ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉68🐉နောက်တစ်ကြိမ် ထွက်ခွာခြင်း

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (68)
နောက်တစ်ကြိမ် ထွက်ခွာခြင်း

ကွမ်ရှီး တောင်ရွာတွေမှာတော့ ရွာထဲက လူမိုက်တွေက ပိုပိုပြီး ရယ်စရာကောင်းလာပါပြီ။ ဒါပေမဲ့ အစ်ကိုချူဟာ မျက်နှာသေရဲ့ အခန်းမှာ သူတွေ့ခဲ့ရတာကို အတိအကျ မပြောပေ။ ဝူရှဲ့ အကြိမ်ကြိမ်မေးပေမယ့် သူက အရမ်းခေါင်းမာသည်။ သူ့အသွင်အပြင်ကို ကြည့်လိုက်တော့လည်း နည်းနည်း ထူးဆန်းပြီး အတုအယောင်လို့ပင် ခံစားလာရသည်။ နောက်ဆုံးတော့ အစောင့်တွေက ဝင်လာပြီး အချိန်ပြည့်ပြီလို့ ဆို၏။

အတင်းဆက်​မေးရင် တစ်ခုခုဖြစ်သွားမှာကို ကြောက်တာကြောင့် ဝူရှဲ့လည်း လက်လျှော့လိုက်ရသည်။ ဖန့်ကျစ်မှာ အတော်လေး စိတ်ဓာတ်ကျနေပြီ။ အစ်ကိုချူကို သင်ခန်းစာပေးမယ့် လူကို ရှာပြီး ပြောထွက်လာအောင် လုပ်ခိုင်းရမလားလို့ ဆိုလာသည်။ ဝူရှဲ့က ဒီလောက် ပြောင်ပြောင်မြောက်မြောက် လုပ်စရာ မလိုဘူးလို့ ပြောခဲ့သည်။ အစ်ကိုချူကို ကြည့်ရတာ နည်းနည်း အားနည်းနေပုံပြီး သူကိုယ်တိုင်ကလည်း မသိပုံပင်။

ဖန့်ကျစ်: "ဘာလို့လဲ"

"အခန်းထဲမှာ ဓာတ်ပုံပါတဲ့ စားပွဲတစ်လုံးရှိတာကို သူသိပေမယ့် ဓာတ်ပုံထဲမှာ ဘာပါလဲဆိုတာတော့ အတိအကျ မသိဘူး မှုန်ဝါးနေတာပဲတဲ့လေ... ဒါက အချက်အလက် ရောင်းပြီး ပိုက်ဆံချေးတဲ့လူပဲ လုပ်တာ... သေချာတာကတော့ သူအဲ့ကို သွားခဲ့ဖူးလိမ့်မယ်"

ဤအရာသည် ဝူရှဲ့၏ ထင်မြင်ယူဆချက်မျှသာ ဖြစ်သည်။ အမှန်မှာ ၎င်းကို တွေးတော​နေရန် အဓိပ္ပာယ်မရှိပေ။ အစ်ကိုချူးထံမှ ပါးနိုင်လိပ်စာကို ရပြီးနောက် ကွမ်ရှီးသို့သွားရန်အစီအစဉ်ကို အခြေခံအားဖြင့် အတည်ပြုခဲ့သည်။

ပါးနိုင်သည် ကွမ်ရှီးရှိ တစ်သောင်းမကသော တောင်ကုန်း၏ အနောက်ဘက်တွင် တည်ရှိသော ရွာဖြစ်ပြီး အစောပိုင်းနှစ်များတွင် ကွမ်ရှီး၏ ဆိုက်ဘေးရီးယားဟုပင် ခေါ်တွင်ခဲ့သည်။ လိပ်စာကို ကြည့်ရသလောက်တော့ မျက်နှာသေရဲ့အိမ်က ပါးနိုင်ရွာမှာ မဟုတ်ဘဲ ရွာပတ်လည်က တောင်တန်းတွေမှာ ဖြစ်နေမှာ ကြောက်ရသည်။