ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉35🐉တတိယည - တစ္ဆေအသံ ထပ်ပေါ်လာပြီ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (35)
တတိယည - တစ္ဆေအသံ ထပ်ပေါ်လာပြီ

ဝူရှဲ့ သေမှာကို ကြောက်ပေမယ့် မတုံ့ပြန်နိုင်ခင်မှာပဲ သူတို့နှစ်ယောက်လုံးရဲ့ ခန္ဓာကိုယ်တွေဟာ နွယ်ပင်တွေဆီကနေ ဆွဲထုတ်ခံရပြီး လေထဲမှာ လှည့်ပတ်ပြီး ပြုတ်ကျသွားသည်။ သူတို့ခမျာ ခွေးက အညစ်အကြေးတွေကို ကိုက်ပြီး ရေထဲ ပြုတ်ကျသွားတဲ့အတိုင်း ပြုတ်ကျသွား၏။

ရေထဲကျသွားတော့ တစ်ကိုယ်လုံး ရေနွေးအိုးထဲဲ ပြုတ်ကျသွားရသလို ခံစားချက်မျိုး ခံစားလိုက်ရလေသည်။ ကံကောင်းထောက်မစွာ ရေက အေးနေခဲ့သည်။ ​​မဟုတ်ရင်တော့ ကိုယ့်အတွေးနဲ့ကိုယ် ထင်ယောင်ထင်မှားတွေ ဖြစ်တော့မှာ သေချာသည်။ ရေအေးအေးကြောင့် မျက်နှာသေအပေါ် ထွက်နေတဲ့ ဒေါသက ချက်ချင်း ပျောက်သွားသည်။

ရေထဲမှာ ရုန်းရင်းဆန်ခတ် ဖြစ်ပြီး ခဏကြာတော့ ဝူရှဲ့ ပြန်ထကာ ဖက်တီးကို ရှာဖွေသည်။ သူတို့ ပြုတ်ကျလာတဲ့ နေရာက အနက်ရောင် အငွေ့တွေ အထူထပ်ဆုံး နေရာဖြစ်ကာ ဖက်တီးကဘည်း အခုလို ဖြစ်နေတော့ တစ်ပိုင်းသေနေတာနဲ့ မကွာချေ။ ဒီနေရာက ရေကို နည်းနည်းလေး သောက်မိလိုက်တာနဲ့ လတ်စတုံးသွားနိုင်သလို အခုနတုန်းက အရိပ်မည်းကလည်း ဘာကောင်ဖြစ်နေမလဲ မသိပေ။

ဝူရှဲ့လည်း သူ့ခန္ဓာကိုယ်မှာ နွယ်ပင်တွေ ချည်နှောင်ထားလို့ ချောချောမွေ့မွေ့ လှုပ်ရှားလို့တောင် မရနိုင်ဘဲ ဖြစ်နေသည်။ သစ်ပင်ပေါ်မှာတုန်းကတော့ ပြင်းပြင်းထန်ထန် သက်ရောက်မှုရှိပုံ မပေါ်ပေမယ့် အာရုံစူးစိုက်မှု အရမ်းများနေတဲ့အတွက် ခံနိုင်ရည်ရှိဦးလား သည်းခံနိုင်ဦးမလား ဆိုတာ မေးခွန်းထုတ်စရာ ဖြစ်နေဆဲပါပဲ။

ဒါပေမဲ့ ဝူရှဲ့ သူ့ခေါင်းကို ရေထဲက ထုတ်လိုက်တော့ တစ်ခုခု မှားနေပြီဆိုတာ ရုတ်တရက် သိလိုက်ရသည်။ ပထမတော့ အနက်ရောင် လေထုဟာ အလင်းရောင် အများစုကို ပိတ်ဆို့ထားပြီး မြူခိုးတွေ တိမ်တွေလို မျောလွင့်နေသည်။ ဒုတိယအချက်က ရွှံ့နွံတစ်ခုလုံးတွင် ရွှံ့ရေများ ပွက်ပွက်ဆူနေပြီး အောက်ခြေကို လုံးဝ မမြင်နိုင်တော့ဘဲ ဖက်တီး ဘယ်ရောက်သွားမှန်း မသိတော့ပေ။