ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉33🐉အမှန်တကယ် ဖြစ်လာ

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (33)
အမှန်တကယ် ဖြစ်လာ

လူက ရုတ်တရတ် အေးခဲသွားသည်။ ခြေထောက်တွေ အားနည်းလာပြီး အစကတည်းက တစ်ကိုယ်လုံး မောပန်းနွမ်းနယ်နေတော့ မလှုပ်ရဲတော့သလို အဝေးကို အကြည့်မလွှဲရဲတော့ချေ။

ပြင်းပြသော ဓာတ်မီး အလင်းတန်း၏ ထိုးဖောက် ဝင်ရောက်မှု အောက်တွင် ရုပ်ပုံမှာ အလွန်တရာ ကြောက်စရာကောင်း​နေသည်။ ဤလူ၏ ကိုယ်ဟန် အနေအထားသည် အလွန်ထူးဆန်းလှသည်။ ဒီလူက သူလို ရေပေါ်မှာ မျောနေပေမယ့် အလောင်းတွေပဲ လုပ်နိုင်သလောက် မလှုပ်မယှက်ပင်။

ထိုအချိန်တွင် အသက်ရှူကြပ်သည့် ခံစားချက်သည် ကန့်သတ်ချက်သို့ ရောက်ရှိသွားခဲ့ပြီ။ ဤအရာသည် ကုန်းပေါ်တွင်သာ ရှိမည်ဆိုလျှင် မရေမတွက်နိုင်သော ရှင်းပြချက်များ ရှိနိုင်သော်လည်း ၎င်းသည် ရေအနက် မီတာများစွာရှိသော အိုင်တစ်ခု၏ အောက်ခြေတွင် ဖြစ်သည်။

မီတာခြောက်ဆယ် သို့မဟုတ် ခုနစ်ဆယ်အကွာတွင် ဤအရိပ်သည် အေးအေးဆေးဆေး မလှုပ်မယှက် ရပ်နေသည်မှာ အင်မတန် ထူးဆန်းလွန်းလှသည်။

ဒါက ဘာကောင်​ကြီးလဲ။ ရေသရဲလား မကောင်းဆိုးဝါးလား။

အောက်ဆီဂျင်အိုးမပါဘဲ ရေအောက်မှာ ဘယ်သူမှ မရှင်သန်နိုင်သလို ဒီရေအောက်မှာ အဲ့လို​ကြီးလည်း ဘယ်သူမှ မရပ်တည်နိုင်ပါဘူး။ ဝူရှဲ တကယ် ကြောက်လာသည်။ ဒီတစ်ခါတော့ သူတကယ် ကံကောင်းတာပဲ။ အားကွေ့က ရေသရဲ ဖြစ်မယ်လို့ ပြောတုန်းက သူ တကယ်ကို မယုံခဲ့ချေ။

ရေသရဲတစ္ဆေတွေ အကြောင်း တွေးတဲ့အခါ အရင်က ရှာဖွေခဲ့တဲ့ အရိုးတွေကို ချက်ချင်းပဲ တွေးလိုက်မိသည်။ ဒါက ရှေးဟောင်း သုတေသနအဖွဲ့မှ လူများ သေဆုံးပြီးနောက် ရေထဲတွင် အလောင်း​ကောင်အဖြစ် ပြောင်းသွားသော ဖုတ်ကောင်တွေများလား။ ဒါမှမဟုတ် အရင်က ရေမြုပ်နေတဲ့ ရွာက မကျွတ်သေးတဲ့ ဝိညာဉ်တွေလား။ မျက်နှာသေနဲ့ ဖက်တီးတို့ ပျောက်ကွယ်သွားရခြင်းက ဒီအရာတွေကြောင့်လား။