ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉63🐉 အဆုံး

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (63)
အဆုံး

ထိုအချိန်မှစ၍ အတွေ့အကြုံသည် အပြုသဘော မဆောင်ခဲ့ပါ။

သူတို့ နှစ်ယောက်သား ငေးမောပြီး တစ်ယောက်ကို တစ်ယောက် ကြည့်နေကြကာ အရာအားလုံးက အိပ်မက်တစ်ခုလိုပဲ ခံစားလိုက်ရသည်။ ဖက်တီးမှာ ဖြူဖျော့လာပြီး တစ်စက္ကန့်မျှပင် မရပ်ဝံ့​တော့ဘဲ အမြန်သွားရန် ပြောလာခဲ့သည်။

(အထူးသဖြင့် ဤဖြစ်စဉ်အပြီးမှာ အခြေခံအားဖြင့် ဝူရှဲ့ဟာ ကြောင်တက်တက် ဖြစ်သွားခဲ့ပြီး အဆုံးမှာတော့ ဖြစ်စဉ်ကို အတိုချုပ်ပဲ ဖော်ပြနိုင်ခဲ့သည်။)

သူတို့ လုံးဝ မရပ်မနား ဖြတ်ကူးရင်း ရေလမ်းကို တောက်လျှောက်ပြန်သွားကာ ဦးတည်ရာတစ်ခုကို ရွေးချယ်ပြီး ထွက်ပြေးလာခဲ့ကြရာ ကျောက်နံရံ တစ်လျှောက်၌ နောက်ထပ် ထွက်ပေါက်တစ်ခုကို ရှာပါတော့သည်။

ခြောက်နာရီ ကြာသွားပြီးနောက် ရေလမ်းပါးစပ်ထဲသို့ ဝင်သွားသည်။ သုံးယောက်စလုံးက ဆာလောင်ငတ်မွတ် နေတာကြောင့် စကားတစ်ခွန်းမှမပြောဘဲ ထွက်သွားကြသည်။

"အဆီမစားဘဲ တစ်ပတ်ကနေ နှစ်ပတ်လောက်နေရတယ်... တစ်ခုတည်းသော မသက်မသာဖြစ်တာက ပထမရက် နည်းနည်း​လောက်ပဲ ငါအရင်က ဒီလိုမျိုးကြုံဖူးတယ်... အောင့်အီး သည်းခံလိုက်ရုံနဲ့ အဆင်ပြေသွားမှာပါ"

ဖက်တီးက ဆိုလေသည်။

ဝူရှဲ့လည်း ပထမတော့ အသက်ရှင်လျက် လွတ်မြောက်နိုင်ပါ့မလားလို့ သံသယ ဖြစ်မိသေးသည်။ တစ်ချိန်တည်းမှာပဲ ဦးလေးရဲ့ 'ပြန်လမ်းမဲ့နေရာ' လို့ ခေါ်တဲ့ ခရီးက ရှည်လျားလွန်းပြီး အမှန်တကယ် ပြန်လမ်းမဲ့နိုင်ကြောင်း ရုတ်တရက် သဘောပေါက်သွားသည်။ လူတစ်ကိုယ်လုံး မသက်မသာ ဖြစ်နေကာ အပြန်ခရီး၏ ခက်ခဲမှုကို ကြိုမြင်လာခဲ့သည်။

အရှေ့မှ ဗိုက်ဗိုက်ဗလာနဲ့ ချီတက်နေတဲ့ ဖက်တီးရဲ့ အစီအစဉ်ကတော့ တစ်နေ့မှာ အပြင်ထွက်ဖို့ဖြစ်ပြီး လမ်းလျှောက် တက်ရတာက အောက်ဆင်းတာထက် အများကြီး ပိုပင်ပန်းပါ၏။ နှစ်ရက်ကြာ ငတ်မွတ်ပြီးနောက် ဝူရှဲ့ သည်းမခံနိုင်တော့ဘဲ အဖြေတစ်ခုကို တွေးစပြုလာသည်။ ဤနေရာတွင် စားသောက်ရန် အလွန်ကန့်သတ်ထားသော အရာများ ရှိသည်။