جمعتنا القرابة *الجزء الثاني* (أنت قدري)

Partie 07

صباح جديد وأحداث جديدة ، ناضت فعقلها غسلت وبدلت وهبطت تفطر ، لقات الطابلة واجدة قعدت ، جات تسربيلها الخدامة
لونار: مكان حتى واحد ؟
الخدامة: لالا حتا واحد..آه اذا قصدك على موسيو آرام هادا وين دخل كان يدير فال sport ودوك يهبط يفطر ، ردتاها براسها تاع إيه وبدات تاكل ، شويا شافتو هابط
آرام: صباح الخير ☀️
لونار: صباح النور
بدا ياكل فالسكات وهي كيف كيف ، ممبعد غير كملت مسحت فمها وجات نايضة
آرام: وين راكي رايحة ؟
لونار: pardon 😕
آرام: ماراحش تروحي تخدمي ؟
لونار: حطيت شكون يستكلف ، كمل ياكل ويشوف مع تيليفونو بلا مايردلها ، قلبت عينيها منو وخرجت لبرا قدام الپيسين تخرب فتليفونها ، أما هو فطلع للمكتب اللي فالڤيلا يخدم ، بعد مدة وهي قاعدة جات عندها الخدامة
الخدامة: مدموزال لونار الغدا راه واجد
لونار: ايه راني جاية ، راحتت تتغدا لقاتو قاعد ، بقات الخدامة واقفة فوق راسهم حتى نطق
آرام: واش تحتاجي
الخدامة: موسيو ياك علابالك حنا جينا فبلاصة يمانا وراهي مريضة تقدر تمدلنا هاد اليومين نشوفوها ونجو
آرام: بصح شكون راح يستكلف كون قولتيلي من اللول باش ندير حسابي ، هبطت راسها وسكتت وكانت رايحة ، حتى نطقت لونار
لونار: معليش خليها تروح اذا على الطياب انا ندبر راسي پيسك رانا غير زوج ويومين مراحش تتوسخ الدار لهديك الدرجة ، خزر فيها شويا ممبعد نطق
آرام: معليش تقدري تروحي ، كملو ياكلو فالسكات وكل واحد راح لبيتو
.........

فبيت لونار بعد ماعيطت للخدامة
لونار: هاكي هاد الدراهم اديهم باش تصرفي على يماك
الخدامة: صحاا بصحح هادا وين خلصني موسيو آرام وزادلي منفوق
لونار: معليش زيادة الخير خيرين
الخدامة: يعطيك الصحة والله
لونار: بلامزية ، يالله روحي عندك غير يومين
الخدامة: ايه ، خرجت وخلاتها اما هيا راحت بدلت وتكسلت حتى غلبها النعاس ، بعد مدة ناضت لقاتها ال 8 تاع لعشية تهزت من پلاصتها مخلوعة كي تفكرت بلي مادارتش لعشا ، هبطت جارية لتحت حتى شمت ريحة الماكلة ، دخلت للكوزية يقابلها بضهرو ماشي لابس تريكو غير بشورت ويخلط فالشلاظة بقات تخزر مصدومة ، غير دار شافها وراح حط الطبسي فوق الطابلة
آرام: اللي يعزم عليك يبات بلا عشا
لونار: غلبتني عيني محسيتش بالوقت
آرام: اقعدي تاكلي ، بقات تشوف مع الطابلة مبوهة
لونار: هاد الشي كامل نتا درتو ؟
آرام: اممم
لونار: واو انا كنت عازمة ندير مقاروني (معكرونة) ووجوزهاد الشي كامل انا مانحصيلوش
آرام: وعلاه مالا تشيري فحصانك وتلعبيها فحلة
لونار: ياك المهم تاكل
آرام: شارفة كيما نتي ماتعرفش طيب وواش توكلي راجلك
لونار: شكون قالك منعرفش ؟ نعرف حاجات خفاف بصح البنة ماعندك ماتهدر
آرام: ماتزيديليش
لونار: مافهمتش نتا منين جبت كامل هاد الشطارة
آرام: عشت قريب نص عمري وحدي
لونار: الله يبارك تسما شاطر فامور المنزل تاني صحاا فيها مرتك
آرام: شتي ، بقاو ياكلو فسكات بعدها ناض ،
آرام: ايا اغسلي المواعن تشو
لونار: كون كملت خيرك
آرام: ماشي انا لي لعبتها فحل اصلا ديرت فيك مزية ومخليتكش بالشر
لونار: امممم ، راح وخلاها غسلت لمواعن ونقات الكوزينة ممبعد طلعت لبيتها ديراكت غسلت وبدلت ودخلت ففراشها ، حتى دق الباب ودخل راسو
آرام: تمتم راح ترقدي متعيايش من النعاس نتي
لونار: واش راح ندير
آرام: اهبطي لتحت
لونار: وعلاش ؟
آرام: حاجتك ، وراح وخلاها
لونار: ياربي هاد البنادم راح يركبلي la crise كون نموت ماراحش نفهمو ، هبطت لتحت لقاتو مكسل على الفوثاي ويتفرج ، راحت قعدت اونفاص ليه وربعت رجليها وزادت ربعت يديها
لونار: متعرفش تركب جملة مفيدة نتا كي الناس ، خزر فيها وبقا ساكت ، تأفأفت
لونار: اهدر شويا يابنعمي قولي اهبطي تتفرجي كمل كلامك علاش هكداا ؟
آرام: مانحبش نهدر بزاف
لونار: ماراكش تهدر بزاف كمل هدرتك هادا ماكان
آرام: نعيا
لونار: ياربي نتا لازم نتيريك
آرام: زعما تقدري
لونار: اتفرج اتفرج وبلع
آرام: ماتقوليليش بلع لا نعلقك
لونار: ماحاشاكش تعلقني يخي حالة ، كمل يتفرج مخليها تتشنف ، ما جا يخلاص الفيلم كانت رقدت شاف معاها
آرام: يابنعمي ترقد كتر ما تتنفس هادي ، راح هزها وداها لبيتها ، حطها فبلاصتها وخرج

فالصباح كان داخل من ل sport شافها توجد فالطابلة ، شاف معاها وطلع لبيتو غسل وبدل وهبط
آرام: درتي قلبك واقيلا
لونار: وشن ؟
آرام: كي عايرتك البارح
لونار: ماتهدرش ماتهدرش كي تهدر تحب تخلي الواحد يخبطك
آرام: هكدا ! ، قلبت عينيها وبدات تاكل فسكات غير كملوو ناضت لمت الطابلة وهو راح للصالون
آرام: ماراكيش ناوية تولي للدار !
لونار: واقيلا ديرونجيتك !
آرام: والديك راهم يستناو فيك راهم مخليينك تريحي بصح لازم ترجعي لعندهم
لونار: مازال مخممتش فيها
آرام: كامل نغلطو واحد فينا ما معصوم بصح نتي تاني طولتي لسانك مع باباك
لونار: راك تهدر فليتساع نهار تكون حسيت بواش كان يحسسني تما تفهم ، راحت وخلاتو وهو بقا متبعها حتى طلعت لبيتها ، شوياا هكذاا وهبطت ضاربة الحطة ، كيلها من فوق لتحت ، جات خارجة بلا ماتهدر معااه
آرام: وين وين ؟
لونار: خارجة علاش لازم ندي la permission نشاله
آرام: وعلاش لالا !
لونار: نتا بابا ! ولا خويا ولا راجلي ؟
آرام: راكي فداري وتحت أمانتي !
لونار: اني خارجة وخلاص
آرام: وين ومعامن ؟
لونار: استغفر الله مع صحبتي
آرام: ووين ؟ ووكتاش تدخلي
لونار: لالا بزااف زدت عليها
آرام: إذا هاديك صحبتك اللي تديك للديسكو غير مكالاه واذا لتماك غير انساي لخرجة
لونار: واش صايي ضحكت معاك شويا وليت تدبر علياا باما حق تقولي مادوريش مع هاديك صحبتك ولا وين نروح !
آرام: انا كلمتي منعاودهاش
لونار: وانا متمشيش علياا كلمتك فهمت ، كانت رايحا ومخليتو حتى حكمها جبدها من يدها وزير عليها
آرام: نكسرلك فمك كون تزيدي تهدري معايا هكذاا فهمتي ، وتقعدي هنا وتبلعيه خيرلك ، خزرت فيه لقات وجهو يخوف ، طبعتو وطلعت لبيتها ، خبطت لباب
لونار: لالا ربحتت ، شافت مع يدها مطراسي....بغل حيوان الله ينعلك
راحت بدلت وتغمت ، فات النهار وهيا ماخرجتش وجا نهار جديد

......
فدار العايلة كانو ملمومين يفطرو
آزار: اففف دوك ماراحش تجي توحشتها
صهيب: راح تجي خليها يامات برك
آزار: نعرفها راسها يابس وزعافها فاسد
كامي: معليه نزيدو يامات الا ماجاتش حنا نروحو عندها نجيبوها
آزار: انشاله

Hi girls 3labali twlt bshh mkntch 3ndy l'envie nktb wsrtt le vote kan habtt bzff dirtlkom had le partie sghir ghdwa nchalh nkmll byby ❤️