ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉24🐉အချိန်ပြေး ဒီရေ

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (24)
အချိန်ပြေး ဒီရေ

အတိုချုံးပြောရရင် ပါးနိုင်ကို ပြန်ရောက်တာနဲ့ အစားအသောက် ကောင်းကောင်းစားပြီး အနီးနားက စူပါမားကပ်ကိုသွားရင်း ရေကူးဖို့ ပစ္စည်းတချို့ဝယ်လိုက်သည်။ ထို့နောက် အားကွေ့ကို ပြန်သွားပို့ခိုင်းကာ သူ့ဘာသာသူ ​ပြန်ထွက်လာခဲ့သည်။

ဝူရှဲ့ ဘက်စ်ကားထဲမှာ ထိုင်ရင်း အရမ်းစိုးရိမ်ပြီး နှလုံးသားကလည်း နာကျင်နေ၏။ ကားထဲ၌ ပေကျင်း လေယူလေသိမ်းနဲ့ စကားပြောနေတဲ့ ဖန်းမာရဲ့ အဝေးက ဆွေမျိုးကိုလည်း တွေ့လိုက်ရသည်။ မိမိမှာ အရာများစွာကို တွေးတောနေတာကြောင့် ဂရုမစိုက်မိသလို တစ်ဖက်လူကလည်း သူ့ကို မမှတ်မိပုံပါပဲ။

ဖန်းချောင်ချင်ဘက်ကို ပြန်ရောက်ပြီးနောက် ဝူရှဲ့ ဟိုတယ်မှာ ကြိုတင်စာရင်းသွင်းကာ ကိုယ့်ကိုကိုယ် ပြုစုစောင့်ရှောက်ဖို့ စတင်ခဲ့ရသည်။ ဒါ့အပြင် အရင်က ပစ္စည်းတွေ ဝယ်ဖူးပြီး လှည့်ကွက်တွေနဲ့ အခက်အခဲတွေကို သိတဲ့အတွက် ဖန့်ကျစ်ကို အရင်ခေါ်ရမည်။ သူက ဒီလုပ်ငန်းနဲ့ရင်းနှီးပြီး အထိရောက်ဆုံး လုပ်နိုင်သူ ဖြစ်သည်။ ဝမ်မောက်ကိုလည်း သူ့ကိုကူညီဖို့အတွက် လေယာဥ်နဲ့ ချက်ချင်း ပျံသန်းလာဖို့ မှာထား၏။

ဖန့်ကျစ်အား ပစ္စည်းလိုချင်သူက တခြားလူပါလို့ လိမ်ညာပြီး တောင်းလိုက်တာနဲ့ သူ သဘောတူလိုက်သည်။ ငါးရက်လောက် ကြာတော့ ဖန်းချောင်ချင်သို့ ငှားထားတဲ့ ပစ္စည်းနဲ့ လူတွေ ရောက်လာကာ ပါးနိုင်သို့ တိုက်ရိုက် ပို့ခိုင်းလိုက်သည်။ အကွေ့အကောက်များသော တောင်လမ်းသည် အလွန်မတ်စောက်၏။

ဝူရှဲ့သည် C ယာဉ်မောင်းလိုင်စင်ရှိသော ကားကိုသာ မောင်းနှင်နိုင်သည်။ ဤတစ်ကြိမ်တွင် အလွန် စိတ်လှုပ်ရှားဖွယ်ကောင်း သောကြောင့် ချောက်ကမ်းပါးပေါ်မှ အကြိမ်များစွာ ပြေးနေရသလိုပင် ခံစားလာရသည်။ ဝမ်မောင်သည် ကားထဲမှ ဆင်းလာသောအခါတွင် သူ့ခြေထောက်များ အားနည်းသွားပြီး ခွေလဲလုမတတ် ဖြစ်သွားသည်။