جمعتنا القرابة *الجزء الثاني* (أنت قدري)

Partie 08

كان جاي من le sport شاف طونوبيلتو قدام الڤيلا ، دخل لداخل لقاه قاعد فالصالون
آرام: صباح لخير
راسم: صباح النور
آرام: واش جابك مع صباح ربي
راسم: جيت نشوفها علابالي راهي زعفانة ومترضاش بالساهل
آرام: اممم
راسم: وين راهي ؟
آرام: فبيتها راقدة
راسم: نطلع نشوفها ، ردلو براسو تاع ايه ، راسم طلع لبيتها وهو راح لبيتو يغسل ويبدل

.........
كانت راقدة حتى حست ببنادم يلعب بشعرها ، دارت شافتو باباها ، تقعدت وبقات تخزر لبعيد
راسم: صباح الخير
لونار: صباح النور
راسم: اممم واقيلا عجبك الحال هنا ماكيش ناوية ترجعي للدار
لونار:......
راسم: شوفي لونار علابالي راكي زعفانة مني بصح نتي بنتي وماكانش ما اغلى منك عندي نتي عينيا صح بالاك مكونتش نبينلك بلي نحبك ولا بصح كنت نفرح غير تجي كنت نشوفك البنت المثالية اللي تمنيتها انك بعمر صغير تقراي و تفتحي ur business نحس بالفخر، صح كنت متمني كون ربيناك انا ويماك مع بعض بصح الله غالب مكتوب ربي وعمري ماشفتك نتي السبة ولا راح نشوفك خاطر نتي فرحتي الأولى ونتي القمر تاعي ، شافت معاه والدموع محجرين فعينيها
لونار: انا تاني نحبك بزااف پاپا بصح كنت دايما نحسك متحبنيش كنت دايما نحس بلي انا سبتكم وظهرت صح يا پاپا تمنيت كون عشت معاكم للزوج كيما كامل العايلات و نكبر فوسطكم منقدرش نوصفلك بواش كنت نحس يا پاپا ، كانت تبكي وتشحق وهيا محضنتو
راسم: خلاص لونار بنتي متبكيش علابالي صعيبة عليك كتر منا للزوج بصح وش ديري هادي هيا الحياة كل واحد كاش مكتبلو يعيش حياتو بالاك اللي جايك خير
لونار: انشاء الله
راسم: اهيه يا لالة وماكيش ناوية ترجعي نشاله
لونار: لالا بصح
راسم: هيا لمي قشك خلينا نرجعو شحال تعياي تبقاي هنا مروحتها لدار باباك
لونار: صح عندك الحق
راسم: انا نهبط ونتي وجدي روحك يخي ، ردتلو براسها تاع ايه ، هو هبط وهي بقات تخمم ممبعد ناضت غسلت وبدلت ولمت قشها

........
لتحت كانو قاعدين يحكيو حتى شافوها هابطة تكركر فڤاليزتها ، ناض راسم راح حكم عليها الفاليزة
راسم: آرام وليدي يعطيك الصحة عذبناك معانا
آرام: بلا مزيا عمي ، راح راسم وهيا بقات واقفة
لونار: يعطيك الصحة بالاك ديرونجيتك سمحلي راح تكون المرة اللخرة ، خزر فيها وطلع حاجب وهيا راحت وهو بقا متبعها حتى خرجت

.......
فالدار كانو قاعدين فالصالون يحكيو حتى دخلت عليهم ، غير شافتها لورين عاقت
لورين: لوناار ، دارو كامل عندها ، آزار جرات عنقتها
آزار: لونار بنتي توحشتك
لونار: مام اناا
قعدو وبداو يحكيو
كامي: ريحتي بنتي
لونار: اممم
ماريا: ياك مقلقكش هاداك الهامل نعرفو
لونار: لالا نورمال ، انا نطلع نريح ومبعد ، راحت وخلاتهم
آزار: الحمدلله كي هداها ربي وجات
كامي: ايه باينا دايما تحن لوالديها
ماريا: مانعرف علاش حاسة بلي كاش مادارلها هاداك الهامل اللي عندي
آزار: لالا بعداا واش راح يديرلها وهو اللي داها
ماريا: مانعرف
كامي: اسكتي يرحم باباك ، باباها راح جابها لداراها وجات معاه وباينة عيانة مفهمتش واش دخلو آرام
ماريا: حسيتها منشوعة
وجدان: خلاص سكتونا الموهيم جات اففف

.......
صونا تيليفونها ، غير شافتو ناضت تصوطي
ايلصا: الو يا روحي توحشتك
مام انا عمري نتي اللي راكي غابرة:🙎🏼‍♂️
ايلصا: واش ندير الله غالب منيش وحدي منصيب غير نلقا l'occasion باش نهدر معاك 
🙎🏼‍♂️: افف دايما نفس الحكاية تسما منتلاقاوش ولا كيفاش ؟
ايلصا: تتمسخر بيا انا لهدرة منقدرش نهدر معاك حتى نخرجو
علاش خوافة هكاا تعيي الحياة راح تعيشيها مرة يا الزحح :🙎🏼‍♂️
ايلصا: واش ندير الله غالب
علابالك بلي مور غدوا الانيفيرسير تاعي كون متجيش انساي:🙎🏼‍♂️
ايلصا: واش ننسا ؟
اللي بيناتنا :🙎🏼‍♂️
ايلصا: وشن ؟
ايه انا صاحبتي اللي منتباهاش بيها قدام الناس معندي مندير بيها:🙎🏼‍♂️
غلق التيليفون وخلاها تخمم مشوكية فالهدرة اللي قالها
ايلصا: ياربي علاش هكااا اففف اففف

......
لورين: وشبيكي ملي جيتي ونتي مفحوالكش
لونار: والو برك معلاباليش مانيش حاسة روحي نورمال
لورين: ضاربتو نتي وآرام
لونار: يعني طلعنا فلكلام شويا
لورين: وعلاش !
لونار: كي كنت خارجة مع صحبتي قالي اذا رايحين للديسكو ومخلانيش نخرج ويدخل فروحو فيا مفهمتش ، انا علاش مندخلش روحي فيه وفحياتو يخي صامط هو يدخل ويخرج وقت ميحب
لورين: مفهمتش نتوما اصلا واش دخلكم فبعض هدي مخممتيش فيها ، بقات تخزر فيها وتطلع فهدرتها
لونار بينها بين روحها
لونار: ايه صح انا واش دخلني ؟ وهو واش دخلو كل واحد يتهرد فحياتو
لورين: ايي وين رحتي ، انا نروح كنت نهدر ونتي متسمعيش ممبعد نجيك
لونار: صحااا
خرجت من عندها قابلتو فوجهاا فايت عدات فيه بلا متهدر معاه
اديم: اي نتي مفهمتش علاش وين تشوفيني تدوري وجهك غير الخير
لورين: معينيش نهدر بالسيف
اديم: يااه ، غير الخير نشاله قلبك معمر واقيل فرغيه نشوفو
لورين: يرحم باباك اخطيني مانيش قادرة نهدر معاك
اديم: شوفي ملخر راح نكرفصلك خليقتك راكي تلعبيلي على المورال هادا شحالل وانا ساكت بزااف اذا عندك هدرة اهدريها direct فهمتي
لورين: يالربب اخطيني معينيش افف ، كانت رايحة ومخليتو جبدها عندو حتى خبطت فيه
اديم: منخطيكش فهمتي منخطيكش هادي حطيها فبالك مليح ، يا تصوبي روحك يا انا نصوبك فهمتي ، طلقها وراح وخلاها متبعتو بعينيها مافاهمة والو وقلبها يزدح معاه

........
فالعشية كانو كامل ملمومين فالطابلة تاع لعشاء ، لورين و اديم مقابلين بعض ويتخنزرو فبعض ، ايلصا و لونار فعالم آخر قاعدين يحركو فالطبسي ، والباقي ياكل فالسكات

Heyy ladies nchalh yaejbkom had le partie mtnsawch tvotiw w taboniw bach nkmll a demain nchalh ❤️