جمعتنا القرابة *الجزء الثاني* (أنت قدري)

Partie 56

كانت تمشي وتعيطلهم فالتلفون ، وهوما يفهمو فيها وين ، حتى وصلت عندهم ودخلت كانو عند الدهابجي ، يخيرو فالذهب ، وقفت قدام إيلصا وتكات عليها تشوف مع لونار تخير وتهدر مع الصايغ ، شافت واحد البراسلي خشين هزتو لونار تقيس فيه
آيلا: واشنو هاداك اللي لبستو
إيلصا: براسلي
آيلا: علابالي براسلي بصح تاع واش ، راهو ميشبهش للي موالفة نشوفهم جاي كيشغل عتيق
إيلصا: إيه خاطر هادا يتخدم غير فالدزاير يعيطولو براسلي تاع الفتلة
آيلا: شباب وباين غالي
إيلصا: إيه ، هادا معروفين بيه ناس قسنطينة وكامل العرايس تاع الدزاير كاين اللي يلبسوه مع الجبة القسنطينية اللي تجي مطروزة بالفتلة وكاين اللي يلبسوه مع الكاراكو ولا المهم تكون حاجة تقليدية
آيلا: الله يبارك ، عندنا وحد les traditions يهبلو سورثو فقسنطينة حابة نزورها
إيلصا: يابنتي هادا والو ، كاين بزاف des bijoux شابين تاعنا ، كيما محزمة الويز كيف كيف تاع قسنطينة ويدوها بزاف ناس الشرق للعروسة يحزموهالها ، وكاين السخاب ، كرافاش بولحية ، هادو الثلاثة يشريولك دار نورمال كون يكونو عندك وتبيعيهم
آيلا: غاليين ؟
إيلصا: هههه بزااف
آيلا: خلاص راجلي نقولو يجيبهوملي كامل
إيلصا: مسكين تفلسيه ، يزيد يكون قيسو قيس روحو
آيلا: ميهمنيش العرق الدزيري برق عندي كي شفت الذهب
إيلصا: أنا تهنا ماعندي حاجة فيه وزيد ماما عندها هاد الشي كامل قاتلي نمدهملك كذكرى وتاني علابالها نموت ومنروحش نخير الذهب
آيلا: صح أنا حسبت كي كنتي تشرحيلي راكي ميتة عليه
إيلصا: لالا ، نعرف پويسك كانت فلعراس تجبدهم وأنا نسقسيها عليهم هادا ماكان
آيلا: هههه راجلك تهنااا
إيلصا: تهنااا ! أنا نحب حاجة أغلى واللي هيا diamant هادو ميقنعونيش
آيلا: وتهدري فيا
إيلصا: بصح أنا حابة خاتم تاع الزواج من عند tiffanyandco وبس
آيلا: كيشغل هاداك الخاتم رخيص ، يجي قد هادو كامل
إيلصا: بصح يقعد خاتم برك ، الصح بالكانتيتي ماشي لاكاليتي مع فطوم وكامي وجماعتهم ، كانو يحكيو ويضحكو ، حتى دارت عندهم ، عاقدة حواجبها
لونار: كون تجيو تعاونوني تخيرو معايا ماشي خير
إيلصا: علابالك أنا خاطيني الذهب ، تسما انسايني
آيلا: أني جيت أنا ، راحت عندها آيلا وكانت تخير معاها وكل ماتشوف حاجة جديدة تسقسيها وشنو هادي باش تعرفهم ولونار تجاوبها ، أما إيلصا فراحت قعدت ، وصورت المحل ولونار وآيلا كي كانو يخيرو وحطت صطوري پرايڤت ، كاتبة فيه :

✨"Is there a competitor for Algerian women in the love of gold"✨

حطت التلفون وبقات تشوف معاهم ، حتى وصلتها notification ، هيا جات تحل وهوما عيطولها باش يروحو ، هزت روحها وخرجت معاهم

فجهة وحدوخرة كان خدام ، حتى حس التركيز راحلو من قوة ملي جا وهو يخدم ، غلق ال pc ، وتكا راسو على الكرسي يحرك فجبهتو ، هز الفيكس وعيط للسوكريثار تجيبلو قهوة ☕️ ، ورجع تكا ، مدة وجات السوكريثار اللي دخلت بعد ما خدات لإذن ، حطتها
السوكريثار: بصحتك ، اكتفى يطلع راسو ويهبطو ، هكا وصلتو notification للتلفون ، هزو لقاها notification من Instagram إيلصا ، تبسم لا إراديا ودخل يشوف واش حطت وهادا تحت أنظار السوكريثار اللي بقات تشوف معاه أول مرة يبتسم وخرجت وخلاتو .... فتح الصطوري وهو يشوفها مصورة البيجوتري وكاتبة /Is there a competitor for Algerian women in the love of gold/ ، تبسم وبقا يخمم ادا يردلها ولا لالا ممبعد كتبلها