ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 4🐉66🐉အလောင်းနားက ခြေရာများ

ဂူဖောက်သူတို့ဒဏ္ဍာရီ 盗墓笔记 (volume 4)
Author -南派三叔 (nan pai san shu)
translater - Hninthawethadar
ရွှံ့မြွေတစ္ဆေမြို့တော် (ဒုတိယပိုင်း)

Chapter (66)
အလောင်းနားက ခြေရာများ

ပုံမှန်အချိန်များတွင် ကောပိနှင့် အိုအေစစ်ထဲသို့ မဝင်မီတွင် သူတို့၏ ခန္ဓာကိုယ်အပေါ်ပိုင်းအဝတ်အစားများကို မချွတ်ဘဲ ခန္ဓာကိုယ်အောက်ပိုင်းကို နွေးထွေးစေရန် အတွက် အိပ်ရာအိတ်ထဲတွင် ဖုံးအုပ်ထားတတ်သည်။ ဒါက အရေးပေါ် အခြေအနေမှာ မြန်မြန်ထနိုင်သည်။ အားနင် ဒီလိုအိပ်နေတဲ့ အိတ်ကို ဘယ်နှစ်ခါမြင်ဖူးလဲ မသိပေမယ့် အခု တွေးကြည့်တော့ သူမက သေသွားပြီ ဆိုတာ သတိရသွားသည်။

ဒါပေမဲ့ သူ အိပ်ပျော်သွားချိန်မှာတော့ အလောင်းက အိပ်ရာအိတ်ထဲမှာ ကောင်းကောင်းမွန်မွန် လဲလျောင်းနေခဲ့သည်။ ဒါဆို အလောင်းကို ဘယ်သူက တူးဆွထားတာလဲ။ ဖန့်ကျစ် ဖြစ်နိုင်လား။ သူက ဘာလုပ်မှာလဲ။

ဝူရှဲ့ မတ်တပ်ထရပ်ပြီး အားနင်ရဲ့ ခန္ဓာကိုယ်ကို လှမ်းကြည့်လိုက်တော့ တစ်ခုခု မှားနေပုံပေါ်တာကို သိလိုက်ရသည်။ အလောင်းကို တစ်စုံတစ်ဦးမှ ထိသွားတာ အမှန်ပင်။ မသိရသေးသော အကြောင်းရင်း တစ်ခုကြောင့် လက်များသည် သဘာဝအတိုင်း ကွေးကောက်နေပြီး အလောင်းတစ်ခုလုံးမှာ အနည်းငယ် ထူးဆန်းနေပုံရသည်။

ပတ်ဝန်းကျင်ကို မသိစိတ်က လျှောက်ကြည့်မိတော့ မီးခိုးရောင်တွေ ပြည့်နေတဲ့ ပတ်ဝန်းကျင်က ချောက်ကြီးနဲ့ မတူချေ။ သစ်ပင်တွေကလည်း ခပ်ကျဲကျဲဖြင့် မူမမှန်တာ တစ်ခုမှ မမြင်ရသလို မီးရောင်ကလည်း ခပ်ဝေးဝေးကို မရောက်နိုင်တာမို့ ရှင်းရှင်းလင်းလင်း မမြင်ရပေ။

ဝူရှဲ့ ဖန့်ကျစ်ဘက် လှည့်ကာ လှုပ်နှိုးလိုက်သည်။ ဖန့်ကျစ်က ကောင်းကောင်း အိပ်မပျော်လို့ ချက်ချင်း နိုးလာခဲ့သည်။ ဝူရှဲ့လည်း အားနင်ဘက်ကို လက်ညှိုးထိုး၍ သူလုပ်တာလားလို့ မေးလိုက်သည်။

ဖန့်ကျစ် စိတ်ရှုပ်သွားကာ ခေါင်းခါပြလာသည်။ သူက ဝူရှဲ့ကို မယုံသင်္ကာဖြင့် ကြည့်လေ၏။ သူ့မျက်နှာထားက ဟန်ဆောင်နေတယ်လို့ မထင်ရတာကြောင့် ဝူရှဲ့ ပို၍ပင် အံသြသွားမိသည်။