جمعتنا القرابة *الجزء الثاني* (أنت قدري)

Partie 13

...................................................................................
فبلاصة بعيدة بزااف ناضت فرحانة راحت طلت من البالكون تاع بيتها
لونار: واو ليوم نهار شباب ، راحت غسلت وبدلت وهبطت تفطر
ايناس (الخدامة): وجهك راه منور الله يبارك
لونار: ايه خاطر فرحتي متنوصفش غدوا راح يكون الديفيلي تاع الكولاكشن لجديدة والناس راهم متحمسين كالعادة وانا كترر ❤️‍🔥
ايناس: يااخي انشاله كلش يفوت على خير وخلاص
لونار: إنشاء الله إنشاء الله
فطرت بغرضها وراحت لخدمتها ، غير دخلت كامل صبحو عليها ، بقات تشوف فالتصاميم اللي دارتهم
لونار: إنشاء الله يطرطقو الدنيا كيما العادة ، زادت هبطت للأثوليي لتحت تشوف واش آخر اللمسات
لونار: خلاص اطلقو من يدكم عندي هدرة معاكم ، تجمعو كامل قدامها
لونار: يعطيكم الصحة على كلش على مجهوداتكم على خدمتكم المتقنة الموهيم كلش علابالي تعبتكم معايا علابالي ساعات كنت نتقلق نفرغ زعافي فيكم اسمحولي بصح والله غير نحبكم ونعتبركم عايلتي ومقدرة المجهودات تاعكم معايا ، واش نقول انشاء الله نقعدو هكدا وكترر
كامل: إنشاء الله
لونار: اياا دوكا اللي عندو خدمة خفيفة يكملها ويروح للدار غدوة عندنا نهار طويل ، فرحو كامل واتفرقو كل واحد راح يزرب باش يخرج ، وهي طلعت لبيروها هزت صاكها وخرجت ، غير خرجت عيطت لصحبتها (الجديدة)
لونار: الوو وين راكي ؟
نوران: f la salle علاش !
لونار: والو حبيت نجي عندك نشطح شوياا
نوران: ارواحي اصلا ربع ساعة ونكمل معاهم
لونار: هياا اوكيي ، راحت لدارها بدلت وراحت لعند نوران

........
كان قاعد فبيروه يخدم كالعادة ، دخلت عليه ، غمض عينيه وعاود فتحهم مقلق ، هدر معاها بلا ميطلع راسو
آرام: كاينة حاجة اسمها الباب
نسرين: ميهمنيش ياك انا خطيبتك ندخل وقت مانحب ، طلع راسو ليها
آرام: شوفي هنا ماشي داركم قبل متدخلي تطبطبي فالباب فهمتي !
نسرين: ايه فهمت ، خلاص قولي نتغداو كيف كيف ليوم !
آرام: لالا
نسرين: علاش هكاا دايما كون منقولكش نتغداو متقوليش وزيد متحبش
آرام: مانيش قاعد نسرين عندي خدمة
نسرين: خدمة خدمة حبس شويا لخدمة ماشي هاربة
آرام: اخرجي
نسرين: وشن ؟
آرام: منعاودش يالله
نسرين: راك تحاوز فياا ! ، تقلق ، ناض لعندها حكمها من يدها خرجها لبراا وغلق الباب
آرام: الصبرر ياربي الصبر

.........
نسرين: يا طاطا والله مدرتلو والو قتلو غير حبس شويا لخدمة ماشي هاربة ، حبيت نخرجو نقعدو كيف كيف نتعرفو على بعض كتر ، هو حاوزني قدام الخدامة اللي لتم ، كانو يسكتو فيها وهي تبكي
كامي: خلاص بالاك كان مقلق علابيها
ماريا: شوفي وليدي متزوج بالخدمة ونتي راح يديك الزاوجة هادي باش تعرفي برك ، خاطر هادو les films راح يصراو شحال من مرة وانا نكره نعاود واش شفت يمالا يا توالفي يا تحبسي من دوك اني قتلك
آزار: ماريا واش هاد الهدرة
ماريا: علاش كذبت !
وجدان: خلاص ماديريش عليها بالشويا بالشويا ويديرلك وقت راهو مضغوط برك
نسرين: اشاء الله ، سمحولي بالاك قلقتكم والله ماقصدي برك قلت نتوما عايلتو بالاك تفهموه ، ماريا بهمس
ماريا: اصلا كون جا يفهم ميخيركش ، قرصتها آزار
ماريا: آااااي يدك مسمام
آزار: بهدلتينا
ماريا: تروح تزمرر الله
نسرين: الموهيم انا نخليكم ممبعد انشاله راحت وخلاتهم ، ماريا قلبت عينيها منها
كامي: واش هاد الهدير عليك نتي قدامها
ماريا: خلوني غير نشوفها تحكمني القنطة
وجدان: احشمي ماريا وليدك خيرها
ماريا: تما لقيتيني نندب مفهمتش واش عجبو فيها ني زين ني عقلية ني خدمة
آزار: الله يهديك الطفلة والو ماخصها والخدمة باباها لاباس بيه علاش تخدم
ماريا: اخطوني تعيشو الناس ولادها يجيبولها العرايس الله الله وانا يجيبلي فالمسلوخة هادي
بقاو يشوفو معاها ضاحكين عليها

........
فات النهار وجاء اليوم الموعود
ناضت بكري للبلاصة اللي راح يديرو فيها الديفيلي ، صبحت عليهم وبدات تشوف فالديكور غير لقاتو ماشي راحت تشوف التصاميم اذا ماكان فيهم حتى غلطة كيف كيف غير كملت راحت تشوف فالتدريب تاع modèles وهنا حكمتها الخلعة كي شافت المودل الرئيسية مقروطة
لونار: واش صراا ؟
المودل: كنت نتدرب نورمال حتى زلقت وهاكي تشوفي
لونار: ياربي وعلاش دوك ، أمير اجري حوسلي على remplacement هياا خف مكانش الوقت
فاتت ساعة وساعتين ووالو ، وهنا فقدت الأمل وجاتها البكية
أمير: اصبري راح نلقاو حل ، جات لعندها نوران بعد ماعيطتلها وخبرتها
نوران: واش كيفاش لقيتو وحدة
أمير: ملقيناش الله غالب حتى اللي تكون متطابقة تخاف من الديفيلي لانو كامل الناس راهي تستنا فيه ، بقات تشوف فيها
نوران: عندي فكرة 💡 ، خزرت فيها لونار
أمير: اللي هياا
نوران: لونار تكون المانكان ، خزرو فيها تاع واش منيتك
نوران: شوفو ماتخزرو فيا ما والو مكانش حل واحدوخر وزيد هيا عندها لاطاي تاع المانكان وتمشي كيفهم الطول مايهمش كاين الطالون
لونار: يرحم باباك واش يطلعني انا قدام الف عبد
أمير: هياا صح مليحة الفكرة اصلا نتي كنتي راح تبيني روحك هاد المرة اياا ديري هدة وكوني المانكان تاني وفكرة واحد مازال مادارها ، بقاتت تخمم مالقات حتى حل بخلاف ، ممبعد استسلمت وقبلت ، راحت توجد عمرها .....
بقاو دقايق وتطلع قدام آلاف الناس اللي راح يشوفوها كانت خايفة لانها المرة اللولة ، بصح تشجعت وخرجت ، تمشي بثقة كانو خلقت ليها تكون مانكان الناس كامل يشوفو معاها وجه جديد ، كملت العرض وخرجت
لونار: كيفاش كنت
نوران: تهبليي
لونار: قولي والله
نوران: والله امشي تبدلي باش تخرجي معاهم ، راحت بدلت وزادت خرجت معاهم وقدمت نفسها قدام كامل الناس ، سفقولها الجمهور خاطر دارت فكرة شابة واصلا تصاميمها كانو فالقمة ....
..........

Hii twlt chwiya psq kont bin wbin nktb wla non psq التفاعل 0  ومحمسنيش ايا منا لغدوة نشوفو