ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉18🐉ဦးနှောက်အမြည်းများ

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (18)
ဦးနှောက်အမြည်းများ

အရင်က ဒီလိုခဏတာ ရင်းနှီးကျွမ်းဝင်မှု ခံစားချက်ကို တွေ့ကြုံဖူးပြီး ဒါက ဝူရှဲ့ကို အမြဲတမ်း ရင်ခုန်ခါသေသည်။ အရင်က ထင်ယောင်ထင်မှား ဖြစ်မယ်လို့ ပြောနိုင်ပေမယ့် ဒီတစ်ခါတော့ မတူပါဘူး။ ဘာဖြစ်လို့လဲ ဆိုတော့ မျက်နှာသေရဲ့ မျက်နှာမှာလည်း တူညီတဲ့ ပဟေဠိဆန်တဲ့ အမူအရာတွေနဲ့ ပြောင်းလဲနေတာကို တွေ့လိုက်ရလို့ပါပဲ။

ဘယ်မှာလဲ? ဒီလိုမြင်ကွင်းမျိုးကို ဘယ်မှာ မြင်ဖူးတာလဲ။ ဒါမှမဟုတ် ဒီလိုမြင်ကွင်းမျိုးနဲ့တူတဲ့ တစ်ခုခုကို ဘယ်မှာ မြင်ဖူးတာလဲ။

ထိုမြင်ကွင်းကို သတိရဖို့ကြိုးစားရင်း စိတ်ထဲမှာ ထပ်ခါထပ်ခါ တွေးနေပေမယ့် မကြာသေးခင်ကမှ မြင်ဖူးခဲ့သလို ရှိတာကိုတောင် မမှတ်မိတော့ပါ။ အလားတူ ခံစားချက်နှင့်အတူ တစ်စုံတစ်ခုက “ပိတ်ဆို့သွားပြီ” ဟူသော ခံစားချက်သာ ရှိ​နေသည်။ သူ့မှတ်ဉာဏ်ထဲက ခံစားချက်က ဒီနေရာနဲ့ အနည်းငယ် ကွာခြားနေသေးတာတော် သိသာပါ၏။

ဖက်တီးက စိတ်ထဲ သိပ်ထားမနေဘဲ ဘောင်းဘီကို ချွတ်ပြီး ရေထဲဆင်းကူးတော့သည်။ အားကွေ့က သူ့အား တောင်ပေါ်ရှိ ရေကန်တွေက ကံမကောင်းတတ်လို့ ပြောသော်လည်း သူက ဇဝေဇဝါ ဖြစ်မနေပေ။ ဖက်တီးကတော့ ဒီလို​ရေကန်မျိုး တစ်ခါမှ မမြင်ဖူးဘူးဆိုပေမယ့် အားကွေ့ ပါးစပ်ပိတ်သွားဖို့ ပြန်တင်လာခဲ့သည်။

ကမ်းကို ရောက်တော့ စိုနေတဲ့ ဖိနပ်နဲ့ ဘောင်းဘီ အရှည်တွေကို ချွတ်လိုက်သည်။ ဖက်တီးက အားကွေ့က တဲဆောက်ဖို့ ကူညီ​ပေးပြီး ယွင်ချိုင်ကတော့ ထမင်းချက်သည်။ ဝူရှဲ့ ရေသောက်ပြီး ရေကန်ကို နောက်တစ်ကြိမ် ထပ်ကြည့်လိုက်တော့ ဘယ်မှာတွေ့ဖူးသလဲ သတိရသွား၏။

ဒီတောင်ကြီးရဲ့ ပုံသဏ္ဌာန်နဲ့ ခံစားချက်က ရွာချောင်းမှာ ရေကစား​နေတုန်း တွေ့ခဲ့ရတဲ့ တောင်ရဲ့ ရှုခင်းနဲ့ အရမ်းဆင်တူပါသည်။ အဲဒီတုန်းက သူ စမ်းချောင်းထဲမှာပဲ ရှိခဲ့တာ အခုတော့ ရေကန်အနားကို ရောက်နေပြီ။ ဒါကြောင့် ရေထဲမှာ ရောင်ပြန်ဟပ်ပြီး တောင်ရဲ့အသွင်အပြင်က သူ့ကို အံ့အားသင့်သွားစေသည်။ ဒီတောင်တွေက တောတွေထူထပ်ပြီး ရွာနားက သစ်ပင်တွေ ခုတ်လှဲခံရတာ ဆိုတော့ ကြည့်ရတော့ နည်းနည်းထူးဆန်းတာ တစ်ခုခု ရှိနေသည့်အတိုင်းပင်။