ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉8🐉အဘိုးကြီး

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (8)
အဘိုးကြီး

ချက်ချင်းရပ်ပြီး နောက်ပြန် ကြည့်လိုက်တော့ တစ်ချိန်တည်းမှာပဲ လူတစ်ယောက်က အော်ဟစ်လိုက်သည်။

အဲဒီအော်သံက ပြင်းထန်တဲ့ သရဲတစ္ဆေလိုပါပဲ။ ဝူရှဲ့တို့ဘက်ကနေ ဟိုဘက်မှာ ရှုပ်ပွနေတာကိုပဲ မြင်ရပြီး ဘာတွေဖြစ်နေလဲ မသိရချေ။ ဝူရှဲ့တို့ ခဏလောက် ထိတ်လန့်သွားပြီး ကောင်လေးအော်နေတဲ့ နေရာကို ချက်ချင်း ပြေးသွားကြည့်လိုက်သည်။

ဟိုးအဝေးကနေ ခွေးဟောင်သံတွေသာ ကြားနေရပြီး သစ်ပင်တွေရဲ့ အရိပ်​အောက်မှာပဲ ဖြစ်သည်။ ဘာကြောင့် အော်နေကြတာလဲတော့ မပြောတတ်ချေ။

အားကွေ့: "ဘာဖြစ်တာလဲ?"

"သတိထား! မြက်ခင်းထဲမှာ တစ်ခုခုရှိနေတယ်!" 

သူပြောပြီးသည်နှင့် အနီးနားရှိ တောအုပ်ထဲတွင် ရုတ်တရက် တစ်စုံတစ်ခုက လှုပ်ရှားသွားလာနေသကဲ့သို့ ချုံပုတ်များအတွင်း လှုပ်ရှားသွားသည်။ အသံက အလွန်ကျယ်လောင်ကာ တိရစ္ဆာန်ကြီးတစ်ကောင် ဖြစ်ပုံရသည်။

အားကွေ့က သူ့သေနတ်ကို ကောက်ကိုင်လိုက်ပြီး ပစ်ခတ်လိုက်တဲ့ သေနတ်သံဟာ မိုးခြိမ်းသံလို ထွက်ပေါ်လာတာကြောင့် တိရစ္ဆာန်တစ်ကောင်ကို ကြောက်လန့်တကြားဖြင့် အမှောင်ထဲသို့ ပြေးဝင်သွားစေခဲ့သည်။

ဝူရှဲ့တို့နှစ်ယောက် သူတို့ဆီ အမြန်ပြေးပြီး တောင်ပေါ်ရှိ လူပေါင်းများစွာကလည်း တောအုပ်အတွင်းမှ ဓာတ်မီးများဖြင့် လမ်းတလျှောက်လုံး လှုပ်ရမ်းနေသောကြောင့် အားကွေ့က အော်လိုက်သည်။

"ခွေးတွေကို လွှတ်!"

မုဆိုးများစွာက လေချွန်သံ ပေးလိုက်သောအခါ အမဲလိုက်ခွေးများက ပြေးထွက်သွား၏။ ပြေးထွက်လာသည့် အရှိန်သည် မြို့တွင်းရှိ အိမ်မွေးခွေးများနှင့် လုံးဝ မတူပေ။ အရှေ့က ချုံပုတ်များကြား ခွေးဟောင်သံများကို မကြားရပေ။ သို့နှင့် အားကွေ့ နဲ့ တခြားသူတွေက ၎င်းတို့နောက်ကို ချက်ချင်း လိုက်သွားကြသည်။