جمعتنا القرابة *الجزء الثاني* (أنت قدري)

Partie 37

رجعو للدار ، كانت لحقت ال 8:00 تاع الصباح ، ماريا طلعت لبيتها هيا وينيس ولونار ومروان راحو يوجدو روحهم باش يروحو يخدمو ، ممبعد هبطو فطرو وراحو

كانت غارقة فخدمتها ، حتى دخلت عندها السوكريثير
السوكريثير: مادموازال لونار عندك ضيف ، طلعت حاجب ، شكون الضيف المفاجىء هادا
لونار: شكون ؟ ، طل من الباب وهي غير شافتو بقات مصدومة وقالت فنفسها هادا واش جابو ؟ ، وقفت
لونار: آه أحمد اتفضل مرحبا بيك
أحمد: يزيد فضلك ، دخل لعندها
لونار: اقعد ، تشرب كاش حاجة ، قعد يهدر
أحمد: كاس ما برك ، خزرت لونار مع السوكريثير تاع جيبيه وقعدت ، بقات تشوف معاه وساكتة
أحمد: احم بالاك تجيك بيزار كيفاش جيت عندك
لونار: الصراحة ايه
أحمد: هههه برك حبيت نتعرف عليكم
لونار: تبدا بفاميلتك الأسبق ولاد عمتك وجدان باش نجيو حنا
احمد: حبيت نبدا باللي قدي نشوف ادا نتفاهمو فالعقلية ولا لالا ، طلعت حاجبها
لونار: واش راح تستفاد زعما كي تتفاهم معايا
احمد: نكونو friends you know 😉، جات السوكريثار وجابتلو الماء وراحت
احمد: اهيه مالا راكي توجدي فالديفيلي تاعك هنا
لونار: ايه إنشاء الله
احمد: اهيه واش رايك نخرجو لعشية نسهرو كيف كيف فكاش ديسكو
لونار: راك فدزاير ماشي كندا ، حنا منخرجوش فالليل
احمد: come on شكون مزال يخمم بهاد العقلية المتخلفة ، عيشي حياتك الدنيا موت ازهاي يروح شبابك وتندمي ، شافت معاه وتفكرت آرام نهار كان يضارب معاها كي يشوفها داخلة فالليل وميعجبوش الحال ، تبسمت
لونار: مادخل الحياة فالسهرة انا بالنسبة ليا هاديك ماشي بلاصتي لانو علابالي واش قادر يصرا تما
احمد: عادي مراح يصرا والو غير جربي وانا راح نكون معاك صدقيني راح تعجبك ، تقززت منو خصوصا كي كان يحوس يقنعها ، بقات ساكتة ومقلقة منو مرة مرة تتبسملو فوق القلب وهو لسقة محبش يفهم روحو ويروح ، ساعات يحب يهدرها بسيف وهي يا اما تجاوبو يا اما تسكت متردش

دخل مروان عندها وهو يشوفو ، شاف معاها بمعنى هادا واش راه يدير هنا ، وهي عوجت راسها بمعنى معلاباليش
دار عندو احمد
احمد: مروان ياك !
مروان: اممم ، شاف مع لونار ، نروحو وين قلنا ولا مشغولة
لونار: لالا نروحو ، اصلا راهو رايح للدار ياك احمد ، خزر فيها وتبسم تبسيمة صفرة حسها تزعك فيه
احمد: اممم ، الموهيم انا نخليكم نتلاقاو فالدار ، هو خرج وهيا قلبت عينيها ، عوج مروان حنكو 🫤
مروان: واش جاب جدوهادا دوك ؟
لونار: حيرت كيفاش جا ، بنادم سامط يالزح ، قالي حب يتعرف عليا زعما كي قدو 😕
مروان: علابالك لاعبلي على المرال هاد البنادم
لونار: علابالك واش قالي تاني ، عوج راسو بمعنى واش ؟
لونار: نخرجو نسهرو ، قرب عندها
مروان: هادا منيتو ؟
لونار: ايه وتعجبك قلتلو حنا منخرجوش رجع يقولي شكون مزال يمشي بهاد العقلية المتخلفة
مروان: الطحين دوكا رجعت الحرمة والعرض تخلف ، يالزح مي هادا ماشي راجل
لونار: صح نكره الرجال اللي مزيرين بصح نكره تاني اللي مرخوفين هكاا يخوفو ، سمحلي لا استطيع
مروان: الرحمة فاللي مغيار على عرضو ما هاد لستيل يبيعك بزوج دورو كي يحصل مايعرف لا عرض لا والو
لونار: خلينا منو الله يبعد من وجهي الأشكال لي هكاا
مروان: امشي امشي عندنا خدمة متخلاصش وحنا نهدرو على واحد فارغ شغل
خرجو وراحو لشغلهم