راحت عند يماها اللي كانت تعيطلها
إيلصا: ماما عيطتيلي
كامي: شكون هاداك اللي كنتي واقفة معاه حبيتي خوك يشوفك ويعلقك ؟ مخصنيش مشاكلم ليوم
إيلصا: ماما علاش تزيدي عليها كان يهدر معايا نورمال
كامي: واش كان يقلك ، غمزتلها 😉 .... عجبتيه ! جا يتعرف عليك !
إيلصا: كنت نقولك كان يهدر نورمال يعني ماشي اللي فدماغك ، هادا اللي ختو خبطتني بالطونوبيل
كامي: وواش راه يدير هنا ، نتي اللي عرضتيه نشاله !
إيلصا: لاحول ولاقوة ، ماما يعرف آرام شريكو ، انا واش عرفني بيه حتى نعرضو
كامي: اممم صح ! ، مليح اصلا الولد ماعندو ماخصو شباب طويل وعندو الدراهم يعني الحق الله يبارك
إيلصا: ماما !
كامي: وشن ! ربي والمكتوب ، ماتدري بالاك كانت سبة باش تتعارفو
إيلصا: تعيشي خليني من التخيلات تاعك ، قوليلي ماني حسينة وين راهي ؟ ، وضارت بعينيها تحوس عليها
كامي: راحت ، عيات بعتناها مع الشوفور وقلنا لمليكة تقعد معاها
إيلصا: بصح وحدهم فالدار ماما ، واقيل مام انا نروح نقعد معاهم
كامي: هدني روحك عيشة راجل نتي زعما راح دافعي عليهم كون تصرا كاش حاجة ، زيد مروان هادا وين راح وصيتو قوتلو مرة مرة يطل عليها
إيلصا: مروان راح ، علاش ؟
كامي: وانا وين عمبالي ، بانتلي عيان عينيه حمرين
إيلصا: امممم ، سكتت ، وكامي بقات تشوف مع العيباد وطاحت عينها على أشرف كانت تسثيمي فيه كيفاش شاد الكاس فيدو وحاط يدو فالجيب ويهدر مع الناس بثقة ، حكمت إيلصا وجبدتها عندها
كامي: زعما معجبكش كامل ! شوفي مليح ، هاه الله يبارك عليه راجل وعليه الكلام ، أنا عجبني يليق يكون نسيبي ، قلبت إيلصا عينيها
إيلصا: ماما إدا عجبك عاودي بيه الزواج ، خبطتها كامي لظهرها ظربة صحيحة
كامي: متحشميش قليلة التربية
إيلصا: وجعتيني
كامي: تستاهلي باش تتعلمي كيفاش تردي منا وفوق على يماك
إيلصا: نروح خير معاك نتي تجهلي الواحد
راح بالتلفون لعند ماريا اللي كانت قاعدة هيا وصهيب فوحد الطابلة
ينيس: يما هايليك آيلا حبت تباركلك
ماريا: آيلا هات هات ، مدلها التلفون .... وشراكي بنتي لاباس ؟
آيلا: والله الحمدلله ونتي طاطا ، الصحة لاباس !
ماريا: والله الحمدلله
آيلا: ولله الحمد ، طاطا كلشي مبروك على آرام ولونار وربي يهنيهم ويزين سعدهم نشاله
ماريا: آمين يعيشك بنتي ، هكدا معاك نشاله نفرح بيك
آيلا: نشاله ، هاداك عمو صهيب اللي قدامك
ماريا: ايه ، قربت التلفون ليه ، شاف معاها وتبسم
صهيب: وشراكي بنيتي ، çava !
آيلا: لاباس ونتا عمو !
صهيب: بخير ، علاش ماجيتيش !
آيلا: والله ليوم كان عندي وحد le composition ، الله غالب معليش فعرسهم نعوضها نجي من قبل
صهيب: إنشاء الله اتهلاي فروحك بنتي ، واقراي مليح باش تفرحيني
آيلا: متخممش عمو ، قربت ماريا التلفون لوجها
ماريا: بنتي انا نخليك نروح نشوف ضيوفي اتهلاي فروحك ممبعد ونعيطلك انا
آيلا: اوكي طاطا ، سلمي عليهم
ماريا: يبلغ ، مدت التلفون لينيس ، وهو بعد عليهم باش يقدر يهدر معاها allais
ينيس: اهيه عجباتك الخطبة ؟
آيلا: هايلة ، جازت على حساب قلوبهم
ينيس: هاكدا معاك نشاله
آيلا: هكا معانا كامل ، احم احم 😷 ، حكمتها السعلة وداق فيها النفس حتى طاحلها التلفون ، وهو تخلع عليها
ينيس: آيلا وشبيكي ؟ آيلا راكي تسمعي فيا !!!!! ، راكي مليحة ، آيلاااا ؟؟
هزت القرعة تاع الماء بالسيف شربت منها شوية حتى حست عمرها بدات تترخا ، بقات شوية تستنى تروحلها النهجة اللي فصدرها ، سمعت صوتو فالتلفون هزتو ، وتبسمت ، وهو غير شافها الروح رجعت فيه
ينيس: آيلا راكي مليحة ؟ وشبيكي
آيلا: والو غير la grippe ، ضربني الريح الصباح ، طلع حاجب مشي مأمن
ينيس: la grippe تسعلي هكا ! وينقطع فيك النفس !
آيلا: آه ايه انا la grippe تاعي واعرة ، احم متقلقش روحك ، المهم ينيس انا نخليك اتهلا فروحك ، ومبعد نزيدو نهدرو
ينيس: نتي تاني اتهلاي فروحك واشربي دواك وادا قعدتي هكا روحي للطبيب
آيلا: نشاله باي
ينيس: 👋🏻
غلق عليها وبالو ممهنيش ، مستحيل هاديك السعلة وواش صرالها تكون grippe عادية ، تنهد وراح يحوس على لورين يمدلها تيليفونها
أنت تقرأ
جمعتنا القرابة *الجزء الثاني* (أنت قدري)
Storie d'amoreالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
