فاقت الصباح لقات روحها فبيتها ، تنهدت وناضت ، مقعدتش تكسر راسها وتخمم شكون جابها لبيتها ، غسلت وهبطت لتحت ، لقاتهم فالطابلة راح يفطرو وهوما يضحكو وخالقين جو ، يماها وباباها يفطرو وهوما فرحانين برجوعها ، ايلصا وأديم يضاربو مابيناتهم وينيس كي عادتو كالم يشوف معاهم ويتبسم ، كامي ووجدان يحكيو ، صرب و صهيب وزاكو يتناقشو وباين موضوعهم على الخدمة ، ماريا تصب فالحليب للورين وخاوتها اللي مازالو مدخدخين بالنعاس ، تبسمت بألم ، نطقت بينها وبين روحها
لونار: سمحولي ، علابالي هاد الفرحة يامات وتروح بسبابي نشاله تجي فيا ومتجي فحتى واحد فيكم ، لحق عليها فالدروج كي كانت تشوف معاهم ، فيقها كي جبدها من ظهرها مديها جيهتهم ، شافت معاه و هبطت راسها ، لحقو صبحو عليهم وقعدو
آزار: وشبيكي لونار مرقدتيش مليح
لونار: شويا بالاك كي بدلت بلاصتي
راسم: تخدمي ليوم ؟
لونار: ايه لبارح مرحتش ، جا نايض ويهدر معاها
زاكو: تحبي نوصلك فطريقي
لونار: لالا صحاا خالو نفوت قبل لداري نبدل حوايجي ونروح نخدم ، تبسملها وراح ، موراه ناضو صهيب وراسم وصرب كل واحد رايح لشغلو
ماريا: واش راح نرجعو للدار ، حلاتلي هنا غير كون زدنا ليوم
وجدان: الله غالب ، اصلا لبارح بسيف باش جينا حنا
آزار: انا مفهمتش حاجة برك علاش رجعتو تسكنو وحدكم
كامي: ايه صح واش خداكم ياك كنتو قاعدين معانا لاباس
وجدان: والله معلابالي قالي بزااف عليهم هوما ديجا 3 عايلات وحنا بزااف ، وزيد ياك رانا نجيو فالويكاند
ماريا: منكدبش عليك صهيب معجبوش الحال بصح محبش يدخل روحو
وجدان: ياختي هوا انا خاطيني ، دارت لولادها ، ادا كملتو يالله نروحو هاداك هو باش تبدلو نوصلكم تروحو تقراو وانا نروح نخدم
لورين: انا ماما منقراش ليوم خليني نجي فغرضي
وجدان: معليه ، ناضو لخرين وراحو مع يماهم ، دار آرام عند لونار
آرام: تروحي نوصلك !
لونار: ايه ، ناضت سلمت على يماها
آزار: بنتي ياك تجي لعشية ، بقات دور فراسها
آرام: راح تجي ، خزرت فيه ، وآزار تبسمتلو ، وخرجو
لورين: شحال جاو متواتيين آرام ولونار couple magnifique 😍
ماريا: ماكرهتش يا بنتي يتزوجو ، وين نلقا كيما لونار تكون عروستي
آزار: مام انا وين نلقا كيما آرام يكون نسيبي بصح هوما يخيرو ماشي حنا
ماريا: على التخيار تاعو راني نندب
عندهم فالطونوبيل باقية ساكتة حاطة راسها على الزجاج وتخمم ، وصلها للدار ، هبطت وهو راح ، دخلت للدار ، راحت دوشت وبدلت خدمت شعرها وراحت لخدمتها
كانت قاعدة فبيروها وغايسة ، دخل لعندها ومحستش بيه
مروان: ايوو واش ماراناش نبانو ، فاقت من سهوتها ، غير شافتو وقفت
لونار: مروان ، وراحت عندو حضنتو وهو بادلها الحضن ، بعدت عليه تخبط فيه
لونار: توحشتك وين كنت يالكلب هكاا سمانة كاملة غابر وتزيد كي نعيطلك متهزش علياا ، تنهد وقعد
مروان: حكاية طويلة ، يمالا قولتيلي توحشتيني
لونار: لالا توحشتك توقف لخدمتك بزاف عليا وحدي
مروان: هكداا ، وانا اللي آيلا تقولي زيد اقعد معايا وانا نقولها توحشت القزمة هاديك نروح نشوفها ، قدمت للبيرو
لونار: رجعت للندن ؟ علاش مقوتليش كون رحت معاك
مروان: جات على غفلة ، لمهم اي تسلم عليك وراهي توحشتك وبالاك السمانة الجاية راح تجي تشوفك
لونار: صحح مام انا توحشتها ، سكتت وتفكرت منا للسمانة الجاية واش قادر يصرا ، نطقت بهمس ، الله يجعل الخير
مروان: واش قلتي
لونار: لالا والو
مروان: الموهيم انا عندي خدمة لعشية نتعشاو كيف كيف
لونار: إنشاء الله ، راح وخلاها وهيا رجعت لسهوتها
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
