Vol 6🐉43🐉ကျောက်တုံးလူသား

83 15 0
                                    

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (43)
ကျောက်တုံးလူသား

ပထမဆုံး မှတ်မိလိုက်တာက ကိုယ့်အရိပ်လို့ ထင်မိပေမယ့် အထဲကအရိပ်ဟာ သူနဲ့အတူ မရွေ့ဘူးဆိုတာ တွေ့လိုက်ရသည်။ ဝူရှဲတို့ သုံးယောက်လုံး ရေခဲဂူထဲသို့ ကျသွားသလို တောင့်တင်းသွားကြသည်။ ကျောက်စိမ်းသွေးပြန်ကြောမှ ပုံသဏ္ဌာန်ကို ကြည့်လိုက်ချိန် သူတို့အားလုံး သည်းမခံနိုင်တော့ပေ။

"အဲဒါဘာလဲ?"

"မာရ်နတ်ကပဲ သိလိမ့်မယ်" ဖက်တီးက တူညီတဲ့ လေသံနဲ့ ပြန်ပြောပြီး ခဏရပ်ပြီး ဆက်ပြောသည်။

"ဒါက လူဖြစ်မယ်ကွ"

ဝူရှဲ: "လူက ဘယ်လိုလုပ်ဖြစ်နိုင်မှာလဲ လူဖြစ်ရင် ဒီကျောက်နံရံထဲကို ဘယ်လိုလုပ် ရောက်သွားမှာလဲ"

ဖက်တီးက ဝူရှဲကို ကြည့်ပြီး တုန်တုန်ယင်ယင်နဲ့ ပြန်မေးလေသည်။

"ကျောက်တုံးထဲက ငါးတွေရဲ့ ဒဏ္ဍာရီကို ကြားဖူးလား"

သူပြောပြီးသည်နှင့် တပြိုင်နက် ဝူရှဲ ခန္ဓာကိုယ်ပေါ်က နှလုံးခုန်သံများ တဒုန်းဒုန်း ထွက်ပေါ်လာသည်။ ကျောက်တုံးထဲကငါး ဒဏ္ဍာရီသည် စိတ်ကူးယဉ်ဝတ္ထုများတွင် တွေ့ရလေ့ရှိသော ဇာတ်လမ်းတစ်ခု ဖြစ်၏။ တစ်စုံတစ်ဦးသည် တောင်ကြောတစ်ခုလုံးကို ဖွင့်ပြီးနောက်တွင် ၎င်းသည် ရေသာမကဘဲ ရေထဲတွင် အသက်ရှင်နေသည့် ငါးတစ်ကောင်ပါရှိသည့် အပေါက်ကို တွေ့ရှိခဲ့ကြောင်း ရေးသားထားသော ဝတ္ထုမျိုးပင်။

ငါးသည် ကျောက်ထဲသို့ မည်သို့ရောက်သွားသည်ကို မည်သူမျှ မသိကြသလို ကျောက်ထဲတွင် အစာမရှိသော်လည်း ငါးက ဘယ်လို အသက်ရှင်ခဲ့ကြောင်း ဘယ်သူမှ မသိခဲ့ပေ။

ဤဖြစ်စဉ်ကို အံ့ဖွယ်ဖြစ်ရပ် အဖြစ် မကြာခဏ ဆိုသလိုပင် ပြောတတ်ကြသည်။ ကျောက်အတွင်း ငါးများ ဝင်လာခြင်း မဟုတ်လဲ ၎င်းကို ကျောက်တုံးကိုယ်တိုင်က မွေးထုတ်ပေးခြင်း ဖြစ်ပေမည်။ ဒီကျောက်ငါးကို စားပါက မအိုမသေနိုင်ဘူးလို့ ဒဏ္ဍာရီမှာ ဆိုထားပေမယ့် တချို့လူတွေကတော့ ဒီကျောက်တုံးငါးကို စားရင် ချက်ချင်းသေမယ်လို့ ပြောကြပါသည်။

ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6Where stories live. Discover now