ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉54🐉ယန္တရား

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (54)
ယန္တရား

ကျောက်ပြားအောက်တွင် ချိန်ခွင်လျှာ ညှိထားသော ထောင်ချောက်တစ်ခု ရှိသည်။ ယန္တရားသည် ကျောက်ပြား ကြယ်ဇယား၏ ကြယ်အမှတ်များပေါ်ရှိ အဂ္ဂိရတ်ဆေးများ အားလုံး၏ အလေးချိန်ကို တိကျစွာ တွက်ချက်ထားလေရာ ၎င်းတို့ကို မယူလိုက်တာနဲ့ ယန္တရားကို တိကျစွာ အသက်သွင်းနိုင်မှာပဲ ဖြစ်သည်။

ယန္တရားကို မထိမိစေရန် သတိထားရမည်။ မဟုတ်ပါက ချိန်ခွင်လျှာက ချက်ချင်း ပျက်စီးသွားမှာ ဖြစ်ပြီး ယန္တရားကြောင့် ပတ်၀န်းကျင်ရှိ ကျောက်စိမ်းကျွန်များသည် ချက်ချင်း ပြုတ်ကျကာ အလောင်းများက သူတို့ကို သွေးအဖြစ်သို့ ပြောင်းလဲ​ပေးသွားမှာပဲ ဖြစ်သည်။

ဤနေရာသည် ရှီးဝမ်းမယ်တော် မျိုးနွယ်၏ အရေးကြီးဆုံးနေရာဟု ဆိုနိုင်ပါသည်။ ဤနေရာကို ကျူးကျော် ဝင်ရောက်လာပါက တော်ဝင်မိသားစု၏ အဓိကလျှို့ဝှက်ချက်များနှင့် ထိတွေ့ရမည်။ ဒါက အန္တရာယ်နှင့် ညီမျှသည်။ ထို့ကြောင့် ဤကြောက်မက်ဖွယ်ကောင်းသော ယန္တရားနဲ့အတူ ကျူးကျော်သူတွေ အတူတကွ ပျက်သုဉ်းစေရန်အတွက် ဤနေရာတွင် ယန္တရားကို တည်ဆောက်ထားခြင်း ဖြစ်သည်။

ဝူရှဲတို့၏ လက်ရှိအခြေအနေသည် အလွန်အမင်း စိတ်ပျက်စရာ ကောင်းသည်ဟု ဆိုနိုင်ပါ၏။ ယခု သူတို့ ဝင်ရောက်လာခဲ့သော ဂူဝင်ပေါက်ကို အလုံပိတ်ထားပြီး ကျောက်စိမ်းရုပ်တွေက လူတိုင်းကို ဂူအောက်ခြေတွင် ဝိုင်းရံထားသည်။

ဦးလေးသုံးရဲ့ လူတွေကလည်း ကြောက်လန့်တကြား တုန်တုန်ယင်ယင် ဖြစ်နေကြပြီ။ ဖက်တီးနဲ့ မျက်နှာသေတို့ပင် သွေးဆုံးရှုံးသွားရသလို ခံစားလာရသည်။ ဒီလိုတိုက်ပွဲမျိုးကို သူ့အဘိုးတောင် တစ်ခါမှ မကြုံတွေ့ဖူးလောက်ပေ။ ဒီအလောင်းတွေ အကုန်လုံး အသက်ဝင်သွားရင် ဒီ​ဖြစ်စဥ်မှာ EMBA ပရိုဂရမ်ရှိမရှိကို ဝူရှဲ့ကိုယ်တိုင်လည်း မသိတော့ပေ။

ထိုအချိန်တွင် မံမီအုပ်စုထဲတွင် "ဂုတ်တုတ်" အသံများ ရုတ်တရက် ထွက်ပေါ်လာပြီး နောက်တစ်ခု မကြာမီ အသံက နေရာအနှံ့မှ ထွက်ပေါ်လာ​လေသည်။ တစ်ချိန်တည်းမှာပင် ဤမံမီများ၏ ခြောက်သွေ့သော အရေပြားများက ပြိုကျလာတာကို မြင်လာရကာ အမှန်တကယ် အသက် ဝင်လာတော့မည်ဟု ထင်ရ​လေသည်။