جمعتنا القرابة *الجزء الثاني* (أنت قدري)

Partie 111

صباح جديد وأحداث جديدة :

...
بدات تتحرك فالفراش كيشغل راح تتفاطن قلقها صوت التيليفون كان يصوني ، هزت يدها للطابلة حالة عين وغالقة عين ، شافت الإسم وهيا قفزت ، تكوپا التيليفون وعاود صونا باش قلعت النفس وردت
لورين: ألو صباح الخير
إيلصا: اللي مراكش خير يالكلبة .. شحال من مرة عيطت
لورين: مسمعتوش كنت راقدة
إيلصا: ترقدك نشاله .. ازربي نوضي وجدي روحك دوك نتلاقاو ماتقوليلي ني خدمة ني زمر
لورين: علاش جيتي ؟
إيلصا: لالا .. خيالي اللي جا وانا راني فالطاليان .. ازربي نوضي متهبلينيش
لورين: نايضة .. نايضة .. مفهمتش علاش راكي تطرطقي كيما ل pop corn
إيلصا: كي نتلاقاو نوكلهولك ، كوپات عليها وناضت غسلت وراحت تبدل باش تخرج ...

...
فالدار لكبيرة ملمومين على الطابلة تاع الفطور ، هابط ينيس مچود (شاد) مرتو اللي بقالها يامات وتولد رايحين عند الطبيب
ينيس: صباح الخير عليكم
كامل: صباح النور
ماريا: رايحين عند الطبيب
آيلا: إيه خالتي باش يقلنا وقتاش نولد
آزار: الله يقومك بالسلامة
آيلا: آمين يارب
ينيس: المهم يما حنا نروحو ومبعد نشاله
ماريا: متفطروش ؟
ينيس: نديها تمشي شوية ونفطرو .. ممبعد نجوزو للطبيب .. مزالت وحد الساعة ونص هكاك
صهيب: في غرضكم ، غمزو .. اتهلا فيها ، تبسملو
ينيس: بلا ماتوصي ، خرجو مخليينهم يفطرو شوية وهبط أديم ، صبح عليهم وقعد فالسكات من نهار خرجو دار صرب هدرتهم معاه رجعت قليلة وحتى هو كون مايماه مخلاتوش يروح لدارو يسكن وحدو كون حتى هو غبّر وجهو عليهم

كمل فطورو وهز روحو سلم على راس يماه ومشا خارج ، ماشي وهاز وحد الورق ومفاتحو فيدو يدور فيهم حتى يشوفها خارجة لابسة سروال classique أحمر مطرطق عليها بحكم عندها طاي الله الله وشوميز داخلة فيه بيضة وشعرها مطلوق وطالون ، طلع حاجبو وبقا يشوف معاها كيفاش تتعوج وحدها
دارت للجمب شافتو يخزر معاها قلبت عينيها وكملت تمشي زعما مشي محلبتو ، زفرلها باش تدور عندو وهيا دارت روحها مسمعتوش (دايرة النيف) ، دور عنقو مغزل وعيط على احر جهدو
أديم: لماااااار ، جمدت فبلاصتها خلعها .. شوفي تتحركي من هاديك البلاصة ندخل قسامك فحيط ، بقات واقفة تترعد حتى لقاتو عند راسها مخزرتش فيه حبت تبين بلي مشي خايفة منو ، جبدها من كتفها مدورها عندو
أديم: وين يا لالة ، شافت فيه متشنفة
لمار: ونتا واش همك ؟
أديم: شوفي متلعبيهاش عليا دايرة النيف ومنعرف وشنو .. كون عينك كون درتيه من هادي شحال مشي حتى لدوك كي هدرت معاك زوج كلمات ، جبدت يدها منو وطبعتو
لمار: صحاا انا كنت مذلولة عندك الحق .. بصح دوكا خلاص بعدت عليك اعطيني التيقار ، ضحك وشدها من شعرها جابدها عندو مزير عليها وهيا تضرب فيه لكتفو باش يطلقها
أديم: وين رايحة بهاد اللبسة .. همم ؟
لمار: واش دخلك ، زاد زير على شعرها ، ونطق بصوت خافت يهدد فيها
أديم: تزيدي تعاودي هاد الكلمة .. عضامك يلموهم بالوحدة .. منعاودش .. وين رايحة بهاد اللبسة
لمار: اااي .. افف .. رايحة نخدم .. لقيت خدمة .. اطلقني ، بعد شوية ويدو بقات فشعرها طلعها وهبطها من فوق لتحت
أديم: بهاد اللبسة ؟ .. ههه .. رايحة تخدمي ولا تتقحبني وتچابري فالرجال بهاد الترمة ، غمضت عينيها وفتحتهم ، وهدرت باستفزاز
لمار: ايه رايحة نطيح الرجال .. الرجااااااال راك قلتها مشي الدكورة ، ضحك باستفزاز
أديم: زعما راكي طيحيلي بلي أنا دراري ، هز يدو وجوزو عليها من فوق لتحت .. في ميزك الرجااااااال اللي راكي تهدري عليهم راح يشوفو فيك بهاد اللبسة على أساس نتي مربية وتاع الدار ؟ .. ههه غلطانة ، زير على لسانو .. راح يشوفو فيك النق*شة اللي يخمم من الصرة لتحت يقولك نجوز بيها نهار وفوت ، الدمعة حكمتها بسيف
لمار: صحا حبيت تقول l'ex تاعك حتا هيا كنت تشوف فيها هكاك أديم: ونتي هامك l'ex تاعي وحابة تكوني la copie ديالها .. شوفي لورين تربات تلبس هكا مادخلهاش تحلاب جديد ولا باش تقلقني دارتها بلعاني وزيرت ترمتها وكنت كل مانهدر معاها تبدلها .. وزيد la taille تاعها وتاعك مشي كيف كيف
لمار: معليش .. معليش .. هاديك لالة bien sur ومن العايلة مهما تكون تبقا مربية وبنات الناس ميسواوش .. دوكا غير فهمني نتا واش دورك فحياتي اه ! .. والو .. يمالا اخطيني منحتاجكش تدخل فيا ندير واش نحب .. ادا على الناس خلي يقولو واش يحبو وهاد le corp تاعي وندير واش نحب .. ندمانة على نهار كنت نجري وراك كي الكلبة ، هزت راسها والدموع طاحو وهو يشوف معاها .. ايه كي الكلبة .. كنت تبعد فيا .. وغير كون جيت تستاهل .. ودوكا خلاص هاني بعدت .. مالا حتى نتا اعفيني ومتزيدش تدخل روحك فيا ، جبدت يدو بسيف وهزت يدها فوجهو .. ورد بالك مرة وحدوخرة تهز يدك عليا ، راحت ماشية مخليتو وهو كان يتحكم فروحو باش ميضربهاش ، عارف روحو ادا حط يدو فيها ميفكوهاش منو ، تنفس وراح لطونوبيلتو كي الثور الهايج ميشوف والو قدامو