ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar
ရွှံ့မြွေတစ္ဆေမြို့တော် (တတိယပိုင်း)
Chapter (12)
ပထမည - ခိုးဝင်တိုက်ခိုက်ခြင်း
"အစည်းအဝေးလားဟ... ဒီအကောင်တွေက ဒီလိုလည်း လုပ်နိုင်တယ်လား?...ဖက်တီးငါကတော့ နောက်ဆုံးတော့ အတွေ့အကြုံ တစ်ခုရသွားပြန်ပြီ"
ဖန့်ကျစ်က "ဒီမြွေတွေက ပုံမှန်မဟုတ်ဘူးလို့ ငါပြောသားပဲ... အဲဒါတွေက သေချာပေါက် မြွေဆိုးတွေ မှော်မြွေဆိုးတွေ ဖြစ်လာလုနီးပါး ဖြစ်နေပြီ"
ရှေ့က လှုပ်ရှားသံကို ကြားရလောက်တော့ မြွေတွေက ပိုနီးလာသလို ထင်ရပေမယ့် သစ်ပင်တွေရဲ့ အရိပ်တွေကြောင့် မမြင်ရတဲ့ မကောင်းဆိုးဝါး စွမ်းအားတစ်ခု တွန်းပို့လာနေသလို ခံစားရစေလေသည်။ အသံက သူတို့ဆီကို ချဉ်းကပ်လာပြီမလို့ ဖန့်ကျစ်အား လှည့်မေးလိုက်သည်။
"ခင်ဗျားတို့ မွေးရပ်မြေမှာ ဒီလိုမြွေဆိုးတွေကို ကိုင်တွယ်ဖို့ လှည့်ကွက်တွေ ရှိလား?"
ဖန့်ကျစ်က "သူတို့ကို ဘယ်လိုလုပ် ရင်ဆိုင်နိုင်မှာလဲ? ဟိုတုန်းကတော့ ဒါတွေကို နတ်ဘုရားတွေဆိုပြီး ယုံကြည်ကြတယ်... ရှေးခေတ်တုန်းကဆို ယောက်ျားလေးတွေ ကောင်မလေးတွေကို ယဇ်ပူဇော်တယ်လို့တော့ အဖိုးက ပြောဖူးတယ်"
ဖက်တီးက "ဒီထက်ပိုပြီး အားကိုးရတဲ့ နည်းလမ်းရှိသေးလား... ယောက်ျားလေးရော မိန်းကလေးရော ဘယ်မှာသွားရနိုင်မှာလဲ"
ဖန့်ကျစ်က "ငါပြောတာက ရှေးခေတ်တုန်းက... အခုခေတ် မြို့ထဲမှာ ဒီလိုမျိုးတွေ ဘယ်လိုလုပ် ကြုံရမှာလဲ... ခေါင်းချင်းဆိုင် တိုက်ခိုက်ဖို့ဆိုတာလည်း လုံးဝ မဖြစ်နိုင်ဘူးလို့ ထင်တယ်... တစ်ချက် အကိုက်ခံရပြီး အားနင် ချက်ချင်း သေသွားတာကိုပဲကြည့်... ငါတို့ ဆုတ်ခွာပြီး ပြောက်ကျားစနစ်နဲ့ တိုက်သင့်တယ်... ဘယ်သူက ဘယ်သူနဲ့ ယှဉ်နိုင်မလဲဆိုတာ သိဖို့အတွက် သူတို့နဲ့ ပုန်းလျှိုးကွယ်လျှိုး ဆော့ကစားမယ်"
ပြောပြီးတဲ့အခါ ဖန့်ကျစ်သည် သူ့နောက်က လိုက်ခဲ့ဖို့အတွက် ဝူရှဲ့တို့ကို လက်ပြလိုက်၏။ ဝူရှဲ့မှာ ဖန့်ကျစ်ပြောတာကို နားထောင်ရင်း ခြေလှမ်းနှစ်လှမ်း လှမ်းပြီးတဲ့နောက် ရုတ်တရက် တစ်ခုခုကို သတိရတာကြောင့် သူ့ကို လှမ်းဆွဲလိုက်သည်။
YOU ARE READING
ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6
Kinh dịVolume 4 အစကို ရှေ့ book မှာ ဖတ်ပေးပါ Volume 4 အစကို ေရွ႕ book မွာ ဖတ္ေပးပါ
