ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉44🐉စုဝေးရာ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (44)
စုဝေးရာ

ကြားလိုက်တာနဲ့ ဝူရှဲ့ခမျာ တစ်ကိုယ်လုံး အေးစက်သွားသလို ခံစားလိုက်ရတော့သည်။ ဒါ လုံးဝ မမှားနိုင်ပေ။ အသံက ကြေးတံခါးမဖွင့်မီ တံပိုးခရာသံပဲ ဖြစ်သည်။

အဲဒီတုန်းက ထူးဆန်းတဲ့ အတွေ့အကြုံကို ဖက်တီးနဲ့ သူကသာ သက်သေပြနိုင်ခဲ့သည်။ အခု အဲဒါကို ပြန်တွေးကြည့်တော့ စိတ်ထဲမှာ မြင်ကွင်းတွေက ကွက်ကွက်ကွင်းကွင်း ရှိနေတုန်းပါပဲ။ အဲဒါကို အကြိမ်အနည်းငယ် နားထောင်ပြီးနောက် လုံးလုံး သေချာသွားခဲ့သည်။

ပထမအခွေနှစ်ခွေရဲ့ အခြေအနေက အရမ်းထူးဆန်းသည်။ ဒါကြောင့် စိတ်ပိုင်းဆိုင်ရာ ပြင်ဆင်ထားပြီး၊ အာရုံကြောတွေကလည်း အသင့်ဖြစ်နေပြီးသား။ အခုမှာတော့ ခဏလောက် ငြိမ်သက်သွားပြီးနောက်မှာ ထိတ်လန့်မှုကနေ ရုန်းထွက်ပြီး သက်ပြင်းချဖို့ကလည်း ဘာမှ မတတ်နိုင်ခဲ့ပါဘူး။

ဒီတိပ်ခွေကို ဝမ်းကျင်နဲ့ တခြားသူတွေက ချောင်ပိုင်တောင်ရဲ့ အောက်ခြေမှာရှိတဲ့ ဧရာမကြေးတံခါး အနားမှာ ရိုက်ထားခဲ့တာ ဖြစ်နိုင်သည်။ အသံကို ကြည့်ပြီး ဆုံးဖြတ်ရလျှင် သူတို့သည် မြေအောက်ချောက်ကြီး၏ အဆုံးဆီသို့ ဦးတည်နေခဲ့တာ ဖြစ်နိုင်သည်။ သို့မဟုတ် ၎င်းတို့သည် ကြေးတံခါးအတွင်း၌ပင် ဖြစ်နိုင်သည်။

စကားအနည်းငယ် ထပ်ပြောရရင် ထိုအချိန်က ဟွန်းသံ မြည်လာသောအခါတွင် ထိုမြင်းမျက်နှာရှိ ယင်စစ်သည်များ ထွက်လာခဲ့၏။ ဝမ်းကျင်တို့က ဤအရာများဟာ အလွန်တားမြစ်ထား​ကြောင်း သိပုံရသောကြောင့် သူတို့ချက်ချင်း နှုတ်ဆိတ်နေခဲ့သည်။ ထို့အပြင် အသံနေအသံထားကို ကြည့်လျှင် သူတို့ တစ်ကြိမ်ထက်မက တွေ့ဆုံဖူးကြပေလိမ့်မည်။

ဒါက သဲလွန်စရဲ့ နောက်ထပ် အပိုင်းတစ်ပိုင်းပါပဲ။ ဖက်တီးနဲ့ သူ ကြုံတွေ့ခဲ့ရတာက အထူးကိစ္စ မဟုတ်သလို အဲဒီအချိန်တုန်းက သူတို့ ထင်ယောင်ထင်မှားတွေ မြင်ရတာမျိုး မဟုတ်တာတော့ သေချာပါ၏။ သို့သော်လည်း လောလောဆယ်တော့ ဒီအပိုင်းတွေကို ဘယ်မှာ ချိတ်ဆက်ထားရမှန်း မသိတော့ပါဘူး။