ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 4🐉36🐉ပြန်လည်ဆုံစည်းပြီ

ဂူဖောက်သူတို့ဒဏ္ဍာရီ 盗墓笔记 (volume 4)
Author -南派三叔 (nan pai san shu)
translater - Hninthawethadar
ရွှံ့မြွေတစ္ဆေမြို့တော် (ဒုတိယပိုင်း)

Chapter (36)
ပြန်လည်ဆုံစည်းပြီ

အသံကို မှတ်မိသွားတဲ့အခိုက်မှာ စိတ်ရှုပ်ထွေးမှု၊ ဒေါသ၊ အံ့သြမှု၊ သံသယ၊ ကြောက်ရွံ့မှု စသဖြင့် မရေမတွက်နိုင်တဲ့ တုံ့ပြန်မှုတွေက သူ့ခေါင်းထဲ စုံသွားသည်။

ဒီနေရာမှာ သူ့အသံကို ကြားလိုက်ရခြင်းက ဝူရှဲ့စိတ်ထဲတွင် အမှန်တကယ် မျှော်လင့်ထားတဲ့ အရာမဟုတ်ပေ။ မျက်နှာသေသည် ယခုကမ္ဘာပေါ်က မည်သည့်နေရာ၌မဆို ရှိနေနိုင်သည် သို့မဟုတ် ဤကမ္ဘာတွင်ပင် မရှိနိုင်​တော့ သော်လည်း ယခုလိုနေရာတွင် ပေါ်လာနိုင်တဲ့ အကြောင်းပြချက်တော့ လုံးဝ မရှိပေ။

တကယ်ပဲ သူဘာလို့ဒီမှာ ရှိ​နေတာလဲ။ သူဒီမှာ ဘာလုပ်နေတာလဲ။ ဗီဒီယိုတိပ်ကို ပေးပို့ခဲ့သူက တကယ်ပဲသူလား။ သူဒီမှာ ပုန်းနေတာလား။ ဒါမှမဟုတ် သူက မိမိလိုပဲ သဲလွန်စတချို့ကြောင့် ဒီကိုလာခဲ့တာလား။

ဝူရှဲ့စိတ်တွေ လွတ်သွားပြီးနောက် မရေမတွက်နိုင်တဲ့ မေးခွန်းတွေက ဒီရေလို တက်လာပြီး တစ်ချိန်တည်းမှာပဲ ကြေးနန်းတံခါးထဲကို သူလမ်းလျှောက်သွားခဲ့တဲ့ မြင်ကွင်းက အတွေးထဲ ဝင်လာခဲ့သည်။ စိတ်အားထက်သန်မှု တစ်ခုက ဝူရှဲ့ဆီရောက်လာပြီး လည်ပင်းကိုညှစ်ကာ သူဘာလုပ်နေတာလဲ ဆိုတာကို အတိအကျ မေးလိုက်ချင်သည်။

ဒါပေမဲ့ တကယ့်အဖြစ်မှန်က အမှောင်ထဲမှာ တစ်ဖက်လူက သူ့ပါးစပ်ကို ဖုံးထားလေသည်။ သူ့ခမျာ ညည်းတွားပြီး မလှုပ်နိုင်တော့ပေ။ သူ့အစွမ်းအစက ဆက်ပြီး သန်မာနေတုန်းပဲ ဆိုတာ ရှင်းရှင်းလင်းလင်း ခံစားလာရသည်။ တစ်ဖက်လူကလက်ကို လုံးဝ မလွှတ်တဲ့အပြင် သူ့ကိုလည်း ဒီအတိုင်း ဖိချထားသည်။ အဲဒါက သူ့အား အရမ်း စိတ်မသက်မသာ ဖြစ်စေတာကြောင့် ဝူရှဲ့မှာ ထပ်ပြီး ရုန်းကန်ရပြန်သည်။

အဲဒီအချိန်မှာ သူပိတ်ထားခဲ့တဲ့ သစ်သားတံခါးဆီက ပြင်းပြင်းထန်ထန် အော်ဟစ်သံ တစ်ခုကြားရပြီး တစ်စုံတစ်ခုက တွန်းဖွင့်လိုက်တာကို ကြားရလိုက်သည်။ ဝူရှဲ့ အသက်ပြင်းပြင်းရှူပြီး ချက်ချင်း ငြိမ်သက်သွားကာ အသက်ရှုရပ်သွားသည်။ နောက်ပြီး အမှောင်ထုထဲမှာ ထူးဆန်းတဲ့ လှုပ်ရှားမှုတွေကို ခံစားနိုင်ဖို့ အစွမ်းကုန် ကြိုးစားလေသည်။