جمعتنا القرابة *الجزء الثاني* (أنت قدري)

Partie 95

كانت حاصلة فالكومبرومون ، ردت راسها اللور مع الكوسانة تستنا تمشي شوية الطريق ، ممبعد تفكرت إيلصا بلي لازم تديلها حاجة comme cadeaux باش تراضيها خاطر عارفة بلي تكون زعفت كي مخرجتش معاها ، بدات تمشي شوية الكومبرومون ، مدة كانت وصلت عند واحد يبيع les fleurs دارت bouquet بالنوار اللي تحبو ورجعت ركبت رايحة عند واحد le bijoutier يبيع des diamants ، دخلت عندو
لورين: السلام عليكم
الڤوندوز: وعليكم السلام .. مرحبا بيك مدموازال لورين طولتي الغيبة
لورين: الله لايغيبك .. تعيشي شوفيلي pièce unique وتكون شابة
الڤوندوز: فواش exactement ! براسلي .. خاتم ..؟
لورين: اللي كان لمهم حاجة شابة
الڤوندوز: حاضر ، راحت شوية وجات هازة des braclet و مناچش ، خواتم ، سناسل ، كانو من كل نوع وحدة ولا زوج شابين و unique .. ، بقات دور فعينيها عليهم ، شافت 💍 و alliance ديالو تاع الرجال عجبوها بزاف وجايين unique ، عوجت فمها تخمم يمكن شراو خواتم الخطوبة مي بصح عجبوها وملقاتش خير منهم
لورين: انا نديهم حبو يلبسوهم هوما حبو محبوش ربي يسهل ، خزرت فالڤوندوز .. اومباليلي هادو تعيشي
الڤوندوز: d'accord .. ماتحبي تزيدي والو فيهم .. يعني تكتبي كاش حاجة ولاا ، بقات تخمم مكانش احسن من ما تكتب فخاتم كل واحد فيهم اسماءهم
لورين: اكتبيلي فهادا مروان .. وفهادا إيلصا وزيدي معاهم قلب صغير
الڤوندوز: حاضر .. ربع ساعة ويكون واجد .. تفضلي نضيفوك كاش حاجة مابيد يوجد ، حركت راسها بايه وراحت قعدت تستنا ..

خرجو من البوتيك وهوما هازين واش شرات ، دارت عندها
إيلصا: دوكا دالتك اشري واش تحتاجي باش نرجعو تمتم نوجد روحي
لمار: معليش منعطلكش .. خلي ممبعد ونخرج
إيلصا: بصح قلتي حوايج تحتاجيهم لالا ؟
لمار: ايه .. مي عندي باش نديپاني دوك مابيد ، طلعت إيلصا حاجبها جاتها كيشغل تبلعط فيها خاطر كانت قالتلها بلي لحوايج اللي راح تشريهم خلاتهم فدار وتحتاجهم ، سكتتت وحركتلها راسها بايه ومشاو رايحين للطونوبيل يركبو
مسافة الطريق كانو وصلو ، هبطو ، هزت إيلصا الشكاير ، قابلتها الخدامة فلباب مدتهوملها طلعهم لبيتها ، ودارت عند لمار
إيلصا: يعطيك الصحة كي خيرتي معايا ومتقلقتيش
لمار: بلا مزية .. اصلا عجبني الحال معاك ، تبسمتلها ودخلت مخليتها راح تموت بالفرحة ، دخلت حتى هيا جارية رايحة تحكي لخالتها ...

راحت لعندهم للصالون كانو مجموعين ومعاهم حتى وجدان
إيلصا: هاااي
ماريا: واخيرا شفنا الإبتسامة
آزار: شحفتنا ليوم وحنا نسكتو فيها
وجدان: ويلي ويلي
كامي: الخطبة ديالك باينة من اللول يا بنتي
آزار: بووووه على داك لكلام
إيلصا: طاطا وقتاش تجي لورين
وجدان: والله معلابالي مي official تجي شوية بكري ، سمعو صوت طالون وراهم
لورين: راكم تهدرو عليا ، كانت وصلت مدت الشكارة تاع لخواتم والبوكي للهدامة طلعهم ، دارو عندها
إيلصا: اممم كنا نهدرو على وحدة اسمها لورين تصلح .. ماشي نتي متصلحيش
لورين: هكداا .. راكي ضلمي فيا ، عوجت فمها
إيلصا: وليتي تعرفي الظلم تبارك الله
لورين: علابالك بلي خمس ايام غايبة والخدمة لهنا ، حطت يدها على عنقها .. وهكاك وجيت بكري وتزيدي تقوليلي منصلحش .. حشومة عليك
إيلصا: شوفو كيفاش راهي دير زعماا .. ياسيحان الله مهدرتش même pas وملومتش ، دورت لورين عينيها
لورين: انا نوض منهدرش مع وحدة ضالمتني ، هزت روحها وهيا تضحك من تحت لتحت عليها ، فاتت قدام ماريا غمزتلها وهيا فهمت بلي راهي تتمسخر بيها ، ولوخرة حلت فمها من الشوك
إيلصا: لالا صح قولولي هيا زادت دارت النيف ؟ .. هادي قالتلهم ارقدو خلاااص
ماريا: ونتي ظلمتيها من الدخلة قولتيلها متصلحش .. ياك عارفتها خدامة ومحصورة
إيلصا: حتى نتي طاطا ؟ .. زعما متعرفونيش كي نكون نتمهبل .. اول مرة ؟؟ ، عوجت ماريا فمها وإيلصا دورت راسها بقلقة
إيلصا: نطلع نوجد روحي خير
طلعت تخبط فرجليها فالدروج
آزار: منها بصح لورين زعفت كي قالتلها هكاك
ماريا: بوووه كي كانت طالعة غمزتني وانا فهمت le code
وجدان: يادرا واش ناوية ..