صباح جديد وأحداث جديدة ، ناضو الكل باش يفطرو ، متجمعين على طابلة وحدة ، ماعدا مروان
ماريا: مروان وين ؟
آيلا: معلاباليش طاطا
راسم: بالاك عندو خدمة ولا
لونار: بصح مكانش خدمة بزاف هاد اليامات أنا قلتلو ريح ماتروحش
آرام: ياودي خلو السيد tranquille بالاك عندو كاش شغل ولا
ماريا: معليش أنا سقسيت عليه برك 🙄 ، كانت تسمع فالحوار تاعهم وبالها مشغول وين راح ، علاش خرج الصباح بكري .... ناض ينيس رايح
ماريا: وين مفطرتش !
ينيس: شبعان يما
ماريا: تمتم مزال الحال
ينيس: عندي خدمة كبيرة تستنا فيااا
ماريا: معليش الله يعاونك ابني
ينيس: آمين
راح ينيس والباقي بقا يفطر في صمت ، دارت لونار عند البنات
لونار: تروحو معايا نتوما اليوم ياك
إيلصا: علاش مفريتوش شغالكم نتي وياه
لونار: لالا الشي لي لازم شريناه كيف كيف ، هدرت بهمس .... بصح كاين حوايج خصوصيين منقدرش نشريهم معاه هو وجهو مبخص وأنا نحشم ، شافت آيلا مع إيلصا متعجبين
آيلا: الله ياربي كون مجيتش أنا اللي نعرفك نقول صح
إيلصا: ياختي مام أنا ، وجهها مصنطح كتر الحيط ، حشمت من آرام ، ويك ويك أعباد الله ويك ويك بصوت هاديك المروكية ، خبطتها باش تسكت عارفتها كون تكمل تهدر كامل يسمعوها .... آاااي يديي (بالمناسبة إيلصا نحات الجير ودارت غير هاديك يشدو بيها اليد
لونار: وجعتك !
إيلصا: لا عادي
لونار: إيه كنت نتمسخر
إيلصا: قولولي برك علاش البنات كي يجيو يتزوجو طيح عليهم الحشمة والحيا زعما 🤨
آيلا: اختي الحشمة معاه ماشي معانا
لونار: هاللي تفهم ، علاش نتوما شكون باش نحشم منكم
إيلصا: شوف شوف ، ديجا دوكا نروحو ولا لالا ، قاطعهم صوت تيليفون آيلا ، وهيا غير شافت النيميرو وجهها تخطف ، محبتش تهز ، وهوما يشوفو معاها
لونار: شكون ؟
آيلا: اه ماعرفتش شكون ، بالاك غالط ، ردت التيليفون silence ، وهو بقا يعيط وهيا ممهتماش ، ناضو الرجال راحو يخدمو وبقاو غير النساء
لونار: رحناا ولا مزال
آيلا: رحنا ، ناضو البنات وهوما شافو معاهم
آزار: راكو خارجين
لونار: إيه ، بدات تعوج آزار فراسها للونار باش تقول للورين تخرج معاهم وهيا مفهمتهاش .... ماما مفهمتش اهدري ، منفهمش لغة الإشارة ، دورت آزار راسها والبنات جاتهم الضحكة ، يعرفوها معندهاش ال mute 🤐 ، فهمتهم كامي ونطقت
كامي: لورين روحي معاهم يشريو واش يحتاجو ونتي تاني شوفي بالاك تشري كاش حاجة معاهم ليك ، خزرت معاها وخزرت مع يماها
لورين: اه لالا منيش قاعدة ، وهزت روحها وناضت ، طلعت حاجبها لونار
لونار: وشبيها هادي تتشنف علينا ؟
آزار: خليها فغرضها بنتي ، بالاك مشي قاعدة
لونار: وعلاش هوما قاعدين ، وحدة خلات شغالها وكلش فلندن وجات حتى لهنا باش توقف معايا ووحدة مكصورة من يدها ومبوحة فالدوكتوراه تاعها علاجالي ، وهياا خرجة ستخسرتها فيا ، بصح توصي للجاية
ماريا: بالاك عندها قراية متعرفي
لونار: منغطيوش الشمس بالغربال طاطا علابالي النهار كامل وهيا فبيتها راقدة
وجدان: يا لونار بنتي متديش عليها ، والله أنا ومعلاباليش علاش راهي دير هكدا ، ساعفيها
لونار: معليش الدنيا دالات ، قالتها وخرجت وهوما راحو متبعينها
أنت تقرأ
جمعتنا القرابة *الجزء الثاني* (أنت قدري)
Romanceالجزء الثاني من حكاية جمعتنا القرابة (باللهجة الجزائرية) راح يكون أكثر مركز على الأولاد يعني ولادهم بعد ما كبرو وتاني راح نرجع للقطات فالماضي ، نشاله يعجبكم كيما الأول 🤍🤍
