صباح جديد وأحداث جديدة
ليوم نهار الجمعة ناضو الكل فغرضهم فطرو ممبعد كل واحد واش راح يدير اللي يدوش اللي يبدل وفوقت الظهر راحو الرجال يصليو الجمعة
بعد ماجاو تغداو كامل كيف كيف موراها النسا ولبنات هبطو للبحر والرجال راحو يرقدو والولاد اللي خرج يبحر مع صحابو واللي راح يرقد
فالبحر كانو قاعدين كامل يبرونزيو
كامي: لونار ماسقسيتكش على ماماك واش راهي هاد شحال مسفتهاش
لونار: راهي مليحا من الدار ماتخرجش اكي تعرفي
ماريا: مازالت تعيط فالليل
لونار: ايه بصح نقصت على ماكانت دوك كي تتقلق ولا برك
كامي: الحمدلله
وجدان: انا نشفا نهار شفتها كي جينا بانتلي ضعفت لالا ؟
لونار: ايه تما كانت شويا عيانة
ماريا: ماشي ساهل اللي جاز عليها بين ليلا ونهار دارها تقلب وتفارقت مع راجلها
كامي: ايه صح حتى من راسم ولا يقتل روحو بلخدمة غير باه ينسا مسكين
لونار: اممم
وجدان: وماراهيش ناوية ترجع لهناا ولا معليش تستقر فالدزاير ؟
كامي: (بلهفة) إيه خممت فيها ولا لالا ؟
لونار: مايضهرليش ومانعرف
كملو يهدرو اما لونار فماكانتش معاهم
سرحت تخمم فالهدرة اللي صرات بينها وبين يماها قبل ماتجي
لونار: واشبيكي ماما علاه راكي تبانيلي زعفانة ومقلقة
آزار: لالا برك قلب الأم كي يكونو راح يبعدو ولادها عليها تحس شويا بالقلقة والزعاف هادا ماكان
لونار: راح نرجع كيما العادة نفوت الصيف ونجي
آزار: راح نتوحشك
لونار: قوتلك هاياي معايا كامل يسقسو عليك غير نتي ماتحبيش
آزار: يابنتي منقدرش وبالاك مستحيل نعاود نرجع لتماك
لونار: بصح علاش ماما مفهمتش اصلا السبة اللي خلاتكم تتفارقو لدوك ؟ واذا علا پاپا علابالنا كامل بلي يحبك وميهموش كون ترجعي ومستحيل يآذيك
آزار: مانيش خايفا نرجع بسباب پاپاك
لونار: مالا بسباب شكون ؟
آزار: مابسباب حتى واحد انا ماشي حابا نرجع وخلاص
لونار: حاجتك انا نروح نلم قشي غدوة نقلع
فاقت من شرودها كي سمعتهوم يعيطولها
كامي: لونار لونار بنتي وين رحتي
لونار: آه والو برك سيهت شويا
ايلصا: لونار هيا نعومو ، راحو ايلصا ولونار يعومو كيف كيف ، ولونار حاكمة دموعها على الشعرة
وجدان: غايضتني لونار دايما الضحية فالانفصال هوما لولاد
ماريا: والله صح مايحس بيها غير ربي
لحقت لعشياا وطلعو كل واحد راح يغسل ويبدل ، طلعت لونار لبيتها دوشت وبقات تخمم شويا كهذا هبطت تتعشا معاهم ، كانو قاعدين يتعشاو حتى يسمعو حس فالباب ولهدير ، حتى ساغت ماريا
ماريا: آرااام وليدي جيت ، هي غير سمعت اسمو الدم جمد فيها ، راحو كامل يرحبو بيه غير هيا بقات فبلاصتها معرفتش واش دير
راسم: لونار بنتي ارواحي سلمي على آرام علابالي عندك شحال مشفتيهش ، قربت لعندهم بخطوات تقال ، طلعت راسها شافت معاه لقات تعابير وجهو عادية مدتلو يدها بادلها السلام 🫱🏻🫲🏼
راحو قعدو كملو ياكلو ويغصرو معاه
ايلصا: تامن مقبيل شفت صاحبك فالريسطو اللي كلينا فيه انا ولونار عرفتك بلي جيت وكنت راح نقول لطاطا ماريا وخافت تعيطلك تعرشلك
آرام: هكداا
ماريا: ايه كون قاتلي وماجيتش تشوف واش كنت راح ندير فيك
زاكو: ايه حقاا كيفاش حتى جيت
آرام: ايه ديسيديت هاد الصيف نجوزو هنا پيسك عندي شحال ماجوزتوش معاكم هنا
ماريا: خير مادرت يا وليدي والله توحشنا اللمة كامل كيما بكري وزمان ، سكتو كامل حتى قطع الصمت
زاكو: اهيه كيفاش مع الخدمة ياك علابالك راك نتا الصح دوك
آرام: ماتخافش عمي كلش راه ماشي على الشعرة
كملو يغصرو وهيا شاردة ممبعد هزت روحها وراحت لبيتها
كانت قاعدة تتفرج كارهة وصلها ميساج من صاحبتها صفيناز
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
