ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉67🐉တူညီသော ဆင်းရဲဒုက္ခများ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (67)
တူညီသော ဆင်းရဲဒုက္ခများ

အစ်ကိုချူ၏ ပြောဆိုချက်သည် ဝူရှဲ့အား များစွာသော အကြောင်းအရာများကို သိရှိနားလည်စေခဲ့သည့်အပြင် ပိုပြီးလည်း စိတ်ရှုပ်သွားစေသည်။ ဝူရှဲ့ကို ကြောက်ရွံ့စေသည့် အချက်မှာ သူသည် ဦးလေးသုံးကဲ့သို့ စကားတစ်ဝက်ပဲ ပြောမည်ကို စိုးရိမ်၍ သူ့ကို ဆက်ပြောရန့ တိုက်တွန်းလိုက်သည်။

ဒီတစ်ခါတော့ အစ်ကိုချူကို ကြည့်ပြီး ပြုံးပြလေသည်။ 

"စိတ်မပူပါနဲ့ ငါသိသမျှ ငါပြောပြမယ်... ဒါပေမဲ့ မင်းငါ့ကို နည်းနည်းလေး ကတိပေးရမယ်"

"ဘာလဲ?" ဒီလူကတော့ သူ့ကို ဈေးဆစ်ချင်နေပြီ။

သူက တံခါးဘက်ကို ကြည့်ပြီး တုန်တုန်ယင်ယင်နဲ့ ပြောသည်။

"ဒါတွေကို မင်းကိုငါ ပြောဖူးတယ်လို့ သူများတွေ ပြောလို့မရဘူး... အအကျန်း အကြောင်း ငါမင်းကိုပြောပြထားလို့ ပိုက်ဆံရထားတယ်လို့ ကြားရင် ငါ တခြားလူတွေ အကြောင်းကိုလည်း ဖွတယ်ဆိုပြီး သတင်းပျံ့ကုန်လိမ့်မယ်... တစ်ယောက်ယောက်သာ ဒီသတင်းကို ကြားပြီး ငါ့ကို သတ်ပစ်ဖို့ လုပ်ရင် ငါလည်း ဒီအချက်အလက်ကို ရောင်းမှာ မဟုတ်ဘူး"

ဝူရှဲ့ ခေါင်းညိတ်ပြလိုက်သည်။ သူ ဒါကို နားလည်နိုင်ပါ၏။ အဲဒါကြောင့် သူ့ကိုလာတွေ့ဖို့နဲ့ ဖန့်ကျစ်ကို ရှောင်ခိုင်းတာပဲ ဖြစ်လိမ့်မည်။ ဒီလိုကိစ္စမျိုးတွေကို လူတွေ သိပ်မသိလေ ကောင်းလေပဲ မဟုတ်ပါလား။

"မင်းရဲ့ဦးလေးသုံးနဲ့ ငါက နှစ်အတော်ကြာအောင် သူငယ်ချင်းဖြစ်ခဲ့တာ ဆိုတော့ ချန်ဝမ်းကျင်အကြောင်း စုံစမ်းစစ်ဆေးမှုလိုမျိုး ဟာတွေကို အစောပိုင်းနှစ်တွေမှာ ငါကတာဝန်ယူခဲ့တာ။ အဲဒါကြောင့် ငါက မင်းထင်ထားတာထက် အများကြီး ပိုသိတယ်....ဒီနောက်ကွယ်က ရေ ဘယ်လောက်နက်လဲ ဆိုတာ မင်းမသိပါဘူး...  မင်းရဲ့ ဦးလေးသုံးက မင်းကို မကြာခဏ သတိပေးနေလို့ ငါလည်း မင်းအကြောင်းကို သိတာလေ... မင်းက ဒီလမ်းပေါ်က လူမဟုတ်မှန်း ငါသိတယ် အဲဒါကြောင့်လည်း မင်းကို သတင်းရောင်းရဲတာ"