جمعتنا القرابة *الجزء الثاني* (أنت قدري)

Partie 10

صباح جديد وأحداث جديدة
كانو كامل ملمومين على الطابلة ماعدا زوج عيباد
راسم: وين راهي لونار؟ علاش مهبطتش تفطر !
لورين: آه عمي مرقدناش بكري عليها ، ايلصا اللي خزرت فآرام اللي تعابير وجهو مشي مفهومة ، حتى سمعت عيطة بآسمها هزت الدار بكمالو
اديم: ايلصاااااا
كامي: وشبيه هادا مع صباح ربي فواش مسيتيلو ؟
ايلصا: فوالو والله ماما مادخلت لبيتو ، كان هابط كي الثور الهايج ما جات تكمل كلامها كان شادها من شعرها ومدلها كف دورلها وجهاا ، حتى وقف زاكو وكامل مخلوعين
زاكو: اي نتا واش راك دير علاش راك تضرب فختك متحشمش
اديم: انا اللي مانحشمش ياك ؟ شوف شكون اللي ميحشمش دوك ، (ورالو les photo اللي كانت فيهم فالحفلة مع صاحبها وراكم علابالكم بلا مانعاود)
زاكو: وشنو هادا بنتي ؟
ايلصا: پاپا اصبر نفهمك ، كان راح يردلها حتى سبقتو كامي ومدتلها كف شافت النجوم بين عينيها ، بقات تشوف معاها بعينين مدمعين
ايلصا: ماما
كامي: ياخسارة تربيتنا فيك ، امشي من قدامي متورينيش وجهك ازربي ، طلعت جارية لبيتها
آرام: منين جاوك هاد les photo !
اديم: نضت الصباح لقيت نيميرو باعتهملي ، مع دور راسو شافها تلعب بعينيها هنا ولهيه ومقلقة جاتو لحظة ادراك كي لقاها لبارح لتحت عوج رقبتو مغزل منها ، شويا هكاا طلعت لبيتها
آرام: هادا اللي بعتهم قاصدها بلعاني
اديم: الموهيم كشفها واش راهي دير بالتخبية
زاكو: خلاص بلع
كامي: علاش يبلع واش قال تاع الصح غلطت ولازم تخلص فتحنالها العين بزااف
آزار: كامي كامل نغلطو وبنتك مازالت صغيرة وراهي فسن المراهقة لازم نساعفوها
ماريا: صح دوك متزيدولهاش اهدرو معاها بلعقل وفهموها
اديم: منسحقش نزيد نشوف وجهاا قدامي خير لا نكرفصها ، راح وخلاهم لتحت ، راح direct لبيتها
اتفتحت بابا بيتها بالزور حتى خلعتها
لورين: متعرفش طبطب ولا واش ؟
اديم: شوفي راهي لاحقتلي لهناا (دار يدو تحت فكو) ، راح نسقسيك وبلا هدرة زايدة وتجاوبي بلا متكذبي ، واش كنتي ديري البارح هاداك الوقت ؟
لورين: و.وش ككنت ندير رحت ججبت لماا (تهدر وترعش)
اديم: (دور راسو مغزل) قلتلك جاوبي الصح
لورين: هادا هوا الصح ، ديجا اخطيني اخررج اخرررج ، وبدا عياطهم يطلع ، دخل عليهم آرام
آرام: واش هاد السوق تاني ؟
اديم: شوف معاها لبارح كي دخلت كانت تستنا فنصاص الليل باينا كانت تستنا فيها تدخل وعلابالها ، خزر فيها آرام
آرام: لورين علابالك وسترتي على الغلطة
لورين: لالا والله معلابالي ، برك كنت قاعدة جات لياا لونار قاتلي بلي ماكاشها فبيتها وعرفنا بلي راحت للحفلة وراحت هياا تجيبها وانا بقيت نستنا باش نفتحلهم الباب هادا ماكان ، قعدت تتعاود فودنو الهدرة تاع راحت تجيبها
آرام: يتسما ماكانش علابالكم بلي راهي رايحة للحفلة
لورين:.......
آرام: اهدري لورين متخافيش رانا نحوسو على صلاحها برك
لورين: لونار كان علابالها على خاطر قاتلها تعاونها الصباح ومحبتش كي راحت شافتها ملقاتهاش فبيتها فهمت بلي راحت للحفلة وراحت جابتها
اديم: هاد الطفلة انا نقتلها تسما هكاك ودارت رايها وهربت بالسرقة
آرام: خليها مازالت صغيرة متعرفش هاد الوقت اللي تتعلم فيه العيب ماشي فيها العيب فاللي راحت عندو ويتمسخر بيها خاطر باين كبير ، دار عندها ، معليه
خرجو من عندها وكل واحد وين راح

........
ناضت راسها يوجع من البكا منفخة حالتها حالة ، دخلت خدات دوش لبست وهبطت
آزار: صباح لخير
لونار: صباح النور
آزار: علاش مهبطتيش الصباح
لونار: مفطنتش
آزار: هاداك الحس كامل ومفطنتيش
لونار: علاه واش صراا ؟
آزار: قولي واش مصراش ، اديم فاق بايلصا بلي راحت لحفلة لبارح فالليل وضربها ويماها كملت عليها بكف وراهي لفوق محبوسة
لونار: وشكون قالو ؟
آزار: مانعرف واحد بعثلو les photo تاعهم ، اصبري متشوكيتيش ، علابالك !!
لونار: اممم
آزار: ياربي متقوليليش كنتي معاها علابيها مقدرتيش تنوضي ، ياربي كون يسمع باباك
لونار: اففف انا رحت جبتها برك
آزار: كيفاش جبتيها ؟ وشكون قالك اي تماا !!
لونار: ماما تسقسي بزااف وانا منيش قادرة نهدر ، نطلع نشوفها خير ، راحت وخلاتها حاكمة راسها
آزار: الله يبقي الستر من هاد الجيل وخلاص

.......
دقت الباب ودخلت لقاتها غامة راسها وتبكي ، راحت لعندها وقعدت قدامها تنحيلها فلمخاد ، دارت لعندها وعينيها معمرين بالدموع
لونار: خلاص حبسي البكاا غميتي عمرك
ايلصا: كيفاش منبكيش وانا اللي شوهت عمري قدام عايلتي كامل في جال واحد ميسواش ، ياربي كيفاش راح نزيد نقابل پاپا ولا خوياا ، حتى من ماما اللي دايما واقفة معايا وضربتني كف
لونار: c normal تكون la réaction تاعهم هكاك هوما دايرين فبالهم بلي بنتهم راهي راقدة فالدار وهيا راحت تسهر مع واحد ، بصح تبقاي بنتهم مهما زعفو منك ومهما قالولك راح يجي النهار ويسامحوك ويرجع كلش كيما كان ، المهم نتي غدوة روحي لعندهم واطلبي منهم السماح بلواحد وشوفي
ايلصا: زعماا !
لونار: عندك شك !!
ايلصا: لالا ، والله ندمت كون ترجعلي صيام نصومو
لونار: صرات وفرات خممي فاللي جاي دوك وفمستقبلك خليك من هاد الجياحة اللي ماعندها حتى معنى  واللي مكتبلك راه عند ربي  وكي تكبري تعرفي بلي هادا كلش غير جياحة
ايلصا: انشاء الله
لونار: انا نروح دوك ارقدي ومتزيديش تبكي ياك
ايلصا: صحاا على كلش
لونار: بلا مزية ❤️
خرجت من عندها ، وكانت هابطة لتحت تقابلو فالدروج ، هيا هبطت كيشغل ماشافتوش وهو حبس وبقا يشوف معاها حتى غبرت

.......
كامي: خلوني ماتحوسوش دافعو عليها هاديك خدمة تخدمها تخرج فنصاص الليالي عند الرجال وزيد لالاتي قاعدة فحجرو خلاصو البلايص
ماريا: خلاص الطفلة صغيرة وصرات تخليها ضيع لازم تفهميها بلي هادي حاجة غالطة وفرات راح تبقا محبوسة لفوق
وجدان: استهذي بالله كامي
كامي: خلاص بدلو الموضوع تعيشو راهو غير يقلقني

........
كان قاعد معاهم وعقلو شارد فجيهة خلاف
نزيم: ايوو رانا نحكيو معاك وين غست
باسل: متقوليش مسمعت والو
آرام: تهت شويا علاه واش كاين
باسل: كاينة حفلة لعشية خلوي لبنات كدا منا اك تعرف
آرام: لالا ماعينيش
نزيم: وعلاش ماشي نتا اللي شحال من مرة تسقسي اذا كاين ؟ ديجا علابالك الحفلة تاع شكون ، دارلو براسو شكون
نزيم: دارين
باسل: علابالنا بلي تعجبك وماراحش تراطي
نزيم: حقاا عرفت بلي تعجبها واش رايك دور بيها ليوم وتفرحنا
باسل: ايه من نهار لحكاية تاع هاديك مزدتش ، قطعلو كلامو
آرام: شوف ملخر انا عجبتني شكلا  صح كور وديكور بصح تاع نكون مع فضلة تاع الناس غير انساها وباش ندخل وحدة لداري كيما هاديك جامي وزيد رانا نكبرو مبقيناش تاع لحفلاة وتعجبني ونعجبها ونسهرو ، بقااو يشوفو مع بعض
باسل: ايه تسما ماتجيش لعشية ، كان يلم فمفاتحو وتلفونو ونايض، مردلهمش وراح وخلاهم

Hii girls chofo mnlkhr kon mnlkach le vote tae lhlkat mna lghdwa 50 mn7tlkomch bzzf ana naeya wnkhmm wntoma tkraw wthrbo hacha li ytfa3lo bsbathom ani nktb ana ni kolt wkhlas lsl 🩶