ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 6🐉54🐉မဖိတ်ကြားထားသောဧည့်သည်

ဂူဖောက်သူတို့ဒဏ္ဍာရီ 盗墓笔记 (volume 6)
Author -南派三叔 (nan pai san shu)
translater - Hninthawethadar

Chapter (54)
မဖိတ်ကြားထားသောဧည့်သည်

ဦးလေးနှစ် ထွက်သွားပြီး ငါးရက်အကြာတွင် ၎င်းတို့သည် တစ်စုံတစ်ရာ တွေ့ရှိခဲ့ခြင်း ရှိမရှိ မသိရ​သေးသော်လည်း ဦးလေးနှစ်က ဝူရှဲအား ဟန်ကျိုးသို့ ပြန်လာပြီးနောက် စကားပြောရန် သဘောတူခဲ့သည်။

တကယ်တော့ ဖက်တီးနဲ့ မျက်နှာသေတို့ဟာ ကုသမှုခံယူပြီးနောက် ဒဏ်ရာအပြင်းအထန် မရခဲ့ကြဘဲ နှစ်ပတ်အတွင်း ဆေးရုံက ဆင်းခဲ့ကြပါ၏။ သူတို့ ဟန်ကျိုးကို ချက်ချင်းမပြန်ဘဲ ပါးနိုင်ကို ထပ်သွားခဲ့သည်။ မျက်နှာသေက ထိုနေရာနှင့် ဆက်စပ်နေကြောင်း ဖက်တီးမှ နိဂုံးချုပ်ခဲ့ပြီး နောက်ထပ် သဲလွန်စမရမီ သူ ထိုနေရာတွင် အချိန်အတော်ကြာ နေထိုင်ရပေမည်။

လေးရက်လောက်ကြာတော့ ရေကန်ကို ပြန်သွားပြီးတော့ ကန်လယ်မှ အရိုးတွေကို ကိုင်တွယ်ပြီး မြေကြီးအုတ်ဂူများ တည်ဆောက်ပေးခဲ့သည်။ ဝူရှဲကို အပြစ်ရှိသလို ခံစားရစေသည့် ဖန်းမာကတော့ ဘယ်တော့မှ ပြန်မပေါ်တော့ပေ။ ဝူရှဲ သူ့အပြစ်များကို တွေးကြည့်ရာမှာလည်း ကံတရားတစ်ခုလိုလည်း ခံစားခဲ့ရသည်။

ဝူရှဲတို့သည် ပရော်ဖက်ရှင်နယ် ကယ်တင်ရေး ကိရိယာကို ယူဆောင်ကာ သဲလွန်စများ ပိုမိုရရှိရန် မျှော်လင့်ကာ အသေးစိတ် ဆယ်တင်မှုကို ဆက်လက် လုပ်ဆောင်ခဲ့သည်။ ရေထဲမှ နောက်ထပ်အရာများကို တစ်ခုပြီးတစ်ခု ဖြတ်ထုတ်ခဲ့သော်လည်း အထူးတလည် ဝေဖန်စရာတော့ မတွေ့ခဲ့ပါ။

ထို့နောက် ကျွန်ုပ်တို့သည် ရှေးကျသော ရွာသို့ သွားကာ ကျန်းအိမ်တော် မျှော်စင်၏ အခြေအနေကို သေချာစစ်ဆေးပါမည်။ သို့သော် ဒီအချိန်မှာတော့ အောက်ဆီဂျင်ဗူးတွေ အကုန် ကုန်သွားပြီးမို့ အစားထိုးဖို့ လိုပါသည်။

တိုက်ဆိုင်စွာပင် ရေငုပ်ခြင်း၏ နောက်ဆုံးနေ့တွင် ကမ်းပေါ်တက်ကာ ပြန်လာခါနီးတွင် မထင်မှတ်ဘဲ ရေကန်တွင် တစ်ခုခု ဖြစ်လာခဲ့သည်။

ထိုအချိန်တွင် သူတို့သည် ရေကန်၏ အလယ်တွင်ရှိနေဆဲ ဖြစ်ပြီး ဖက်တီးက မျက်နှာကိုသုတ်ရင်း ကမ်းဘက်သို့ ညွှန်ပြ​နေသည်။ ကမ်းကို လှမ်းကြည့်လိုက်တော့ ယွင်ချိုင် နဲ့ တခြားသူတွေအပြင် တဲထိုးနေတဲ့သူတွေ အများကြီး ရှိနေတာကို တွေ့လိုက်ရ၏။