ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉17🐉အရင်က ရင်းနှီးဖူးသလို

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (17)
အရင်က ရင်းနှီးဖူးသလို

ဖက်တီးသည် ဝူရှဲ့၏ ပြောဆိုချက်သည် အလွန်လျှို့ဝှက်ဆန်းကြယ်သည်ဟု ထင်ခဲ့သော်လည်း သေချာ နားထောင်ကြည့်တော့လည်း ကျိုးကြောင်း ဆီလျော်သလို တစ်ခုတည်းသော ဖြစ်နိုင်ချေ ဖြစ်ကြောင်းလည်း ဝန်ခံခဲ့သည်။ ဖက်တီးသည် မူလက သိုးခြေထောက်တောင်သို့ တစ်ရက်ခရီးသွားရန် တက်ကြွသော အဖွဲ့ဝင်တစ်ဦး ဖြစ်သောကြောင့် သွားမယ့်အကြောင်း ပြောတဲ့အခါ သူက သဘာဝအတိုင်း သဘောတူခဲ့သည်။

နောက်တစ်ခုကတော့ သီးခြားကိစ္စရပ် တချို့ကို ဆွေးနွေးကြသည်။ ဒီတစ်ခေါက်က ခရီးသွားတဲ့ ခရီးစဉ်ဆိုတော့ ဂူဖောက်ဖို့ ပစ္စည်းတွေ မယူလာခဲ့ချေ။ ဒါကြောင့် ခေါင်းတလားဖွင့်ပြီး သင်္ချိုင်းတူးရမယ် ဆိုရင်တော့ လုပ်ငန်းစဉ်က နည်းနည်းတော့ ရှုပ်ထွေးသွားလိမ့်မည်။

ဤနေရာသည် ဝေးလံခေါင်သီလို့ အဆင်သင့် လုပ်ထားသော ကိရိယာများကို ဝယ်ယူရန် မဖြစ်နိုင်ကြောင်း ဖက်တီးက ပြောသည်။ အချို့အရာများသည် အစားထိုး အသုံးပြုရန် အလွန်အဆင်ပြေမည် မဟုတ်သော်လည်း ဒီတစ်ခါတော့ ရေကန်နားမှာ ဖြစ်တာကြောင့် အရည်အသွေး လိုအပ်ချက်တွေက အရမ်းကြီးနေစရာ မလိုပါဘူး။

တောရိုင်းတိရစ္ဆာန်တွေရဲ့ ရက်စက် ကြမ်းကြုတ်မှုကို မြင်ပြီးနောက် ဝူရှဲ့သည် လောင်စာခဲတွေနဲ့ မီးခိုးမထွက်တဲ့ မီးဖိုတွေ ဆောင်ထားဖို့ မလိုဘဲ လက်နက်တချို့သာ ဆောင်ထားရန် လိုပေသည်။

ဝူရှဲ့သည် သူနှင့် ဆွေးနွေးရန် အားကွေ့ကို ခေါ်ကာ လက်နက်တချို့ တောင်းကြည့်လိုက်ရာ သေနတ် ၃ လက် ရှိ​လေသည်။ သေနတ်သုံးလက်သည် အရွယ်အစား အမျိုးမျိုးရှိ၍ အကြီးဆုံး သေနတ်တစ်လက်ကို အားကွေ့မှ ထုတ်ယူခဲ့ခြင်းဖြစ်ပြီး သေနတ်စည်၏ အရည်အသွေးမှာ မဆိုးသော်လည်း ယမ်းမှုန့်က ဘယ်မှာမှ ရှာမတွေ့ဘူး။ အခြားသေနတ်များက ကျည်ဆန် ၂ လုံးကို ပစ်ခတ်ရန် အတွက်သာ အသုံးပြု ကြပြီး ၎င်းတို့ကို စစ်ပွဲနှစ်များမှ အကြွင်းအကျန်များ ဖြစ်ကြောင်း တွေ့နိုင်သည်။