ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉26🐉တတိယည - အသိအကျွမ်းလို့ထင်ရ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (26)
တတိယည - အသိအကျွမ်းလို့ထင်ရ

"ဟင်?"

ဝူရှဲ့ တစ်ခဏအတွင်း အံ့သြသင့်သွားသည်။ စိတ်ထဲမှာတော့ မျက်နှာသေက သူ့ကို ဘယ်လိုလုပ် သိနေတာလဲ။ ၎င်းက သူ့ရဲ့ ဒုတိယဦးလေးမလို့လား။

မျက်နှာသေက တစ်ခုခုပြောပြီးနောက် ဝူရှဲ့ နားလည်မှု လွဲသွားတာကို ချက်ချင်း သဘောပေါက်သွားကာ သူက ပြောလာ၏။

"ဒီမြင်းရှစ်ကောင်... ဒီလူက ဘုရင်ကျိုးမုပဲ..."

"ဘုရင်ကျိုးမု? သူက 'မုထျန်းကျစ် ဒဏ္ဍာရီ' ထဲက.... အဲဒီ....?"

ဝူရှဲ့ ဇတ်ကနဲ ပြန်မေးလိုက်သည်။

မုထျန်းကျစ် ဒဏ္ဍာရီကို သူလည်းပဲ အလွန်ရင်းနှီးကျွမ်းဝင်ပါသည်။ ဤနေရာသို့ မရောက်လာမီက လူတစ်စုသည် ဘုရင်မု၏ ဒဏ္ဍာရီတွင် အဓိကအားဖြင့် ဘုရင်မုသည် စစ်သည်ခုနစ်ဦးကို ဦးဆောင်ထားသူပင်။ ချစ်ကျိ၊ ​တောက်လီ၊ ပိုင်ယိ၊ ယွင်လွန်၊ ရှန်းကျစ် နှင့် ရွှီဟွမ်တို့ ဖြစ်သည်။

လမ်းပြအဖြစ် ကျောင်ဖူနှင့် ပေါ်ရောင်းတို့က ဆောင်ရွက်ကာ ဟွားလျို၊ လွိအာနှင့် အခြားခေါင်းဆောင်များသည် ကျုံးကျိုးမှ ထွက်ခွာကာ ကျန်းမြစ်ကို ဖြတ်ပြီး ဟဲကျုံး၊ ယန်ယွိကျစ်တောင်၊ ရွှင်ယွိတောင်နှင့် အခြားနေရာများကို ဖြတ်၍ အနောက်ဘက်သို့ ခရီး သွားကြသည်။ ရှီးဝမ်းမယ်တော်နှင့် တိုက်ပွဲမှာ သူတို့အတွက် ဖျော်ဖြေရေး ကဲ့သို့သော အရာများသာ ဖြစ်​လေသည်။

တစ်နည်းဆိုရသော် သူသည် မြင်းရှစ်ကောင်ဖြင့် ရှီးဝမ်းမယ်တော်၏ နန်းတော်သို့ အလည်အပတ် ရောက်လာခဲ့ပြီး ရှီးဝမ်းမယ်တော်၏ နွေးထွေးစွာ ဖျော်ဖြေမှုကို ခံခဲ့ရသည်။

သို့သော် ရုပ်ကြွကို ကြည့်လိုက်လျှင် ဘုရင်ကျိုးမှဟာ ခရီးထွက်လာခဲ့တဲ့ ပုံနဲ့ မတူချေ။ ဧကန္တ ဒဏ္ဍာရီက မှားနေတာလား။ ဘုရင်ကျိုးမုက ရှီးဝမ်းမယ်တော်ရဲ့ မိခင်ကို ရောက်လာခဲ့ပေမယ့် သူက စစ်တိုက်ဖို့ ရောက်လာခဲ့တာလား။