيكي صايشة ، حارتلك كيفاش تلبسيها ، حط يدو على فمو ... يعني هادي معندك علاش تلبسيها زيادة التعب برك ، تولهت لواش كانت رافدة وكرفصتها ردتها للفاليزة وغلقتها ، تشوف معاه من تحت لتحت
لونار: مشي أنا حطيتها
آرام: اممم ، متبدليش تبقاي بهادي (la robe blanche)
لونار: اه لالا ، برك افتحلي السريكة (الروصول) ، قدم بالشوية عندها محابش يقيسها بصباعو باش متتوترش كتر وهبطها ودار تمتم باش مايبقاش يشوف مع لحمها وتغلبو غريزتو ، هزت روبتها وراحت للدريسينج ، جبدت شورط وبوستي فالبوغدو مع بينوار قصير ، حدو حد الشورط ، وراحت هزت la pochette لي حطولها فيها les produits cosmétiques ، بحكم معلابالهاش كيفاش رتبو البيت ومشي وقت تحوس ، دخلت للدوش وهو خرج للبالكون قعد يخلط فالتلفون ، يشوف ادا الحجز مريچل ، يتأكد من الوقت ...

فالفيرمة وين كل واحد شد بيتو ، كانت دير ف skine care تاعها بعد ما دوشت وكملت ، لامة شعرها كعكة ، ولابسة پيجامة demi manche وشورط فالغوز vectoria secrets ، حطت پارفانها وراحت لفراشها هزت تلفونها وبقات تخلط ، مدة وهيا تحوس ترقد مجاهاش النعاس ، هزت روحها وناضت خارجة ، لبست پيل وهبطت لتحت وهيا لابسة بليغة فالغوز وخلخال ذهبي...