ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉59🐉ဆက်လက် စောင့်ဆိုင်းခြင်း

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (59)
ဆက်လက် စောင့်ဆိုင်းခြင်း

ဝူရှဲ့တို့ အဲဒီမှာ ဘာမှမလုပ်ဘဲ သုံးရက်လောက် စောင့်နေခဲ့ရသည်။ လွန်ခဲ့သည့် သုံးရက်အတွင်း ဝူရှဲ့ သတိပြုမိသည့် တစ်ခုတည်းသော အချက်မှာ ၎င်းတို့ပျောက်ကွယ်သွားသော အပေါက်သာ ဖြစ်သည်။ ဘယ်လောက်ကြာကြာ စိုးရိမ်ပူပန်ခဲ့ရလဲ ဆိုတာ တကယ် စိုးရိမ်နေတဲ့ လူတွေကပဲ နားလည်နိုင်မယ် ထင်ပါရဲ့။

အဲဒီကာလမှာ ဝူရှဲ့ ဂူ​ပေါက်ထဲကို တစ်ကြိမ်ထပ်ပို​ပြီး ဝင်ဖို့ ကြိုးစားခဲ့ပေမယ့် အကြိမ်တိုင်း ရှုံးနိမ့်ခဲ့ရသည်။ ဝူရှဲ့ တက်နိုင်တဲ့ အမြင့်ဆုံးက ဆယ်မီတာလောက်ပဲ ရှိကာ သူတို့ တက်သွားနိုင်တဲ့ လမ်းကြောင်းကို မရောက်နိုင်ပေ။

ဒီလူအုပ်စုထဲမှာ ဦးလေးသုံးရဲ့ အုပ်စုထဲက နက်နက်နဲနဲ ဝင်သွားနိုင်တဲ့ တစ်ဦးတည်းသော သူကတော့ ဟေးရန်ကျင်း တစ်ယောက်ပဲ ရှိသည်။ ဟေးရန်ကျင်း ဝင်သွားရင်တောင် ထွက်လာဖို့က မသေချာပေ။ စခန်းအတွင်းရှိ လေထုသည် အုံ့မှိုင်းနေပြီး အပြင်ထွက်ဖို့ ပြင်ဆင်ရန်နဲ့ ထိုလူနှစ်ဦးသေသွားနိုင်ကြောင်း ထော့ပါမှ ကြိမ်ဖန်များစွာ တွန်းအားပေး ပြောလာခဲ့သည်။

ဝူရှဲ့ကတော့ ဒီနေရာကို ရောက်ဖို့ ခက်ခက်ခဲခဲ လုပ်ထားရတာကြောင့် ခေါင်းငုံ့ပြီး အဲဒီစကားလုံးတွေကို မကြားချင်ယောင် ဆောင်နေလိုက်သည်။ ဒီမှာဘာတွေ ဖြစ်နေပြီလဲ ဆိုတာကို တွေးကြည့်ရင်း ဝူရှဲ့ခမျာ လက်မခံနိုင်​သေးချေ။

ဝမ်းကျင်က ကြိုးကို ဖြည်ချသွားခဲ့သည်။ သူမသည် မထွက်ခင်က လှည့်​ပြုံး​ပြခဲ့​သော အပြုံးကို တွေးပြီး အထဲမှာ ကြုံရမယ့် အရာတွေကို သူမ သိထားသည် သိုမဟုတ် ဖြစ်ပျက်လာမည့် အခြေအနေကို သူမ ကြိုသိနေတာ ဖြစ်နေလိမ့်မည်ဟု တွေးမိလာသည်။

ဝမ်းကျင်၏ စကားများသည် လွန်ခဲ့သော နှစ်အနည်းငယ်က သူမဘဝသည် ရိုးရှင်းသော စကားလုံးများဖြင့် ဖော်ပြ၍ မရနိုင်လောက်အောင်ပင် ဖြစ်ခဲ့ကြောင်း၊ သူမ၏ အလောင်းအသွင်ပြောင်းခြင်းကို ဖြေရှင်းရန် နည်းလမ်း မရှိကြောင်း သူမ တွေ့ရှိခဲ့ပေလိမ့်မည်။ သူမဘဝက်ု အဆုံးသတ်ရန် ရွေးချယ်ခဲ့သည်။ ဒါပေမဲ့ မျက်နှာသေကရော။ သူဘာလို့ ထွက်မလာတာလဲ ဆိုတာတော့ ဝူရှဲ့မှာ သေချာ မသိရပေ။