ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉10🐉ပထမည တောတွင်းတစ္ဆေအသံများ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar
ရွှံ့မြွေတစ္ဆေမြို့တော် (တတိယပိုင်း)

Chapter (10)
ပထမည တောတွင်းတစ္ဆေအသံများ

"ငါ့အသက်ကို ပေးတာကလွဲလို့ အထီးကျန်တဲ့ နတ်တစ္ဆေက ဘာပြောနိုင်မှာလဲ"

ဖန့်ကျစ်က သူ့ကို အပိုစကားတွေ ရပ်ပြီး ဂရုတစိုက် နားထောင်ဖို့ ထပ်ပြောလိုက်သည်။ ဖန့်ကျစ်မှာ သူနဲ့ နောက်ပြောင်နေဖို့ စိတ်မဝင်စားပေ။

ဝူရှဲ့မှာ အဲဒီအသံရှင်က ဘာပြောနေတာလဲ ဆိုတာကို နားမလည်ပေ။ အသံက ဘာကိုမှ ဂရုမစိုက်တော့ဘဲ ပြောနေသလိုပဲမို့ သူတို့သုံးယောက်ကို ထိတ်လန့်လာစေသည်။ ဒီလိုအချိန်မျိုးမှာ သူလည်းပဲ ဖက်တီးလို အသံကိုနားထောင်ချင်စိတ် မရှိပါ။

အသံက အကျယ်ကြီး မဟုတ်ပေမယ့် တောက ထူးထူးခြားခြား ငြိမ်မနေဘူးဆိုရင် အခု ဂရုတစိုက် နားမထောင်ရင် ရှင်းရှင်းလင်းလင်း မကြားရ​​လောက်ဘူး။ အရမ်းထူးဆန်းတဲ့ လေသံကိုသုံးပြီး သူမ ဘယ်ရောက်နေမှန်း မသိနိုင်ပေ။

ဖန့်ကျစ်က စကား ပြောလာသောအခါတွင် သူ့ရဲ့ သေသေချာချာ အာရုံစူးစိုက်မှုက ဝူရှဲ့နဲ့ ဖက်တီးကို အသက်ရှုကြပ်သွား​စေပြီး ဂရုတစိုက် နားထောင်ရန် လှုံ့ဆော်ပေးလိုက်သည်။

အကွာအဝေးက အရမ်းဝေးနေပုံရပြီး အသံက ကပ်ငြိနေပေမယ့် ပြတ်တောင်း ပြတ်တောင်း ထွက်လာတာတောင် ဒီလိုမျိုး နားထောင်မိတိုင်း ငို​နေသလို တစ်ခုခုကို ဖတ်နေသလို ခံစားမိပေမယ့် တကယ်ကို နားမလည်ချေ။ တစ်ခုတည်းသော အကြီးမားဆုံး ခံစားချက်ကတော့ လေသံကို ကြားနေရတာပဲ ရှိသည်။

"နွေဦးကို ခေါ်နေတာလား?"

ဖန့်ကျစ်က ဖက်တီးကို မိုက်မဲတဲ့စကားတွေ ထပ်မပြောဖို့ သတိပေးတော့မယ့် အချိန်မှာပဲ ဝူရှဲ့ ဖက်တီးလက်ကို လှမ်းပုတ်လိုက်သည်။

"ခဏနေဦး... ဒီအသံက ငါ့နာမည်ကို ခေါ်နေသလိုပဲ"

"မင်းနာမည်​​ခေါ်တာ ငါ ဘာလို့မကြားရတာလဲ"

"ငါ့နာမည်အရင်းနဲ့ ခေါ်တာ မဟုတ်ဘူး... ငါ့ကို 'တတိယသခင်လေး' (ရှောင်စန်းရယ်) လို့ခေါ်နေတာ သေချာနားထောင်ကြည့်"