جمعتنا القرابة *الجزء الثاني* (أنت قدري)

Partie 03

خرجت من الحمام بعد ماخدات دوش الله الله وراحت توجد روحها
بعد ساعة ونص كانت كملت شعرها والماكياج راحت جابت روبتها حطتها فوق البونك وتشوف معاها

لونار: يادرا كيفاش راح تجيني ، لبستها وراحت شافت روحها فالمراية
لونار: ياماشاء الله عليا واش هاد الزين ، راحت شافت الساعة لقاتها ال 17:30
لونار: هاداك هو نهبط ، هبطت لتحت لقات البنات فالصالون والولاد تاني ماعدا آرام مع الكبار لبرا يستقبلو فالضياف ، دخلت عندهم سلمت على لورين
لونار: happy birthday y albyyy ، وحضنتها ، وكلشي مبروك فالباك لعقوبة لنجاحات خير وخير انشاله
لورين: يوهه ميرسي يا روحي جيتي تهبلي مشاءالله
لونار: ماشي قدك راكي تباني princess 👸
لورين: ياي يعطيك الصحة عينيك الشابين 🥺♥️ ، وحضنتهاا
ايلصا: واش واش نتي وياها ماناش نبانو ولاا
لونار: ارواحي لهنا يا الغيورة زادو حضنو بعض
ينيس: (يهمس لأديم) ياربي لبنات شحال يحبو التدحنيس تلقاهم غير يبوسو ويحضنو 🤣
أديم: واش غرت واقيلا ارواح ندرعك اناا
ينيس: امشي رنك نتاا 🙂
جات كامي تعيطلهم يهبطو لأنو اغلبية الضيوف جااو ، هبطو كامل
لورين: راني مسثريسيا تقوشي عرسي ليوم
ايلصا: امشي وبلعي قاتلك عرسي يااه
راحت لورين مع يماها يسلمو على الضياف ويرحبو بيهم وايلصا ولونار راحو حكمو طابلة وقعدو فيها جا قعد معاهم ينيس ومعاهم ميرال وإيهاب خوت لورين أما أديم فراح قعد مع صحابو وآرام كيف كيف ، بدات الحفلة والضحك والغصرة والغنا ، لونار كانت لاهية بالماكلة هيا وايلصا وينيس اما لكبار فكانو يحكيو مع الضيوف وآرام مع صحابو كيف كيف أما لورين فكانت تشطح مع صحاباتها
عند لورين دخلت باش تبدل روبتها التانية باش تقطع la tarte طلعت لشومبرتها ، عاودت الروج تاعها حطت پارفانها وجات هابطة ، حتى تصدمت ، شافت أديم واقف مع طفلة حاصرها فالحيط وباين راهو يتغزل فيها ، الدم جمد فيها وقلبها كان يضرب بالزربة حستو راح يحبس ، عاودت رجعت لبيتها تبكي بالشهقة واحد الربع ساعة وهي تبكي حتى وصلها ميساج من عند لونار
💬lounar: win raki azrbi ahbti bach tkat3i la tarte
شافت الميساج ناضت مسحت دموعها ودخلت تغسل وجهاا ، عاودت مكياجها شويا شويا وهبطت لقاتو خارج من الكوزينة مشافتش فيه وخرجت ، غير خرجت راحت عندها لونار
لونار: علاش طولتي...اي وشبيكي كنتي تبكي ؟؟
لورين: لالا والو
لونار: تتقعدي بيا وجهك منفخ كامل من لبكاا وتقوليلي والو
وجدان: لورين ارواحي تقطعي la tarte
لونار: روحي راهي تعيطلك يماك كي تخللص الحفلة نهدرو ، ردتلها براسها تاع ايه وراحت ، تنهدت لونار من عروش قلبها وتبعتها....كانو كامل مجمعين عليها وهي حاكمة الموس وترجف
صرب: لورين بنتي هيا قطعيها رانا نستناو ، قطعتها ووكلت لباباها اللي حظنها وزادت يماها
صرب: بنتي كبرت وولات 19سنة ربي يخليك ليا يا تاج راسي ويخليني نفرح معاك دايمن ونفرح بيك حتى آخر نهار ليا فحياتي يا فرحتي اللولة واميرتي ، باسها من راسها وهي حشات (غرست) راسها في حضنو واطلقت العنان لدموعها ، راحت ليها وجدان
وجدان: يايما على بنتي وشبيها صرب علاش بكيتها ، بعد بعد
حضنتها وجدان تمسحلها فراسها ، ممبعد سلمو عليها كامل ومدولها les cadeaux تاعهم كي لحق هو مدتلو يدها وشدت le cadeaux وراحت وخلاتو ، بقا يشوف معاها ما فاهم والو مقبيل تشنفت عليه فالدروج ودوك تسلم عليه فوق قلبها وزادت ماشكرتوش وراحت ، تغزل حك راسو وراح يقعد
راحو الضيوف وبقات غير العايلة ملمومين وهيا فنصهم غايسة
ايلصا: لورين هياا افتحي les cadeaux 🎁 نشوفو واش جابولك
كامي: بصح كاين بزااف منا الغدوة ومتخلصهمش
ينيس: معليش افتحي غير تاعنا وخلي لوخرين ، ردتلو براسها تاع ايه وبدات تفتح اللول كان تاع پاپاها غير فتحتو وشافت ساغت من الفرحة
لورين: پاپااا نحبكك وناضت حضنتو....يعطيك الصحاا يا احلى اب فالدنيا
صرب: بصحتك بنتي علابالي كنتي غير تحوسي تلحقي 19سنة باش تسوقي (شرالها طونوبيل)
وجدان: دوككا دالتي شوفي تاعي
صرب: قوتلك تغير كي تحبيني كتر 🤣 ، ضحكو كامل وهي تشنفت ، زادت فتحت تاع يماها لقاتها پارور تاع ذهب ومعاها صاك تاع غوتشي صغير كيما تحب ، ناضت باستها
لورين: يوه ماماتي يعطيك الصحاا الصاك اللي حبيتو
وجدان: بوه بلا مزيا بنتي ، كملت تاع لوخرين بقاولها تاع آرام ولونار وأديم ، بدات فتحت تاع آرام لقاتها رواية فيها 3 أجزاء
لورين: نووو ! 😍 كيفاش عرفت ؟
آرام: شفتك وحد الخطرة تحوسي عليها en ligne باش تشريها وكي حوست انا عليها لقيتها صح مقطوعة ايا درت الپوسيبل باش نجيبهالك كان علابالي مكانش كادو خير من حاجة ڤري حابتها
لورين: ياي يعطيك الصحاا والله كنت هابلة باش نشريها ، قدمت سلمت عليه... ربي منعمنيش بأخ كبير بصح نتا عوضتو 🥹🤌🏻
آرام: مخساراش فيك واي حاجة تلقايني انا اللول ، شاف معاه صرب فرحان ، زاد بادلو الإبتسامة آرام
زادت جبدت كادو تاع لونار لقاتو لقاتو براسلي تاع hermes هادا 👇🏻