ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉55🐉အန္တရာယ်ဖြစ်စေသော

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (55)
အန္တရာယ်ဖြစ်စေသော

မျက်နှာသေ ပြောချင်တဲ့ စကား အဓိပ္ပာယ်ကို ဝူရှဲ ချက်ချင်း နားလည်သဘောပေါက်သွားပြီး အတွေးတစ်ခု လင်းလက်သွားကာ မနေနိုင်ဘဲ ဝမ်းသာအားရ ဖြစ်သွားသည်။

သူတို့တွင် ရေငုပ်ကိရိယာ မရှိ​တော့ပါ။ ထို့ကြောင့် ချိုသဲ့ခေါင်က သူတို့ ဘာမဆို လုပ်ချင်တာ လုပ်နေကြရင် ဝူရှဲတို့မှာ စောင့်ကြည့်ရုံပဲ လုပ်နိုင်ပါ၏။ ရေငုပ်ကိရိယာကို ပြန်သွားယူပြီး နောက်တစ်ခေါက် ပြန်လာတဲ့အခါကျရင် ချိုသဲ့ခေါင်တို့က လမ်းရှင်းပြီးသား ဖြစ်သွားနိုင်သည်။ ရေအောက်မှာ အရေးကြီးတဲ့ တစ်ခုခုရှိနေရင် သူတို့မှာ အသာစီးရဖို့ လုံးဝအခွင့်အရေး မရှိလောက်ပေ။

မျက်နှာသေ ပြောခဲ့သလိုပဲ။ ဒါက တစ်ခုတည်းသော အခွင့်အရေး ဖြစ်နိုင်သည်။

ထိုလူတွေ မတုံ့ပြန်နိုင်မီတွင် နှစ်ယောက်သား ရေငုပ်ကိရိယာကို ဖမ်းယူပြီး စတင် အလုပ်လုပ်ကြသည်။ အောက်ဆီဂျင် ဆလင်ဒါမပါဘဲ ဖိသိပ်ထားသော လေထုတ်စက်ဖြင့်ဆို ၎င်းတို့ကို ဘာမှမလုပ်နိုင်ပါ။ ဒါက တခြားသူတွေ စဉ်းတောင် မစဉ်းစားမိတဲ့အခါ ပထမဆုံး လုပ်ကြံခြင်းရဲ့ စံနမူနာ တစ်ခုပါပဲ။

သို့သော် လက်ရှိအခြေအနေအရ ရရှိနိုင်ပါသလား။ ဝူရှဲမှာလည်း သံသယတွေဖြင့်။ ရေငုပ်ကိရိယာတွေက ရေကန်နဲ့ အဝေးက မြစ်ကမ်းမှာ ကပ်ထားလို့ အနည်းငယ် လှမ်းယူရသည်။ ထိုအခိုက်တွင် မျက်နှာသေက သွားယူနေပြီမလို့ ဖက်တီးနဲ့ ဝူရှဲလည်း အလျင်အမြန် လိုက်သွားကြရ၏။

ဝူရှဲလည်း အဲဒါကို တွေးပြီးတဲ့အခါ လှမ်းပြောလိုက်သည်။

“ခင်ဗျား ပြောတာက အဓိပ္ပာယ်ရှိပေမယ့် ဒီကိစ္စက အရေးတကြီးလုပ်လို့ မဖြစ်ဘူး ဒီမှာက လူများတယ် ကျွန်တော်တို့ အခုချက်ချင်း လုပ်လို့ မဖြစ်ဘူး.... ညအထိစောင့်ပြီးမှ ခိုးဝင်ခိုးထွက် လုပ်ရင်ရော?"

သို့သော် မျက်နှာသေက သူ့ခေါင်းကို ခါယမ်းသည်။ 

"ငါတို့မှာ ညတွေနေ့တွေ မရှိတော့ဘူး... ငါတို့ အခြေချပြီးတာနဲ့ သူတို့ ချက်ချင်း ရေထဲကို ရောက်သွားလိမ့်မယ်... မင်းမြင်တယ်မလား"