ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 4🐉46🐉တစ္ဆေခေါင်း

ဂူဖောက်သူတို့ဒဏ္ဍာရီ 盗墓笔记 (volume 4)
Author -南派三叔 (nan pai san shu)
translater - Hninthawethadar
ရွှံ့မြွေတစ္ဆေမြို့တော် (ဒုတိယပိုင်း)

Chapter (46)
တစ္ဆေခေါင်း

ဝူးလောင်စစ်နဲ့ တခြားသူတွေဟာ ဒီမြေအိုးမှာ ဒီလိုအရာတွေ ပါနေတာကို သိသိသာသာ မထင်မှတ်ထားကြတာကြောင့် သူတို့အားလုံး ရွံရှာပြီး အံ့သြသွားကြပါ၏။ လူစုနေတာ မြင်တော့ တခြားလူတွေ တဖြည်းဖြည်း စုရုံးပြီး တိဗက်ယာဉ်မောင်းတွေကလည်း ဒီလိုမျိုးကို တစ်ခါမှ မမြင်ဖူးတဲ့အတွက် အရမ်းသိချင်ပြီး လာကြည့်ကြသည်။

ဝူရှဲ့လည်း နှာခေါင်းကို ဖုံးပြီး ဝူးလောင်စစ်ပေးတဲ့ လက်အိတ်ကို ဝတ်လျက် လူခေါင်းကို ကောက်ကိုင်လိုက်ပြီး အညစ်အကြေးတွေကို သန့်စင်လိုက်သည်။ ဤအရာများသည် အလွန်ဟောင်းသော်လည်း အမွှေးအမျှင်များက အလွန်မာကျောသည်။ အရေပြားနှင့် အသားများ ပုပ်သွားပြီ ဖြစ်တာကြောင့် အရေပြားတွေက ရှုံ့သွားကာ မျက်လုံးအပေါက်များကိုပင် မြင်တွေ့နိုင်သည်။ ဒါက ရှေးလူကြီးတစ်ယောက်ရဲ့ အရိုးစုပဲ။

သူ့ဘေးနားက မျက်မှန်တပ်ထားတဲ့ အမျိုးသားက လူ့ဦးခေါင်းနဲ့ အိုးရဲ့ အချင်းတွေကို နှိုင်းယှဉ်ကြည့်လိုက်သည်။ ဦးခေါင်းခွံက ပိုကြီးပြီး အိုးရဲ့ နှုတ်ခမ်းဝက သေးနေတယ်ဆိုတာ သိသာပါ၏။

ဝူရှဲ့လည်း ဘာဖြစ်နေတာလဲလို့ သူ့ကိုမေးလိုက်သည်။

"ဒါက ရှီးဝမ်းမယ်တော်တို့ မျိုးနွယ်ရဲ့ ထူးဆန်းတဲ့ ဓလေ့ပဲ... ဒီလူက ရှီးဝမ်းမယ်တော်ရဲ့ ကျွန်ဖြစ်ရမယ် သူ့ဦးခေါင်းကို နှစ်နှစ် သုံးနှစ်သား အရွယ်မှာ ဒီမြေအိုးထဲ ထည့်ခဲ့တာ ဖြစ်နိုင်တယ်... အရွယ်ရောက်တဲ့အထိပေါ့.. နောက်ဆုံး သူ့လည်ပင်းနဲ့ မြေအိုးကြားက ကွာဟချက်က သေးလာတော့ အစာစားလို့ မရတော့ဘူး အဲဒီအချိန်မှာ သူ့ဦးခေါင်းကိုဖြတ် အိုးကိုပိတ်ပြီး ဘုရင်မဆီ ဆက်ကပ်ခဲ့တာ...ရှီးဝမ်းမယ်တော်ရဲ့ ပူဇော်သက္ကာက ဒီလို လူသားဦးခေါင်းကို ပူဇော်တဲ့ အစဉ်အလာပဲ"

"င-ိုး... ဒါကြီးက ဆိုးလွန်းတယ်... ငါတို့ရဲ့ အနောက်ကို ခရီးထွက်သွားတဲ့ ရှီးဝမ်းမယ်တော်က တော်တော် သနားဖို့ကောင်းပါတယ်... ဒီလောက်ဆိုးတဲ့ လူလည်း မဟုတ်ပါဘူး"